มัทธิว 23:15 - พระคริสตธรรมคัมภีร ภาคพันธสัญญาใหม

¹⁵ “ความ​ฉิบหาย​ก็​จะ​เกิด​กับ​หมู่​ธรรมาจ๋ารย์​กับ​หมู่​ฟาริสี เจ้า​เป๋น​คน​หน้า​ซื่อ​ใจ๋​ก๊ด ตี้​ต้อง​ฮับ​ความ​ตุ๊ก หมู่​เจ้า​ยอม​ข้าม​น้ำ​ข้าม​ทะเล เปื้อ​เซาะ​หา​คน​ก้า​คน​เดียว​หื้อ​เข้า​ฮีต​ศาสนา​ยิว เมื่อ​เข้า​ฮีต​แล้ว ก็​เยียะ​หื้อ​เขา​สมควร​ตี้​จะ​ตก​หม้อหน้าฮก​นัก​เหลือ​เจ้า​ตังหลาย​แหม​สอง​เต้า

มัทธิว 23:15 ပူးပေါင်းရင်းမြစ်များ

มัทธิว 23:13

“ความ​ฉิบหาย​ก็​จะ​เกิด​กับ​หมู่​ธรรมาจ๋ารย์​กับ​หมู่​ฟาริสี ย้อน​ว่า​หมู่​เจ้า​เป๋น​คน​หน้า​ซื่อ​ใจ๋​ก๊ด หมู่​เจ้า​ได้​กีด​กั๋น​คน​อื่น​บ่หื้อ​ไป​แผว​แผ่นดิน​สวรรค์ เซิ่ง​หมู่​เจ้า​ก็​บ่ยอม​เข้า​ไป เมื่อ​คน​อื่น​ฮิ​จะ​เข้า​ไป หมู่​เจ้า​เอง​ก็​ขวาง​ไว้​เหีย​

มัทธิว 3:7

แต่​เมื่อ​ยอห์น​หัน​หมู่​ฟาริสี​กับ​หมู่​สะดูสี​หลาย​คน​ปา​กั๋น​มา​เปื้อ​จะ​ฮับ​บัพติศมา ยอห์น​ว่า​หื้อ​หมู่​เขา​ว่า “หมู่​จ้าด​งู​ปิ๊ด ใผ​เตื๋อน​หื้อ​หมู่​เจ้า​หลบ​หนี​จาก​ก๋าน​ลงโต้ษ​ของ​พระเจ้า ตี้​ก่ำลัง​จะ​มา​เถิง

มัทธิว 5:22

แต่​เฮา​บอก​ต้าน​ตังหลาย​ว่า ถ้า​ใผ​โขด​หื้อ​ปี้น้อง​ของ​ตั๋ว คน​นั้น​จะ​ถูก​ตัดสิน​ลงโต้ษ ถ้า​ใผ​ด่า​ปี้น้อง​ว่า ‘ไอ่​สึ่ง​ตึง’ ก็​จะ​ถูก​ปา​ขึ้น​ศาล​ของ​สภา​จาว​ยิว ถ้า​ใผ​ด่า​ปี้น้อง​ว่า ‘ไอ่​ง่าว’ คน​นั้น​จะ​ได้​ฮับ​โต้ษ​เถิง​ตก​หม้อหน้าฮก

มัทธิว 5:29

ย้อน​จาอั้น​ถ้า​แก่นต๋า​เบื้อง​ขวา​ของ​ต้าน เยียะ​หื้อ​ต้าน​เป๋น​บาป ก็​หื้อ​ควัด​ต๋า​เผิก​นั้น​ขว้าง​ไป​เหีย ย้อน​ว่า​ถ้า​เสีย​อวัยวะ​ไป​อย่าง​นึ่ง ก็​ยัง​ดี​เหลือ​มี​ตึง​เนื้อ​ตึง​ตั๋ว​ครบ​หมด แต่​ต้อง​ตก​หม้อหน้าฮก

ยอห์น 8:44

หมู่​ต้าน​มา​จาก​ป้อ​ของ​หมู่​ต้าน​คือ​มาร แล้ว​หมู่​ต้าน​ก็​ใค่​เยียะ​ต๋าม​ความ​ต้องก๋าน​ของ​ป้อ​หมู่​ต้าน ตั้งแต่​เก๊า​มาร​ก็​เป๋น​ฆาตกร และ​บ่เกย​อยู่​ฝ่าย​ความ​จริง​เลย ย้อน​มัน​บ่มี​ความ​จริง​ใน​ตั๋ว​ของ​มัน เมื่อ​มัน​อู้​กำ​จุ มัน​ก็​เยียะ​ต๋าม​สันดาน​ของ​มัน ย้อน​ว่า​มัน​ขี้​จุ​กับ​เป๋น​ป้อ​ของ​ก๋าน​จุ

กิจก๋าน 13:10

“เจ้า​เป๋น​ลูก​ของ​มาร เป๋น​ศัตรู๋​ของ​ความ​ดี​ตังหลาย ใน​ตั๋ว​ของ​เจ้า​มี​แต่​กล​อุบาย​ใจ๋ฮ้าย​ซะป๊ะ​ซะเป้ด เจ้า​ตึง​จะ​บ่หยุด​ตี้​จะ​ฮิ​เปี่ยน​ความ​จริง​เกี่ยวกับ​องค์​พระ​ผู้​เป๋น​เจ้า​หื้อ​เป๋น​เรื่อง​บ่แต๊​สัก​เตื้อ​กา

กิจก๋าน 13:43

หลังจาก​คน​ออก​จาก​ตี้​ประชุม​นั้น​แล้ว ก็​ปา​กั๋น​ปิ๊ก​บ้าน​ใผ​เฮือน​มัน แต่​มี​จาว​ยิว​หลาย​คน​ตึง​คน​ต่างจ้าด​หลาย คน​ตี้​เข้า​ฮีต​ศาสนา​ยิว​กับ​เคร่ง​ศาสนา​ตวย​เปาโล​กับ​บารนาบัส​ไป ต้าน​ตึง​สอง​จั๊กจวน​หื้อ​หมู่​เขา​เปิ้ง​พระคุณ​ของ​พระเจ้า​อย่าง​มั่นคง

กิจก๋าน 14:19

แล้ว​มี​จาว​ยิว​บาง​คน​มา​จาก​เมือง​อันทิโอก​กับ​เมือง​อิโคนียูม​จั๊กจวน​คน​ตังหลาย​เข้า​ฮ่วม​กับ​หมู่​เขา แล้ว​ปา​กั๋น​เอา​บ่าหิน​ขว้าง​เปาโล เมื่อ​กึ๊ด​ว่า​เปาโล​ต๋าย​แล้ว ก็​ปา​กั๋น​ลาก​ออก​ไป​ไว้​นอก​เมือง

กิจก๋าน 14:2

แต่​หมู่​จาว​ยิว​ตี้​บ่ยอม​ฮับเจื้อ​ปา​กั๋น​สุ่ย​คน​ต่างจ้าด​หื้อ​โขด​หมู่​ปี้น้อง​ผู้เจื้อ

กิจก๋าน 17:13

แต่​เมื่อ​จาว​ยิว​ใน​เมือง​เธสะโลนิก๋า​ฮู้​ว่า​เปาโล​มา​สั่ง​สอน​ถ้อยกำ​ของ​พระเจ้า​ตี้​เมือง​เบโรอา ก็​ปา​กั๋น​มา​ตี้​หั้น แล้ว​สุ่ย​จาวบ้าน​จาว​เมือง​หื้อ​ต่อต้าน​เปาโล

กิจก๋าน 2:10

แคว้น​ฟรีเจีย แคว้น​ปัมฟีเลีย ประเทศ​อียิปต์ ตึง​คน​ใน​แคว้น​ลิเบีย​ใก้​เมือง​ไซรีน หมู่​ตี้​มา​จาก​กรุง​โรม​ตี้​มา​แอ่ว เซิ่ง​มี​ตึง​จาว​ยิว​กับ​คน​ตี้​เข้า​ฮีต​ศาสนา​ยิว

กิจก๋าน 6:5

คน​ตังหลาย​ก็​ปออก​ปอใจ๋​กับ​ข้อ​เสนอ​นี้ จึง​เลือก​สเทเฟน (​ป้อจาย​ตี้​มี​ความ​เจื้อ​นัก​ขนาด​กับ​ได้​ฮับ​ก๋าน​ดลใจ๋​จาก​พระวิญญาณ​บริสุทธิ์​) ฟีลิป โปรโครัส นิคาโนร์ ทิโมน ปารเมนัส กับ​นิโคเลาส์ (​ตี้​เป๋น​จาว​เมือง​อันทิโอก เซิ่ง​ก่อน​หน้า​นี้​เข้า​ฮีต​ศาสนา​ยิว​)

กาลาเทีย 4:17

คน​หมู่​นั้น​ตี้​สอน​ผิด​ก็​เอา​อก​เอา​ใจ๋​ต้าน​ตังหลาย แต่​บ่ได้​หวัง​ดี​เลย หมู่​เขา​อยาก​จะ​กีด​กั๋น​หมู่​ต้าน​ออก​จาก​ข้าพเจ้า เปื้อ​ต้าน​ตังหลาย​จะ​ได้​เป๋น​หมู่​เดียว​กับ​เขา

กาลาเทีย 6:12

คน​ตี้​ใค่​ได้​หน้า ก็​พยายาม​บังคับ​ต้าน​ตังหลาย​หื้อ​เข้า​พิธี​สุหนัต เปื้อ​หมู่​เขา​จะ​บ่ถูก​ค่ำ​เมื่อ​เขา​บอก​เรื่อง​พระคริสต์​ต๋าย​บน​ไม้​ก๋าง​เขน

เอเฟซัส 2:3

ตะก่อน​หมู่​เฮา​กู้​คน​ก็​เกย​ใจ๊​จีวิต​อย่าง​คน​หมู่​นั้น​เหมือน​กั๋น คือ​เฮา​เยียะ​ต๋าม​กิเลส​ตั๋ณหา​ของ​สันดาน​บาป กับ​เยียะ​ต๋าม​ความ​ต้องก๋าน​ของ​ตั๋ว​กับ​จิตใจ๋​ของ​เฮา เซิ่ง​เฮา​สมควร​แล้ว​ตี้​จะ​ต้อง​ฮับ​ก๋าน​ลงโต้ษ​จาก​พระเจ้า​เหมือน​คน​อื่นๆ ย้อน​บาป​ของ​เฮา​เยียะ​หื้อ​พระเจ้า​โขด