มัทธิว 23:39 - พระคริสตธรรมคัมภีร ภาคพันธสัญญาใหม

³⁹ เฮา​ขอ​บอก​เจ้า​ตังหลาย​ไว้​เน่อ​ว่า ตั้งแต่​นี้​ต่อ​ไป​ปาย​หน้า เจ้า​ตังหลาย​จะ​บ่หัน​เฮา​แหม​แล้ว จ๋น​กว่า​หมู่​เจ้า​จะ​เอิ้น​ว่า ‘ขอ​พระเจ้า​ปั๋น​ปอน​ผู้​ตี้​มา​ใน​นาม​ของ​องค์​พระผู้เป๋นเจ้า’ ”

มัทธิว 23:39 ပူးပေါင်းရင်းမြစ်များ

มัทธิว 21:9

หมู่​คน​ตี้​เตียว​นำ​หน้า​กับ​เตียว​ตวย​หลัง​พระเยซู ปา​กั๋น​โห่​ฮ้อง​เสียง​ดัง​ว่า “โฮซันนา​แก่​บุตร​ของ​กษัตริย์​ดาวิด ขอ​พระเจ้า​ปั๋น​ปอน​ผู้​ตี้​มา​ใน​นาม​องค์​พระผู้เป๋นเจ้า โฮซันนา​ใน​ตี้​สูงสุด”

ลูก๋า 17:22

เมื่อ​ลูน​มา​พระเยซู​อู้​กับ​หมู่​สาวก​ว่า “จะ​มี​เวลา​นึ่ง​เมื่อ​ต้าน​ตังหลาย​จะ​ใค่​หัน​วัน​ตี้​เฮา​ผู้​เป๋น​บุตรมนุษย์​จะ​มา​แหม แต่​หมู่​ต้าน​จะ​บ่หัน

ยอห์น 14:19

แหม​บ่เมิน​โลก​ก็​จะ​บ่หัน​เฮา แต่​หมู่​ต้าน​จะ​หัน​เฮา ย้อน​เฮา​มี​จีวิต​อยู่ หมู่​ต้าน​ก็​จะ​มี​จีวิต​อยู่​ตวย

ยอห์น 14:9

พระเยซู​อู้​กับ​เขา​ว่า “ฟีลิป​เหย เฮา​อยู่​กับ​ต้าน​ปอ​เถิง​มอก​อี้​ละ ต้าน​ยัง​บ่ฮู้จัก​เฮา​แหม​กา ใผ​ตี้​หัน​เฮา​ก็​หัน​พระบิดา เป๋น​จาใด​ต้าน​ยัง​อู้​ว่า ‘ขอ​หื้อ​เฮา​หัน​พระบิดา’

ยอห์น 8:21

พระเยซู​อู้​กับ​คน​ตังหลาย​แหม​ว่า “เฮา​จะ​ไป​จาก​ตี้​นี่ แล้ว​หมู่​ต้าน​จะ​ตวย​เซาะ​หา​เฮา แต่​หมู่​ต้าน​จะ​ต๋าย​ใน​ต๋อน​ตี้​ยัง​เป๋น​คน​บาป​อยู่ ตี้​ตี้​เฮา​ไป​นั้น​หมู่​ต้าน​ไป​บ่ได้”

ยอห์น 8:24

เฮา​เลย​บอก​ว่า หมู่​ต้าน​จะ​ต๋าย​ใน​ต๋อน​ตี้​ยัง​เป๋น​คน​บาป​อยู่ แม่น​แล้ว หมู่​ต้าน​จะ​ต๋าย​ใน​ต๋อน​ตี้​ยัง​เป๋น​คน​บาป​อยู่​แน่ๆ ถ้า​หมู่​ต้าน​บ่เจื้อ​ว่า เฮา​เป๋น​คน​นั้น​ตี้​เฮา​บอก​ว่า​เฮา​เป๋น”

ยอห์น 8:56

อับราฮัม​ป้อ​อุ๊ย​แม่​หม่อน​ของ​หมู่​ต้าน​ดีใจ๋​ตี้​จะ​หัน​วัน​ตี้​เฮา​มา เขา​ได้​หัน​ล่วงหน้า​แล้ว กับ​ดีใจ๋​แล้ว​ตวย”

โรม 11:25

ปี้น้อง​ตังหลาย ข้าพเจ้า​ใค่​หื้อ​หมู่​ต้าน​ฮู้​เรื่อง​เกี่ยว​กับ​ความ​จริง​อัน​ล้ำเลิ็ก​นี้ เปื้อ​หมู่​ต้าน​จะ​บ่อวด​ฮู้ คือ​หมู่​จาว​อิสราเอล​บาง​ส่วน​ใจ๋แข็ง แต่​จะ​เป๋น​จาอั้น​จ๋น​เถิง​คน​ต่างจ้าด​จะ​เข้า​มา​เจื้อ​พระเจ้า​จ๋น​ครบ​จ๋ำนวน​ก่อน