มัทธิว 24:4 - พระคริสตธรรมคัมภีร ภาคพันธสัญญาใหม

⁴ พระองค์​ตอบ​ว่า “หละวัง​หื้อ​ดี ห้าม​หื้อ​ใผ​จุล่าย​ต้าน​เน่อ

มัทธิว 24:4 ပူးပေါင်းရင်းမြစ်များ

มาระโก 13:22

ย้อน​ว่า​จะ​มี​พระคริสต์​ตั๋ว​ป๋อม​กับ​ผู้​เป๋น​ปาก​เป๋น​เสียง​แตน​พระเจ้า​ตั๋ว​ป๋อม​เกิด​ขึ้น แล้ว​หมู่​เขา​ก็​จะ​เยียะ​ก๋าน​อัศจ๋รรย์​กับ​หมายสำคัญ​ต่างๆ เปื้อ​จุล่าย​คน​ตี้​พระเจ้า​ได้​เลือก​ไว้​แล้ว ถ้า​เป๋น​ไป​ได้

ลูก๋า 21:8

พระองค์​ก็​บอก​ว่า “หละวัง​หื้อ​ดี ห้าม​หื้อ​ใผ​จุล่าย​ต้าน​เน่อ ย้อน​ว่า​จะ​มี​หลาย​คน​มา​อ้าง​จื้อ​ของ​เฮา​ว่า ‘เฮา​เป๋น​พระคริสต์’ กับ​บอก​ว่า ‘เวลา​นั้น​ใก้​มา​แผว​แล้ว’ ห้าม​ตวย​เขา​ไป​เน่อ

กาลาเทีย 6:3

ถ้า​ใผ​กึ๊ด​ว่า​ตั๋ว​เก่า​เป๋น​คน​สำคัญ แต่​แต๊ๆ แล้ว​บ่ใจ้​จาอั้น คน​นั้น​ก็​จุ​ตั๋ว​เก่า

เอเฟซัส 4:14

เปื้อ​เฮา​จะ​บ่เป๋น​เหมือน​หละอ่อน​แหม​ต่อไป ตี้​ถูก​คลื่น​ปั๊ด​ไป​ปั๊ด​มา กาว่า​ถูก​ลม​ปั๊ด​ไป​ตาง​ปู๊น​ไป​ตาง​เพ้ โดย​กำสอน​ผิด​ของ​คน​สอน​ผิด​ตี้​ใจ๊​อุบาย​จุล่าย​เฮา

เอเฟซัส 5:6

ห้าม​หื้อ​ใผ​มา​จุล่าย​หมู่​ต้าน​โดย​กำ​อู้​ตี้​บ่ใจ๊​เรื่อง​แต๊​ได้ ย้อน​สิ่ง​ตี้​อู้​มา​ตึงหมด​นี้​จะ​เยียะ​หื้อ​พระเจ้า​ลงโต้ษ​หมู่​คน​ตี้​บ่เจื้อฟัง

โคโลสี 2:18

บ่ต้อง​สนใจ๋​หมู่​คน​ตี้​ว่า​หื้อ​ต้าน​ว่า จะ​บ่ได้​ฮับ​รางวัล​จาก​พระเจ้า ย้อน​ต้าน​บ่ได้​เยียะ​ต๋าม​ตี้​หมู่​เขา​สอน คือ​หื้อ​เป๋น​คน​ถ่อมตั๋ว​แต่​บ่ได้​ถ่อมใจ๋ กับ​นมัสก๋าน​ทูตสวรรค์ คน​หมู่​นี้​ถือ​ว่า​ตั๋ว​ดี​เหลือ​เปิ้น​ย้อน​หัน​นิมิต หมู่​เขา​จ๋องหอง​โดย​กำกึ๊ด​ตี้​มา​จาก​คน​บ่ดาย

โคโลสี 2:8

หละวัง​หื้อ​ดี ห้าม​หื้อ​ใผ​ใจ๊​หลัก​ปรัชญา​ตี้​น่า​เจื้อถือ กับ​กำสอน​ตี้​ม่วน​หู​แต่​บ่มี​แก่น​สาน มา​จุล่าย​ต้าน​หื้อ​เป๋น​สาวก​ของ​เขา​ได้ เรื่อง​หมู่​นี้​เป๋น​ก้า​ฮีต​เก่า​ฮอย​เดิม​ของ​คน​กับ​วิญญาณ​ต่างๆ ของ​โลก​นี้ บ่ใจ้​ของ​พระคริสต์

2 เธสะโลนิก๋า 2:3

ห้าม​ต้าน​เจื้อ​กำ​จุ​หลอก​ของ​ใผ​คน​ใด ย้อน​ว่า​ยัง​บ่เถิง​วัน​นั้น​จ๋น​กว่า​จะ​มี​ก๋าน​กบฏ​อัน​ยิ่งใหญ่​ต่อ​พระองค์​เกิด​ขึ้น​ก่อน แล้ว​คน​บ่ดี​คน​นั้น​จะ​ป๋ากฏ​ตั๋ว​ขึ้น จุดหมาย​ป๋าย​ตาง​ของ​เขา​ก็​คือ​ความ​ฉิบหาย

1 ยอห์น 4:1

ต้าน​ตี้​ฮัก​ตังหลาย ห้าม​เจื้อ​กู้​คน​ตี้​อ้าง​ว่า​อู้​โดย​พระวิญญาณ แต่​หื้อ​ทดสอบ​หมู่​เขา​ว่า​มี​วิญญาณ​ตี้​มา​จาก​พระเจ้า​แต๊​ก่อ ย้อน​ว่า​มี​ผู้​เป๋น​ปาก​เป๋น​เสียง​แตน​พระเจ้า​ตั๋ว​ป๋อม​นัก​ขนาด​ออก​มา​ใคว่​โลก​แล้ว