มัทธิว 24:22 - พระคริสตธรรมคัมภีร ภาคพันธสัญญาใหม

²² ถ้า​พระเจ้า​บ่หย้อ​วัน​เวลา​หมู่​นั้น​หื้อ​สั้น​ลง ก็​จะ​บ่มี​ใผ​รอด​จีวิต​เลย แต่​ย้อน​ว่า​พระองค์​หัน​แก่​คน​ตี้​พระองค์​ได้​เลือก​ไว้​เป๋น​ของ​พระองค์​แล้ว ก็​หื้อ​เวลา​นั้น​สั้น​ลง

มัทธิว 24:22 ပူးပေါင်းရင်းမြစ်များ

มัทธิว 22:14

พระเยซู​ก็​สรุป​ว่า “มี​หลาย​คน​ตี้​ได้ฮับ​เจิญ​มา แต่​มี​คน​หน้อย​ตี้​จะ​ถูก​เลือก​ไว้”

มัทธิว 24:24

ย้อน​ว่า​จะ​มี​พระคริสต์​ตั๋ว​ป๋อม กับ​ผู้​เป๋น​ปาก​เป๋น​เสียง​แตน​พระเจ้า​ตั๋ว​ป๋อม​เกิด​ขึ้น แล้ว​หมู่​เขา​ก็​จะ​เยียะ​ก๋าน​อัศจ๋รรย์​กับ​หมายสำคัญ​ต่างๆ เปื้อ​จุล่าย​แม้​แต่​คน​ตี้​พระเจ้า​ได้​เลือก​ไว้​แล้ว ถ้า​เป๋น​ไป​ได้

มัทธิว 24:31

พระองค์​จะ​ส่ง​หมู่​ทูตสวรรค์​ของ​พระองค์​มา พร้อม​กับ​เสียง​แก​ตี้​ดัง​ขนาด หมู่​ทูตสวรรค์​นั้น​จะ​มา​รวบรวม​คน​ตี้​พระองค์​เลือก​ไว้​แล้ว จาก​ตึง​สี่​ทิศ​ตั้งแต่​ขอบ​ฟ้า​เผิก​นึ่ง จ๋น​เถิง​สุด​ขอบ​ฟ้า​แหม​เผิก​นึ่ง

มาระโก 13:20

ถ้า​องค์​พระผู้เป๋นเจ้า​บ่หย้อ​วัน​เวลา​หมู่​นั้น​หื้อ​สั้น​ลง ก็​จะ​บ่มี​ใผ​รอด​จีวิต​เลย แต่​ย้อน​ว่า​พระองค์​หัน​แก่​คน​ตี้​พระองค์​ได้​เลือก​ไว้​เป๋น​ของ​พระองค์​แล้ว ก็​หื้อ​เวลา​นั้น​สั้น​ลง

ลูก๋า 18:7

พระเจ้า​จะ​บ่หื้อ​ความ​ยุติธรรม​แก่​คน​ตี้​เลือก​ไว้ ตี้​ฮ้อง​ขอ​ต่อ​พระองค์​ตึง​เมื่อวัน​เมื่อคืน​กา พระองค์​จะ​อด​ใจ๋​ได้​เมิน​กา

โรม 9:11

ก่อน​ตี้​ลูก​แฝด​จะ​เกิด​มา ก่อน​ตี้​หมู่​เขา​จะ​เยียะ​ดี​กาว่า​บ่ดี พระเจ้า​ก็​บอก​นาง​เรเบคาห์​ว่า “อ้าย​จะ​ฮับใจ๊​น้อง” ตี้​พระเจ้า​อู้​จาอี้​ก็​เปื้อ​หื้อ​ฮู้​ว่า ก๋าน​เลือก​ของ​พระเจ้า​บ่ได้​เป๋น​ไป​ต๋าม​ก๋าน​เยียะ​ดี​กาว่า​บ่ดี​ของ​เขา แต่​เป๋น​ไป​ต๋าม​ก๋าน​ฮ้อง​คน​ของ​พระเจ้า​เอง

2 ทิโมธี 2:10

ข้าพเจ้า​จึง​ยอม​ทน​ตุ๊ก​กู้​อย่าง เปื้อ​หัน​แก่​คน​ตี้​พระเจ้า​ได้​เลือก​ไว้​แล้ว หมู่​เขา​จะ​ได้​ฮับ​ความ​รอด​ป๊น​บาป​โต้ษ​ผ่าน​ตาง​พระเยซู​คริสต์ กับ​ได้ฮับ​เกียรติ​อัน​ยิ่งใหญ่​ตี้​คง​อยู่​ตลอด​ไป​ตวย

1 เปโตร 1:1

จดหมาย​ฉบับ​นี้​จาก เปโตร​อัครทูต​ของ​พระเยซู​คริสต์ เถิง​คน​ตี้​เป๋น​เหมือน​คน​ต่างด้าว​ของ​โลก​นี้​ตี้​พระเจ้า​ได้​เลือก​ไว้ ตี้​ได้​แตก​ขะแล​ขะแจ​ไป​อยู่​ต๋าม​แคว้น​ปอนทัส แคว้น​กาลาเทีย แคว้น​คัปปาโดเซีย แคว้น​เอเชีย กับ​แคว้น​บิธีเนีย