มัทธิว 20:22 - พระคริสตธรรมคัมภีร ภาคพันธสัญญาใหม

²² พระเยซู​ตอบ​ว่า “หมู่​ต้าน​บ่ฮู้​ว่า ก่ำลัง​ขอ​อะหยัง ต้าน​จะ​กิ๋น​น้ำ​จาก​ถ้วย​แห่ง​ความ​ตุ๊ก​ตี้​เฮา​จะ​กิ๋น​ได้​กา” เขา​ตึง​สอง​ตอบ​ว่า “ได้​ก่า”

มัทธิว 20:22 ပူးပေါင်းရင်းမြစ်များ

มัทธิว 26:35

แต่​เปโตร​ยืนยัน​ว่า “แม้​ว่า​ข้าพเจ้า​จะ​ต้อง​ต๋าย​ตวย​พระองค์ ข้าพเจ้า​ตึง​บ่มี​วัน​ปฏิเสธ​พระองค์​เลย” หมู่​สาวก​คน​อื่นๆ ตึงหมด ก็​อู้​จาอั้น​เหมือน​กั๋น

มัทธิว 26:39

แล้ว​พระองค์​เตียว​ห่าง​ออก​ไป​หน้อย ก็​ก้ม​หน้า​ลง​ปื๊น แล้ว​อธิษฐาน​ว่า “พระบิดา​เจ้าข้า ถ้า​เป๋น​ไป​ได้ ขอ​หื้อ​ถ้วย​แห่ง​ความ​ตุ๊กยาก​นี้​ป๊น​ไป​จาก​ข้า​พระองค์​เหีย​เต๊อะ แต่​ขอ​หื้อ​เป๋น​ไป​ต๋าม​ความ​ต้องก๋าน​ของ​พระองค์​บ่ใจ้​ของ​ข้า​พระองค์”

มัทธิว 26:42

พระองค์​ปิ๊ก​ไป​อธิษฐาน​แหม​เป๋น​เตื้อ​ตี้​สอง​ว่า “ข้า​แต่​พระบิดา ถ้า​ถ้วย​แห่ง​ความ​ตุ๊กยาก​นี้​ป๊น​ไป​บ่ได้ จ๋ำเป๋น​ต้อง​กิ๋น​แต๊ๆ ก็​ขอ​หื้อ​เป๋น​ไป​ต๋าม​ความ​ต้องก๋าน​ของ​พระองค์​เต๊อะ”

มัทธิว 26:56

แต่​ตี้​เกิด​ขึ้น​ตึงหมด​นี้ ก็​เปื้อ​หื้อ​เป๋น​ไป​ต๋าม​ตี้​ผู้​เป๋น​ปาก​เป๋น​เสียง​แตน​พระเจ้า​ได้​เขียน​ไว้” แล้ว​หมู่​สาวก​ตึง​หมด​ก็​ละ​ขว้าง​พระองค์​แล้ว​ปา​กั๋น​หนี​ไป

มาระโก 14:36

พระองค์​อ้อนวอน​ว่า “อับบา พระบิดา​เจ้าข้า พระองค์​สามารถ​เยียะ​สิ่ง​ตึง​มวล​ได้ ขอ​หื้อ​ถ้วย​แห่ง​ความ​ตุ๊กยาก​นี้​ป๊น​ไป​จาก​ข้า​พระองค์​เหีย​เต๊อะ แต่​ขอ​หื้อ​เป๋น​ไป​ต๋าม​ความ​ต้องก๋าน​ของ​พระองค์ บ่ใจ้​ของ​ข้า​พระองค์”

ลูก๋า 12:50

เฮา​ต้อง​ฮับ​ความ​ตุ๊ก​ขนาด เฮา​ก็​ตุ๊กใจ๋​จ๋น​กว่า​จะ​สำเร็จ

ลูก๋า 22:42

“พระบิดา​เจ้าข้า ถ้า​พระองค์​ปอใจ๋ ขอ​หื้อ​ถ้วย​แห่ง​ความ​ตุ๊กยาก​นี้​ป๊น​ไป​จาก​ข้า​พระองค์​เหีย​เต๊อะ แต่​ขอ​หื้อ​เป๋น​ไป​ต๋าม​ความ​ต้องก๋าน​ของ​พระองค์​บ่ใจ้​ของ​ข้า​พระองค์”

ยอห์น 18:11

พระเยซู​อู้​กับ​เขา​ว่า “เก็บ​ดาบ​ใส่​ฝัก​เหีย​เต๊อะ กึ๊ด​ว่า​เฮา​จะ​บ่กิ๋น​จาก​ถ้วย​แห่ง​ความ​ตุ๊ก​ตี้​พระบิดา​หื้อ​เฮา​ไว้​กา”

โรม 8:26

ก็​อย่าง​เดียว​กั๋น​กับ​เมื่อ​เฮา​อ่อน​ก่ำลัง​พระวิญญาณ​ก็​จ้วย​เฮา เฮา​บ่ฮู้​ว่า​จะ​อ้อนวอน​ขอ​จาใด จะ​ขอ​อะหยัง แต่​พระวิญญาณ​ได้​อ้อนวอน​ขอ​ต่อ​พระเจ้า​แตน​เฮา โดย​ก๋าน​โอดโอย​ตี้​อู้​ออก​มา​เป๋น​กำ​บ่ได้

ยากอบ 4:3

กับ​ตี้​หมู่​ต้าน​ขอ​แล้ว แต่​บ่ได้​ฮับ​ก็​ย้อน​ขอ​ผิด หมู่​ต้าน​ขอ​เปื้อ​เอา​ไป​สนอง​ตั๋ณหา​ของ​ตั๋วเก่า