มัทธิว 24:36 - พระคริสตธรรมคัมภีร ภาคพันธสัญญาใหม

³⁶ “แต่​ว่า​วัน​นั้น​เวลา​นั้น​ตี้​สิ่ง​หมู่​นี้​จะ​เกิด​ขึ้น บ่มี​ใผ​ฮู้​สัก​คน หมู่​ทูตสวรรค์​ก็​บ่ฮู้ บุตร​ของ​พระเจ้า​ก็​บ่ฮู้ มี​ก้า​พระบิดา​องค์​เดียว​เต้าอั้น​ตี้​ฮู้

มัทธิว 24:36 ပူးပေါင်းရင်းမြစ်များ

มัทธิว 24:42

“ย้อน​จาอั้น​หมู่​ต้าน​จง​หละวัง​ตั๋ว​หื้อ​ดี ย้อน​ต้าน​บ่ฮู้​ว่า​องค์​พระผู้เป๋นเจ้า​ของ​ต้าน​จะ​ปิ๊ก​มา​เมื่อ​ใด​วัน​ไหน​กั๋น​แน่

มัทธิว 24:44

เหมือน​เดียว​กั๋น ต้าน​ตังหลาย​จง​เกียม​ตั๋ว​ไว้​หื้อ​พร้อม ย้อน​ว่า​บุตรมนุษย์​จะ​มา​ใน​เวลา​ตี้​หมู่​ต้าน​กึ๊ด​บ่เถิง

มัทธิว 25:13

“ย้อน​จาอั้น หื้อ​ต้าน​ตังหลาย​เฝ้า​หละวัง​อยู่​ตลอด ย้อน​ต้าน​บ่ฮู้​วัน​เวลา​ตี้​เฮา​จะ​ปิ๊ก​มา

มาระโก 13:32

“แต่​ว่า​วัน​นั้น​เวลา​นั้น​ตี้​สิ่ง​หมู่​นี้​จะ​เกิด​ขึ้น บ่มี​ใผ​ฮู้​สัก​คน หมู่​ทูตสวรรค์​ก็​บ่ฮู้ บุตร​ของ​พระเจ้า​ก็​บ่ฮู้ มี​ก้า​พระบิดา​องค์​เดียว​เต้าอั้น​ตี้​ฮู้

กิจก๋าน 1:7

พระเยซู​บอก​กับ​หมู่​เขา​ว่า “บ่ใจ้​เรื่อง​ตี้​ต้าน​ตังหลาย​จะ​ฮู้​วัน​เวลา​ตี้​พระบิดา​ก๋ำหนด​ขึ้น​ด้วย​สิทธิ​อำนาจ​ของ​พระองค์

1 เธสะโลนิก๋า 5:2

ย้อน​ว่า​ต้าน​ตังหลาย​ฮู้​ดี​อยู่​แล้ว​ว่า วัน​อัน​ยิ่งใหญ่​ของ​องค์​พระ​ผู้​เป๋น​เจ้า จะ​มา​เหมือน​ขโมย​ตี้​มา​ใน​ต๋อน​เมื่อคืน

2 เปโตร 3:10

แต่​วัน​อัน​ยิ่งใหญ่​ของ​องค์​พระ​ผู้​เป๋น​เจ้า จะ​มา​เหมือน​ขโมย วัน​นั้น​ดวง​ดาว​ต่างๆ ใน​ต๊องฟ้า​จะ​หาย​ไป​พร้อม​กั๋น​โดย​เสียง​สนั่น​ปั่น​ปื๊น​ของ​ลูกไฟ แผ่นดิน​โลก​กับ​สิ่ง​ตี้​มี​อยู่​บน​โลก​จะ​ถูก​เผา​ทำลาย​จ๋น​หมด

วิวรณ์ 16:15

“ฟัง​หื้อ​ดี เฮา​จะ​มา​หา​หมู่​ต้าน​เหมือน​ขโมย คน​ตี้​ตื่น​ตั๋ว​กับ​เกียม​เสื้อผ้า​ของ​ตั๋ว​เก่า​ไว้​พร้อม​ตี้​จะ​ใส่ ก็​เป๋น​สุข เขา​จะ​บ่ได้​ป๋วย​ตั๋ว​หื้อ​อาย​ต่อหน้า​คน​ตังหลาย”

วิวรณ์ 3:3

ย้อน​จาอั้น หื้อ​จดจ๋ำ​กำสอน​ตี้​หมู่​ต้าน​ได้ฮับ​ฟัง​ไว้ หื้อ​เจื้อฟัง​ต๋าม​นั้น​กับ​กลับใจ๋​จาก​บาป​เหีย ถ้า​หมู่​ต้าน​บ่ยอม​ตื่น​ขึ้น​มา เฮา​จะ​มา​หา​หมู่​ต้าน​เหมือน​ขโมย แล้ว​หมู่​ต้าน​จะ​บ่ตัน​ฮู้​ตั๋ว​ว่า​เฮา​จะ​มา​หา​เมื่อ​ใด​เปื้อ​จะ​ลง​โต้ษ​ต้าน