มัทธิว 23:23 - พระคริสตธรรมคัมภีร ภาคพันธสัญญาใหม

²³ “ความ​ฉิบหาย​ก็​จะ​เกิด​กับ​หมู่​ธรรมาจ๋ารย์​กับ​หมู่​ฟาริสี เจ้า​เป๋น​คน​หน้า​ซื่อ​ใจ๋​ก๊ด ย้อน​หมู่​เจ้า​ถวาย​สิบลด​จาก​หอมด่วน เม็ด​ผักจี กับ​ยี่หร่า แต่​สิ่ง​ตี้​สำคัญ​เหลือ​นั้น​ใน​บท​บัญญัติ คือ​ความ​ยุติธรรม ความ​เมตต๋า กับ​ความ​ซื่อสัตย์​ก็​ละเลย​เหีย ส่วน​ก๋าน​ถวาย​สิบลด เจ้า​ก็​ควร​เยียะ​อยู่ แต่​บ่ดี​ละ​สิ่ง​สำคัญ​หมู่​นั้น​ตวย

มัทธิว 23:23 ပူးပေါင်းရင်းမြစ်များ

มัทธิว 12:7

ถ้า​หมู่​ต้าน​เข้าใจ๋​ความหมาย​ของ​ข้อ​พระคัมภีร์​ตี้​ว่า ‘เฮา​ต้องก๋าน​ความ​เมตต๋า บ่ใจ้​ต้องก๋าน​สัตว์​มา​ปู่จา’ ต้าน​คง​จะ​บ่ตัดสิน​ลงโต้ษ​คน​หมู่​นี้​ตี้​บ่มี​ความ​ผิด​แน่ๆ

มัทธิว 23:13

“ความ​ฉิบหาย​ก็​จะ​เกิด​กับ​หมู่​ธรรมาจ๋ารย์​กับ​หมู่​ฟาริสี ย้อน​ว่า​หมู่​เจ้า​เป๋น​คน​หน้า​ซื่อ​ใจ๋​ก๊ด หมู่​เจ้า​ได้​กีด​กั๋น​คน​อื่น​บ่หื้อ​ไป​แผว​แผ่นดิน​สวรรค์ เซิ่ง​หมู่​เจ้า​ก็​บ่ยอม​เข้า​ไป เมื่อ​คน​อื่น​ฮิ​จะ​เข้า​ไป หมู่​เจ้า​เอง​ก็​ขวาง​ไว้​เหีย​

มัทธิว 9:13

หื้อ​ปิ๊ก​ไป​เฮียน​พระคัมภีร์​ข้อ​นี้​หื้อ​ดีๆ ตี้​พระเจ้า​บอก​ว่า ‘เฮา​ต้องก๋าน​ความ​เมตต๋า บ่ใจ้​ต้องก๋าน​สัตว์​มา​ปู่จา’ ย้อน​เฮา​บ่ได้​มา​เปื้อ​ฮ้อง​หา​คน​ตี้​กึ๊ด​ว่า​เป๋น​คน​ถูกต้อง​ต๋าม​ธรรม แต่​มา​เปื้อ​ฮ้อง​หา​คน​บาป”

ลูก๋า 11:42

“ความ​ฉิบหาย​ก็​จะ​เกิด​กับ​หมู่​ฟาริสี​ย้อน​หมู่​เจ้า​ถวาย​สิบลด​จาก​หอมด่วน ขมิ้น กับ​หมู่​เครื่องเทศ แต่​บ่สนใจ๋​ความ​ยุติธรรม​กับ​ความ​ฮัก​ต่อ​พระเจ้า ก๋าน​ถวาย​สิบลด​เจ้า​ก็​ควร​เยียะ​อยู่ แต่​บ่ดี​ละ​สิ่ง​สำคัญ​หมู่​นั้น​ตวย

ลูก๋า 18:12

ใน​หว่าง​ติ๊ด​นึ่ง​ข้าพเจ้า​ถือ​ศีล​อด​อาหาร​สอง​เตื้อ กับ​กู้​สิ่ง​ตี้​ข้าพเจ้า​ฮิ​หา​มา​ได้ ข้าพเจ้า​ก็​เอา​นึ่ง​ใน​สิบ​ส่วน​มา​ถวาย’