มัทธิว 18:19 - พระคริสตธรรมคัมภีร ภาคพันธสัญญาใหม

¹⁹ “เฮา​บอก​ต้าน​แหม​ว่า ถ้า​หมู่​ต้าน​ตี้​อยู่​ใน​โลก​นี้​สัก​สอง​คน​ฮ่วม​ใจ๋​กั๋น​ตี้​จะ​ขอ​สิ่ง​นึ่ง​สิ่ง​ใด พระบิดา​ของ​เฮา​ตี้​อยู่​ใน​สวรรค์​ก็​จะ​เยียะ​สิ่ง​นั้น​หื้อ​ต้าน​เหมือน​กั๋น

มัทธิว 18:19 ပူးပေါင်းရင်းမြစ်များ

มัทธิว 21:22

ถ้า​ต้าน​เจื้อ ต้าน​ก็​จะ​ได้​ฮับ​กู้​อย่าง​ต๋าม​ตี้​ต้าน​อธิษฐาน​ขอ”

มัทธิว 5:24

หื้อ​ต้าน​วาง​เครื่อง​ปู่จา​นั้น​ไว้​หั้น แล้ว​ขะใจ๋​ปิ๊ก​ไป​คืนดี​กับ​ปี้น้อง​คน​นั้น​เหีย​ก่อน แล้ว​ปิ๊ก​มา​ถวาย​ของ​ปู่จา​แก่​พระเจ้า

มัทธิว 7:7

“จง​ขอ​แล้ว​จะ​ได้ จง​เซาะ​แล้ว​จะ​ปะ จง​ฮ้อง​ตี้​ปะตู๋​แล้ว​จะ​เปิด​หื้อ

มาระโก 11:24

ย้อน​จาอี้​เฮา​บอก​ต้าน​ตังหลาย​ว่า ต้าน​จะ​อธิษฐาน​ขอ​สิ่ง​ใด ถ้า​ต้าน​เจื้อ​ว่า​จะ​ได้ฮับ ต้าน​ก็​จะ​ได้ฮับ​ต๋าม​นั้น​แต๊ๆ

ยอห์น 15:16

หมู่​ต้าน​บ่ได้​เลือก​เฮา แต่​เฮา​เป๋น​คน​เลือก​หมู่​ต้าน กับ​มอบหมาย​งาน​หื้อ​หมู่​ต้าน​ไป​เยียะ​จ๋น​เกิด​ผล เป๋น​ผล​ตี้​อยู่​ได้​ตลอด ย้อน​จาอั้น อะหยัง​ก็​ต๋าม​ตี้​หมู่​ต้าน​ขอ​ใน​นาม​ของ​เฮา พระบิดา​ก็​จะ​หื้อ​กับ​หมู่​ต้าน

ยอห์น 15:7

“ถ้า​หมู่​ต้าน​ติด​อยู่​กับ​เฮา​และ​กำ​สั่ง​สอน​ของ​เฮา​ก็​ติด​อยู่​กับ​หมู่​ต้าน บ่ว่า​หมู่​ต้าน​จะ​ขอ​อะหยัง ต้าน​ก็​จะ​ได้​สิ่ง​นั้น

ยอห์น 16:23

ใน​วัน​นั้น​หมู่​ต้าน​ก็​จะ​บ่ถาม​อะหยัง​เฮา​แหม เฮา​บอก​ความ​จริง​แก่​หมู่​ต้าน​ว่า ถ้า​ต้าน​ขอ​อะหยัง​จาก​พระบิดา​ใน​นาม​ของ​เฮา พระองค์​ก็​จะ​หื้อ​กับ​หมู่​ต้าน

กิจก๋าน 1:14

หมู่​เขา​พร้อม​ใจ๋​กั๋น​อธิษฐาน​เจื่อๆ ฮ่วม​กับ​หมู่​แม่ญิง​ตึง​นาง​มารีย์​แม่​ของ​พระเยซู​ตึง​หมู่​น้อง​ของ​พระองค์​ตวย

กิจก๋าน 12:5

ย้อนจาอั้น​เปโตร​จึง​ถูก​ขัง​ไว้​ใน​คอก แต่​ว่า​คริสตจักร​ปา​กั๋น​อธิษฐาน​อ้อนวอน​ต่อ​พระเจ้า​เผื่อ​เปโตร

กิจก๋าน 16:10

หลังจาก​เปาโล​หัน​นิมิต​แล้ว หมู่​เฮา​ตึงหมด​ก็​ตัดสินใจ๋​ไป​ตี้​แคว้น​มาซิโดเนีย​ตันที โดย​เข้าใจ๋​ว่า​พระเจ้า​ฮ้อง​หื้อ​หมู่​เฮา​ไป​บอก​ข่าวดี​กับ​จาว​มาซิโดเนีย​หั้น

กิจก๋าน 6:4

ส่วน​หมู่​เฮา​จะ​ตั้งอก​ตั้งใจ๋​ใจ๊​เวลา​อธิษฐาน​ตึง​สั่ง​สอน​ถ้อยกำ​ของ​พระเจ้า”

ฟีลิปปี 1:19

ข้าพเจ้า​ฮู้​ดี​ว่า โดย​กำ​อธิษฐาน​ของ​หมู่​ต้าน กับ​ความ​จ้วยเหลือ​ของ​พระวิญญาณ​ของ​พระเยซู​คริสต์ จะ​เยียะ​หื้อ​ข้าพเจ้า​ได้ฮับ​อิสระ

1 ยอห์น 3:22

กับ​เฮา​จะ​ได้ฮับ​กู้​สิ่ง​ตี้​เฮา​ขอ​จาก​พระเจ้า ย้อน​ว่า​เฮา​เยียะ​ต๋าม​กำสั่ง​ของ​พระองค์​กับ​เยียะ​สิ่ง​ตี้​พระองค์​ปอใจ๋