มัทธิว 19:29 - พระคริสตธรรมคัมภีร ภาคพันธสัญญาใหม

²⁹ กู้​คน​ตี้​ละ​บ้าน กาว่า​ละ​ปี้น้อง ละ​ป้อ​แม่ ละ​ลูกๆ กาว่า​ละ​ไฮ่​นา​ย้อน​หันแก่​เฮา ก็​จะ​ได้​ฮับ​ผล​ตอบ​แตน​เป๋น​ร้อย​เต้า กับ​จะ​ได้​ฮับ​จีวิต​นิรันดร์​ตวย

มัทธิว 19:29 ပူးပေါင်းရင်းမြစ်များ

มัทธิว 10:22

คน​ตังหลาย​จะ​จัง​หมู่​ต้าน ย้อน​ว่า​หมู่​ต้าน​ได้​ติดต๋าม​เฮา แต่​ถ้า​ใผ​ตี้​ทน​ได้​จ๋น​เถิง​ตี้​สุด ก็​จะ​ได้ฮับ​ความ​รอด​ป๊น​บาป​โต้ษ

มัทธิว 13:23

ส่วน​เม็ด​ตี้​ตก​บน​ดิน​ดี ก็​เหมือน​คน​ตี้​ได้​ฟัง​ถ้อยกำ​แล้ว​เข้าใจ๋ คน​นั้น​ก็​เกิด​ดอก​ออก​ผล​ร้อย​เต้า​พ่อง หก​สิบ​เต้า​พ่อง กาว่า​สาม​สิบ​เต้า​พ่อง”

มัทธิว 13:8

แต่​มี​บาง​เม็ด​ตก​บน​ดิน​ดี ก็​งอก​งาม​ใหญ่​ขึ้น เกิด​ดอก​ออก​ผล​ร้อย​เต้า​พ่อง หก​สิบ​เต้า​พ่อง สาม​สิบ​เต้า​พ่อง

มัทธิว 16:25

ย้อน​ว่า​ถ้า​คน​ใด​ใค่​ฮักษา​จีวิต​ของ​ตั๋ว​ไว้ คน​นั้น​จะ​ฮักษา​จีวิต​นั้น​บ่ได้​ก็​จะ​ต๋าย แต่​ถ้า​คน​ใด​ยอม​สละ​จีวิต​ของ​ตั๋ว​ย้อน​หัน​แก่​เฮา คน​นั้น​จะ​มี​จีวิต​นิรันดร์

มัทธิว 19:16

มี​ป้อจาย​คน​นึ่ง​มา​หา​พระเยซู​ถาม​ว่า “อาจ๋ารย์ ข้าพเจ้า​จะ​ต้อง​เยียะ​ความ​ดี​อะหยัง​พ่อง​เถิง​จะ​ได้​จีวิต​นิรันดร์”

มัทธิว 25:34

“แล้ว​พระองค์​ผู้​เป๋น​กษัตริย์​จะ​อู้​กับ​หมู่​ตี้​อยู่​ตัง​ขวา​มือ​ว่า ‘ต้าน​ตังหลาย​ตี้​ได้ฮับ​ปอน​จาก​พระบิดา​ของ​เฮา เจิญ​ฮับ​อาณาจักร​ตี้​ได้​เกียม​ไว้​สำหรับ​ต้าน​ตังหลาย​ตั้งแต่​สร้าง​โลก​มา​แล้ว

มัทธิว 25:46

“แล้ว​คน​ตังหลาย​หมู่​นั้น​ก็​จะ​ต้อง​ฮับ​โต้ษ​ตลอด​ไป แต่​คน​ตี้​เยียะ​ถูกต้อง​ต๋าม​ธรรม​จะ​เข้า​สู่​จีวิต​นิรันดร์”

มัทธิว 5:11

“เมื่อ​ใด​หมู่​ต้าน​โดน​ดู​ถูก​ดู​แควน โดน​ค่ำ ถูก​ใส่ฮ้าย​ตี้​บ่เป๋น​เรื่อง​แต๊ ย้อน​ติดต๋าม​ตวย​เฮา พระเจ้า​โผด​หื้อ​หมู่​ต้าน​เป๋น​สุข

มัทธิว 6:33

แต่​สิ่ง​ตี้​สำคัญ​ตี้​สุด​สำหรับ​หมู่​ต้าน ก็​คือ​หื้อ​เซาะ​หา​แผ่นดิน​ของ​พระเจ้า​ก่อน กับ​เยียะ​ตวย​ต๋าม​ความ​ต้องก๋าน​ของ​พระเจ้า แล้ว​พระองค์​จะ​เตื่อม​แถ้ง​สิ่ง​ตี้​จ๋ำเป๋น​ตึง​หมด​นี้​กับ​หมู่​ต้าน

ลูก๋า 14:26

“ถ้า​คน​ใด​มา​หา​เฮา​แล้ว​ฮัก​เฮา​หน้อย​เหลือ​ป้อ แม่ ลูก เมีย ญาติ กับ​ปี้น้อง แม้แต่​จีวิต​ตั๋ว​เก่า​นัก​เหลือ​เฮา จะ​เป๋น​สาวก​ของ​เฮา​บ่ได้

ลูก๋า 5:11

เมื่อ​เอา​เฮือ​เข้า​ฝั่ง​แล้ว หมู่​เขา​ก็​สละ​กู้​อย่าง​ตวย​พระองค์​ไป

ลูก๋า 6:22

พระเจ้า​โผด​หื้อ​หมู่​ต้าน​เป๋น​สุข เมื่อ​คน​ตังหลาย​จัง​หมู่​ต้าน ไล่​หมู่​ต้าน​ออก​จาก​หมู่​เขา ดู​ถูก​ดู​แควน​หมู่​ต้าน ว่า​หมู่​ต้าน​เป๋น​คน​บ่ดี ย้อน​หมู่​ต้าน​หัน​แก่​เฮา​ผู้​เป๋น​บุตรมนุษย์

ยอห์น 15:19

ถ้า​หมู่​ต้าน​เป๋น​คน​ของ​โลก​นี้ โลก​นี้​ก็​จะ​ฮัก​หมู่​ต้าน​ตี้​เป๋น​คน​ของ​โลก แต่​หมู่​ต้าน​บ่ได้​เป๋น​คน​ของ​โลก​แล้ว ย้อน​เฮา​ได้​เลือก​หมู่​ต้าน​หื้อ​ออก​จาก​โลก จาอั้น​โลก​เลย​จัง​หมู่​ต้าน

ยอห์น 4:36

ต๋อน​นี้​คน​เกี่ยว​ก่ำลัง​ฮับ​ก้า​จ้าง กับ​ก่ำลัง​ฮอม​พืช​ผล​นั้น​ไว้​สำหรับ​จีวิต​นิรันดร์ คน​ปูก​กับ​คน​เกี่ยว​ก็​เลย​มี​ความ​สุข​ฮ่วม​กั๋น

กิจก๋าน 9:16

เฮา​จะ​เยียะ​หื้อ​เซาโล​ฮู้​ว่า เขา​จะ​ต้อง​ทน​ตุ๊ก​ทรมาน​เปื้อ​เฮา​สัก​มอก​ใด”

1 โครินธ์ 2:9

อย่าง​ตี้​มี​เขียน​ใน​พระคัมภีร์​ว่า “สิ่ง​ตี้​ต๋า​ของ​คน​บ่เกย​หัน กับ​หู​บ่เกย​ได้ยิน​กาว่า​คน​กึ๊ด​บ่เถิง​ว่า​จะ​เกิด​ขึ้น ก็​เป๋น​สิ่ง​ตี้​พระเจ้า​ได้​เกียม​ไว้​แล้ว​สำหรับ​คน​ตี้​ฮัก​พระองค์”

2 โครินธ์ 5:16

ย้อน​จาอั้น ตั้งแต่​นี้​ต่อไป เฮา​จะ​บ่ตัดสิน​ใผ​ต๋าม​มาตรฐาน​ของ​โลก เถิง​แม้ว่า​ตะก่อน​เฮา​เกย​ตัดสิน​พระคริสต์​จาอั้น แต่​บ่าเดี่ยว​นี้​เฮา​บ่ตัดสิน​พระองค์​จาอั้น​แหม

ฟีลิปปี 3:8

นัก​เหลือ​นั้น​แหม ข้าพเจ้า​หัน​ว่า​ซะป๊ะ​กู้​สิ่ง​บ่มี​ประโยชน์ เมื่อ​เผียบ​กับ​ก๋าน​ตี้​ได้​ฮู้จัก​พระเยซู​คริสต์​องค์​พระผู้เป๋นเจ้า​ของ​ข้าพเจ้า เซิ่ง​มี​ก้า​นัก​เหลือ ข้าพเจ้า​ยอม​ละ​ขว้าง​กู้​อย่าง ย้อน​หันแก่​พระองค์ ข้าพเจ้า​ถือ​ว่า​กู้​อย่าง​นั้น​เป๋น​ขยะ เปื้อ​จะ​ได้​พระคริสต์

1 เปโตร 4:14

เมื่อ​มี​คน​ดู​ถูก​ดู​แควน​ต้าน​ย้อน​เป๋น​คน​ของ​พระคริสต์ ต้าน​ก็​เป๋น​สุข​แต๊ๆ ย้อน​ว่า​พระวิญญาณ​อัน​ยิ่งใหญ่​ของ​พระเจ้า​ก็​อยู่​กับ​หมู่​ต้าน​แล้ว

3 ยอห์น 1:7

ย้อน​หมู่​เขา​เตียวตาง​ไป เปื้อ​ฮับใจ๊​พระคริสต์ กับ​บ่ยอมฮับ​ความ​จ้วยเหลือ​จาก​คน​ตี้​บ่ฮู้จัก​พระเจ้า