มัทธิว 24:42 - พระคริสตธรรมคัมภีร ภาคพันธสัญญาใหม

⁴² “ย้อน​จาอั้น​หมู่​ต้าน​จง​หละวัง​ตั๋ว​หื้อ​ดี ย้อน​ต้าน​บ่ฮู้​ว่า​องค์​พระผู้เป๋นเจ้า​ของ​ต้าน​จะ​ปิ๊ก​มา​เมื่อ​ใด​วัน​ไหน​กั๋น​แน่

มัทธิว 24:42 ပူးပေါင်းရင်းမြစ်များ

มัทธิว 24:36

“แต่​ว่า​วัน​นั้น​เวลา​นั้น​ตี้​สิ่ง​หมู่​นี้​จะ​เกิด​ขึ้น บ่มี​ใผ​ฮู้​สัก​คน หมู่​ทูตสวรรค์​ก็​บ่ฮู้ บุตร​ของ​พระเจ้า​ก็​บ่ฮู้ มี​ก้า​พระบิดา​องค์​เดียว​เต้าอั้น​ตี้​ฮู้

มัทธิว 24:43

หื้อ​จ๋ำ​ไว้​ว่า ถ้า​เจ้าของ​บ้าน​ฮู้​ตั๋ว​ว่า​ขโมย​จะ​ลัก​เข้า​มา​ต๋อน​เมื่อคืน​เวลา​ใด เขา​ก็​จะ​แน​หละวัง บ่หื้อ​ขโมย​งัด​เข้า​มา​ใน​บ้าน​ได้​แน่ๆ

มัทธิว 24:44

เหมือน​เดียว​กั๋น ต้าน​ตังหลาย​จง​เกียม​ตั๋ว​ไว้​หื้อ​พร้อม ย้อน​ว่า​บุตรมนุษย์​จะ​มา​ใน​เวลา​ตี้​หมู่​ต้าน​กึ๊ด​บ่เถิง

มัทธิว 25:10

“ต๋อน​ตี้​หมู่​แม่ญิง​ง่าว​ออก​ไป​เซาะ​ซื้อ​น้ำมัน เจ้าบ่าว​ก็​มา​แผว เปื้อน​เจ้าสาว​ตี้​พร้อม​อยู่​แล้ว​ได้​ไป​งาน​เลี้ยง​แต่งงาน​กับ​เจ้าบ่าว แล้ว​ปะตู๋​ก็​หับ

มัทธิว 25:13

“ย้อน​จาอั้น หื้อ​ต้าน​ตังหลาย​เฝ้า​หละวัง​อยู่​ตลอด ย้อน​ต้าน​บ่ฮู้​วัน​เวลา​ตี้​เฮา​จะ​ปิ๊ก​มา

ลูก๋า 21:34

“จง​หละวัง​ตั๋ว​ไว้​หื้อ​ดี​เน่อ บ่ดี​เอา​ก้า​กิ๋น​เหล้า​เมา​ยา กาว่า บ่ดี​กั๋งวล​เถิง​จีวิต​นี้​เต้าอั้น ถ้า​เป๋น​จาอั้น​เวลา​นั้น​ก็​จะ​มา​เถิง​หมู่​ต้าน​เมื่อ​ยัง​บ่ตัน​กึ๊ด เหมือน​ติด​แฮ้ว

ลูก๋า 21:36

หื้อ​เฝ้า​หละวัง​อยู่​ตลอด​กับ​อธิษฐาน​ตึง​วัน เปื้อ​หมู่​ต้าน​จะ​มี​ก๋ำลัง​ตี้​จะ​ป๊น​จาก​เหตุก๋ารณ์​ตังมวล​ตี้​จะ​เกิด​ขึ้น แล้ว​จะ​ยืน​อยู่​ต่อหน้า​บุตรมนุษย์​ได้”

โรม 13:11

หื้อ​ต้าน​เยียะ​จาอี้​ย้อน​ต้าน​ฮู้​ดี​ว่า บ่าเดี่ยว​นี้​เถิง​เวลา​ตี้​สมควร​จะ​ตื่น​จาก​หลับ​แล้ว เวลา​ตี้​เฮา​จะ​ได้ฮับ​ความ​รอด​นั้น​ก็​ใก้​เข้า​มา​เถิง​เหลือ​ต๋อน​ตี้​เฮา​ฮับ​เจื้อ​ใหม่ๆ

1 โครินธ์ 16:13

หื้อ​ต้าน​ตังหลาย​หละวัง​ไว้​หื้อ​ดี หื้อ​มั่นคง​ใน​ความ​เจื้อ หื้อ​มี​ใจ๋​ก้า​กับ​เข้มแข็ง

1 เธสะโลนิก๋า 5:6

ย้อนจาอั้น​ห้าม​เมา​หลับ​อย่าง​คน​อื่น​ตี้​บ่ฮู้​ว่า​พระเยซู​จะ​ปิ๊ก​มา​แหม แต่​หื้อ​เฮา​เฝ้า​หละวัง​ตื่น​ตั๋ว กับ​ควบคุม​ตั๋ว​เก่า​อยู่​เสมอ

1 เปโตร 4:7

ใก้​เถิง​วัน​สิ้น​โลก​แล้ว หมู่​ต้าน​ต้อง​ตั้ง​สติ​ไว้​หื้อ​ดี สงบ​จิต​สงบ​ใจ๋ เปื้อ​หมู่​ต้าน​จะ​อธิษฐาน​ได้

1 เปโตร 5:8

หื้อ​หมู่​ต้าน​ควบคุม​ตั๋วเก่า กับ​เฝ้า​หละวัง​ตื่น​ตั๋ว​หื้อ​ดี ย้อน​มาร​ตี้​เป๋น​ศัตรู๋​ของ​หมู่​ต้าน​เป๋น​เหมือน​สิงโต​คำราม​เตียว​เซาะ​หา​เหยื่อ​กิ๋น​ไป​ทั่ว

วิวรณ์ 16:15

“ฟัง​หื้อ​ดี เฮา​จะ​มา​หา​หมู่​ต้าน​เหมือน​ขโมย คน​ตี้​ตื่น​ตั๋ว​กับ​เกียม​เสื้อผ้า​ของ​ตั๋ว​เก่า​ไว้​พร้อม​ตี้​จะ​ใส่ ก็​เป๋น​สุข เขา​จะ​บ่ได้​ป๋วย​ตั๋ว​หื้อ​อาย​ต่อหน้า​คน​ตังหลาย”