มัทธิว 18:10 - พระคริสตธรรมคัมภีร ภาคพันธสัญญาใหม

¹⁰ “หละวัง​หื้อ​ดี ห้าม​ดูถูก​ดู​แควน​คน​ตี้​ต่ำต้อย​หมู่​นี้​แม้​แต่​คน​เดียว เฮา​ขอ​บอก​หื้อ​ต้าน​ตังหลาย​ฮู้​ว่า ทูตสวรรค์​ประจ๋ำ​ตั๋ว​ของ​หมู่​เขา​เข้า​เฝ้า​พระบิดา​ของ​เฮา​ตี้​ใน​สวรรค์​ตลอด

มัทธิว 18:10 ပူးပေါင်းရင်းမြစ်များ

มัทธิว 1:20

หลังจาก​ตี้​โยเซฟ​กึ๊ด​จะ​เยียะ​จาอั้น ทูตสวรรค์​ของ​พระเจ้า​องค์​นึ่ง ก็​เข้า​ฝัน​โยเซฟ​บอก​ว่า “โยเซฟ​ลูก​หลาน​ของ​กษัตริย์​ดาวิด​เหย บ่ถ้า​กั๋ว​ตี้​จะ​ฮับ​มารีย์​มา​เป๋น​เมีย​เน่อ ย้อน​ว่า​หละอ่อน​ใน​ต๊อง​ของ​นาง​นั้น เกิด​ขึ้น​จาก​ฤทธิ์​เดช​ของ​พระวิญญาณ​บริสุทธิ์

มัทธิว 12:20

ต้าน​จะ​บ่หัก​ไม้​อ้อ​ตี้​จ๊ำ​แล้ว​ขว้าง กับ​ต้าน​จะ​บ่ดับ​ไส้​โกมไฟ​ตี้​เป๋น​ควัน​ใก้​จะ​ดับ ต้าน​จะ​เยียะ​จาอี้​จ๋น​กว่า​ต้าน จะ​เยียะ​หื้อ​ความ​ยุติธรรม​ได้ฮับ​ชัย

มัทธิว 18:14

ก็​เหมือน​เดียว​กั๋น​กับ​พระบิดา​ของ​ต้าน​ตังหลาย​ตี้​อยู่​ใน​สวรรค์ ก็​บ่ใค่​หื้อ​คน​ต่ำต้อย​หมู่​นี้​คน​ใด​คน​นึ่ง​หลง​หาย​ไป​แม้​แต่​คน​เดียว

มัทธิว 18:6

แต่​ถ้า​ใผ​คน​ใด​เยียะ​หื้อ​คน​ตี้​เป๋น​เหมือน​หละอ่อน​หน้อย​ตี้​เจื้อ​วางใจ๋​ใน​เฮา​หลง​ผิด​ไป​สัก​คน​นึ่ง ก็​หื้อ​เอา​บ่าหิน​โม่​ก้อน​ใหญ่ๆ มัด​ติด​คอ​คน​นั้น แล้ว​อุ้ม​โจ้ง​ลง​ใน​ทะเล​หื้อ​ต๋าย​เหีย ก็​ยัง​ดี​เหลือ

มัทธิว 2:13

เมื่อ​หมู่​โหราจ๋ารย์​ปิ๊ก​ไป​แล้ว ทูตสวรรค์​ของ​พระเจ้า​องค์​นึ่ง​มา​เข้า​ฝัน​โยเซฟ​บอก​ว่า “ลุก​ขึ้น ปา​สอง​แม่​ลูก​หนี​ไป​อยู่​ตี้​ประเทศ​อียิปต์ เถิง​แล้ว​หื้อ​อยู่​ตี้​หั้น จ๋น​กว่า​เฮา​จะ​บอก​หื้อ​ปิ๊ก​มา​แหม​ใหม่ ย้อน​ว่า​กษัตริย์​เฮโรด​ก่ำลัง​จะ​ส่ง​คน​มา​ตวย​ฆ่า​ลูก”

มัทธิว 2:19

หลังจาก​กษัตริย์​เฮโรด​ต๋าย​แล้ว ทูตสวรรค์​ของ​พระเจ้า​ได้​เข้า​ฝัน​โยเซฟ​ต๋อน​อยู่​ใน​ประเทศ​อียิปต์​บอก​ว่า

มัทธิว 24:31

พระองค์​จะ​ส่ง​หมู่​ทูตสวรรค์​ของ​พระองค์​มา พร้อม​กับ​เสียง​แก​ตี้​ดัง​ขนาด หมู่​ทูตสวรรค์​นั้น​จะ​มา​รวบรวม​คน​ตี้​พระองค์​เลือก​ไว้​แล้ว จาก​ตึง​สี่​ทิศ​ตั้งแต่​ขอบ​ฟ้า​เผิก​นึ่ง จ๋น​เถิง​สุด​ขอบ​ฟ้า​แหม​เผิก​นึ่ง

ลูก๋า 1:19

ฝ่าย​ทูตสวรรค์​ก็​ตอบ​ว่า “เฮา​คือ​กาเบรียล เซิ่ง​ยืน​อยู่​ต่อหน้า​พระเจ้า พระองค์​ใจ๊​เฮา​มา​อู้​กับ​ต้าน​กับ​บอก​ข่าวดี​นี้​แก่​ต้าน

ลูก๋า 10:16

พระเยซู​บอก​หมู่​สาวก​ว่า “คน​ตี้​ฟัง​ต้าน​ตังหลาย​ก็​ได้​ฟัง​เฮา คน​ตี้​บ่ยอมฮับ​ต้าน​ตังหลาย ก็​บ่ยอมฮับ​เฮา คน​ตี้​บ่ยอมฮับ​เฮา​ก็​บ่ยอมฮับ​ผู้​ตี้​ใจ๊​เฮา​มา”

ลูก๋า 16:22

ต่อ​มา​ขอตาน​คน​นั้น​ต๋าย หมู่​ทูตสวรรค์​ก็​ปา​เขา​ไป​อยู่​กับ​อับราฮัม​บน​สวรรค์ แหม​บ่เมิน​เศรษฐี​นั้น​ต๋าย ก็​ถูก​ฝัง​ไว้

กิจก๋าน 10:3

วัน​นึ่ง​เวลา​ประมาณ​บ่าย​สาม​โมง โครเนลิอัส​ก่ำลัง​อธิษฐาน​อยู่ ก็​หัน​นิมิต​อย่าง​เต๋ม​ต๋า คือ​เขา​หัน​ทูตสวรรค์​องค์​นึ่ง​ของ​พระเจ้า​เข้า​มา​หา​ฮ้อง​ต้าน​ว่า “โครเนลิอัส​เหย”

กิจก๋าน 12:15

คน​หมู่​นั้น​ก็​ปา​กั๋น​ว่า “เป๋น​บ้า​ไป​แล้ว​กา” แต่​นาง​ยืนยัน​ว่า​เป๋น​จาอั้น​แต๊ๆ หมู่​เขา​จึง​ว่า “เป๋น​ทูตสวรรค์​ประจ๋ำ​ตั๋ว​เปโตร​แน่ๆ”

กิจก๋าน 12:23

สัก​กำเดียว​ก็​มี​ทูตสวรรค์​องค์​นึ่ง​ของ​องค์​พระผู้เป๋นเจ้า​เยียะ​หื้อ​เฮโรด​เป๋น​โรค​ฮ้าย ย้อน​ต้าน​ยอมฮับ​ก๋าน​ยกย่อง​นี้ กับ​หื้อ​เกียรติ​ตั๋ว​เก่า​แตน​หื้อ​เกียรติ​พระเจ้า แล้ว​กษัตริย์​เฮโรด​ก็​ถูก​ขี้ตืก​ขบ​กิ๋น​ตั๋ว​จ๋น​ต๋าย

กิจก๋าน 27:23

เมื่อ​ตะคืน​นี้​ทูตสวรรค์​องค์​นึ่ง​ของ​พระเจ้า ผู้​เป๋น​พระเจ้า​ของ​ข้าพเจ้า​ตี้​ข้าพเจ้า​ฮับใจ๊​อยู่ มา​ยืน​อยู่​ฮิม​ป่างข้าง

กิจก๋าน 5:19

แต่​เมื่อคืน​นั้น ทูตสวรรค์​ของ​องค์​พระ​ผู้​เป๋น​เจ้า​มา​ไข​ปะตู๋​คอก แล้ว​ปา​หมู่​อัครทูต​ออก​จาก​คอก​ไป ทูตสวรรค์​อู้​ว่า

โรม 14:10

แล้ว​เป๋น​จาใด​ต้าน​จึง​ตัดสิน​ปี้น้อง​ผู้เจื้อ​ของ​ต้าน กาว่า​ดู​แควน​ปี้น้อง​ผู้เจื้อ​ของ​ต้าน ย้อน​เฮา​ตังหลาย​ต้อง​ยืน​ต่อ​หน้า​พระเจ้า​หื้อ​พระองค์​ตัดสิน​กั๋น​กู้​คน

โรม 14:21

เป๋น​สิ่ง​ตี้​ดี​ตี้​จะ​บ่กิ๋น​จิ๊น​กาว่า​บ่กิ๋น​เหล้า​องุ่น กาว่า​เยียะ​สิ่ง​อื่นๆ ตี้​จะ​เยียะ​หื้อ​ปี้น้อง​ของ​ต้าน​เยียะ​บาป

โรม 15:1

หมู่​เฮา​ตี้​มี​ความ​เจื้อ​เข้มแข็ง ควร​จ้วย​คน​ตี้​มี​ความ​เจื้อ​อ่อนแอ​ใน​เรื่อง​ตี้​เขา​สงสัย กับ​บ่สมควร​เยียะ​ต๋าม​ใจ๋​ตั๋วเก่า

1 โครินธ์ 11:22

หมู่​ต้าน​บ่มี​บ้าน​ตี้​จะ​กิ๋น​กับ​ดื่ม​กา กาว่า​หมู่​ต้าน​ใค่​อยาก​ดู​แควน​คริสตจักร​ของ​พระเจ้า แล้ว​เยียะ​หื้อ​คน​ของ​พระองค์​ตี้​ตุ๊กยาก​ต้อง​ขาย​ขี้​หน้า​กา แล้ว​จะ​หื้อ​ข้าพเจ้า​ว่า​จาใด​ดี จะ​หื้อ​ยกย่อง​หมู่​ต้าน​กา ข้าพเจ้า​ยกย่อง​ต้าน​บ่ได้​แต๊ๆ

1 โครินธ์ 16:11

จาอั้น​ห้าม​หื้อ​ใผ​ดู​แควน​เขา แต่​หื้อ​จ้วย​เขา​เตียวตาง​ต่อ​ไป​อย่าง​สันติสุข เปื้อ​เขา​จะ​ปิ๊ก​มา​หา​ข้าพเจ้า ย้อน​ข้าพเจ้า​ก่ำลัง​กอย​ถ้า​เขา​กับ​หมู่​ปี้น้อง​คน​อื่นๆ อยู่

1 โครินธ์ 9:22

เมื่อ​อยู่​กับ​หมู่​ตี้​บ่เข้มแข็ง​ใน​ความ​เจื้อ ข้าพเจ้า​ก็​เยียะ​เหมือน​หมู่​เขา เปื้อ​หื้อ​ได้​หมู่​เขา​มา ข้าพเจ้า​ยอม​ตี้​จะ​เยียะ​เหมือน​คน​กู้​แบบ เปื้อ​ว่า​ข้าพเจ้า​จะ​ได้​จ้วย​บาง​คน​หื้อ​รอด​ป๊น​บาป​โต้ษ​ได้​พ่อง

2 โครินธ์ 10:1

ข้าพเจ้า​เปาโล ขอ​อ้อนวอน​หมู่​ต้าน​เป๋น​ก๋าน​ส่วน​ตั๋ว โดย​ความ​สุภาพ​อ่อนน้อม กับ​ความ​เมตต๋า​ของ​พระคริสต์ บาง​คน​ว่า​ข้าพเจ้า​เป๋น​คน​ขี้แขะ​เมื่อ​อยู่​กับ​ต้าน​ตังหลาย แต่​เมื่อ​อยู่​ไก๋​หมู่​ต้าน​ก็​จะ​เป๋น​คน​ห้าว

2 โครินธ์ 10:10

ย้อน​ว่า​มี​บาง​คน​อู้​ว่า “กำ​ใน​จดหมาย​ของ​เปาโล​นั้น​แฮง​กับ​เด็ดขาด​ก็​แต๊ แต่​จาใด​ต๋อน​ตี้​เขา​มา​อยู่​กับ​เฮา เขา​หยัง​มา​ผ่อ​เหมือน​คน​อ่อนแอ​กับ​อู้​บ่เป๋น​เรื่อง”

กาลาเทีย 6:1

ปี้น้อง​ผู้​เจื้อ​ตังหลาย ถ้า​ฮู้​ว่า​คน​นึ่ง​คน​ใด​หลง​ผิด​ไป หื้อ​ต้าน​ตังหลาย​ตี้​มี​พระวิญญาณ​อยู่​ตวย จ้วย​คน​นั้น​ด้วย​จิต​ใจ๋​อ่อน​น้อม หื้อ​เขา​ปิ๊ก​ตั้ง​ตั๋ว​ใหม่​ได้​แหม หื้อ​กึ๊ด​เถิง​ตั๋ว​เก่า แต่​หละวัง​ตั๋ว​ไว้​หื้อ​ดี ต้าน​ก็​อาจ​ถูก​ลองใจ๋​ได้​เหมือน​กั๋น

1 เธสะโลนิก๋า 4:8

คน​ใด​บ่เอา​กฎ​ระเบียบ​ข้อ​นี้ เขา​บ่ใจ้​บ่ยอมฮับ​ก้า​มนุษย์​เต้าอั้น แต่​บ่ยอมฮับ​พระเจ้า​ผู้​มอบ​พระวิญญาณ​บริสุทธิ์​หื้อ​กับ​ต้าน​ตวย

1 ทิโมธี 4:12

บ่ดี​หื้อ​ใผ​มา​ดู​แควน​ต้าน​ย้อน​เป๋น​คน​หนุ่ม แต่​หื้อ​เป๋น​ตั๋วอย่าง​ตี้​ดี​แก่​ผู้เจื้อ​ตังหลาย​ใน​เรื่อง​ก๋าน​อู้ ก๋าน​เยียะ​ตั๋ว​ดี ความ​ฮัก ความ​เจื้อ ตึง​ความ​บริสุทธิ์

ฮีบรู 1:14

ทูตสวรรค์​ตึง​หมด​เป๋น​ก้า​วิญญาณ​ตี้​ฮับใจ๊​พระเจ้า ตี้​พระองค์​ส่ง​มา​จ้วยเหลือ​คน​ตี้​จะ​ได้​ฮับ​ความ​รอด​ป๊น​บาป​โต้ษ

ฮีบรู 9:24

ย้อน​ว่า​พระเยซู​คริสต์​บ่ได้​เข้า​สู่​สถานตี้​ศักดิ์สิทธิ์​ตี้​คน​แป๋ง​เฮียน​แบบ​จาก​สถาน​ตี้​ศักดิ์สิทธิ์​แต๊ๆ ใน​สวรรค์ แต่​พระองค์​เข้า​สู่​สวรรค์​นั้น บ่าเดี่ยว​นี้​พระองค์​อยู่​ต่อหน้า​พระเจ้า​เปื้อ​เฮา​ตังหลาย

วิวรณ์ 8:2

แล้ว​ข้าพเจ้า​ก็​หัน​ทูตสวรรค์​ตึง​เจ็ด​องค์​ยืน​อยู่​ต่อหน้า​พระเจ้า หมู่​เขา​ได้ฮับ​แก​เจ็ด​อัน