มัทธิว 14:14 - พระคริสตธรรมคัมภีร ภาคพันธสัญญาใหม

¹⁴ เมื่อ​พระเยซู​ขึ้น​จาก​เฮือ ก็​หัน​คน​เป๋น​จ๋ำนวน​นัก พระองค์​ก็​ฮู้สึก​อินดู แล้ว​ฮักษา​คน​เป๋น​พยาธิ​ใน​หมู่​นั้น​หื้อ​หาย

มัทธิว 14:14 ပူးပေါင်းရင်းမြစ်များ

มัทธิว 14:15

ตก​ต๋อน​แลง​หมู่​สาวก​ก็​มา​บอก​พระเยซู​ว่า “อาจ๋ารย์ บ่าเดี่ยว​นี้​ก็​ค่ำ​นัก​แก​แล้ว ต๋ำ​หมู่​นี้​ก็​ทุรกั๋นดาร หื้อ​คน​หมู่​นี้​ปิ๊ก​ไป​ก่อน​บ๋อ เปื้อ​จะ​ได้​ไป​เซาะ​ซื้อ​ของกิ๋น​กั๋น​ต๋าม​หมู่​บ้าน​ต่างๆ นั้น”

มัทธิว 4:23

พระเยซู​เตียวตาง​ไป​ใคว่​แคว้น​กาลิลี เปื้อ​เตสนา​สั่ง​สอน​ใน​ธรรมศาลา​ของ​จาว​ยิว กับ​บอก​ข่าวดี​เรื่อง​แผ่นดิน​ของ​พระเจ้า​หื้อ​คน​ฮู้ ป๋าย​บ่ปอ​ยัง​ฮักษา​คน​เป๋น​พยาธิ​ต่างๆ หื้อ​หาย​ตวย

มัทธิว 9:36

เมื่อ​พระเยซู​หัน​คน​ตังหลาย พระองค์​ก็​ฮู้สึก​อินดู​หมู่​เขา ย้อน​ว่า​หมู่​เขา​ตุ๊กใจ๋​หลาย​อย่าง กับ​บ่มี​ใผ​จ้วย เผียบ​เหมือน​ฝูง​แกะ​ตี้​บ่มี​คน​เลี้ยง

มาระโก 6:34

เมื่อ​พระเยซู​ขึ้น​จาก​เฮือ ก็​หัน​คน​เป๋น​จ๋ำนวน​นัก พระองค์​ก็​ฮู้สึก​อินดู​หมู่​เขา ย้อน​ว่า​หมู่​เขา​เผียบ​เหมือน​ฝูง​แกะ​ตี้​บ่มี​คน​เลี้ยง พระองค์​จึง​สั่ง​สอน​หมู่​เขา​หลาย​เรื่อง

มาระโก 9:22

ผี​เกย​เยียะ​หื้อ​ตก​น้ำ​ตก​ไฟ​เจื่อๆ เปื้อ​จะ​ฆ่า​หื้อ​ต๋าย ถ้า​ต้าน​สามารถ​จ้วย​ได้ ก็​ขอ​อินดู​จ้วย​น่อย​เต๊อะ”

ลูก๋า 19:41

เมื่อ​พระองค์​มา​ใก้​จ๋น​หัน​กรุง​เยรูซาเล็ม​อยู่​ตังหน้า พระองค์​ก็​ไห้ ย้อน​อินดู​คน​ใน​เมือง​นั้น

ลูก๋า 7:13

เมื่อ​พระเยซู​หัน​แม่​ของ​ป้อจาย​คน​นั้น พระองค์​มี​ใจ๋​อินดู​นาง อู้​ว่า “บ่ต้อง​ไห้​เน่อ”

ฮีบรู 2:17

ย้อน​จาอี้​พระเยซู​จึง​ต้อง​เป๋น​เหมือน​ปี้น้อง​ของ​พระองค์​กู้​อย่าง เปื้อ​จะ​ได้​เป๋น​มหา​ปุโรหิต​ตี้​มี​เมตต๋า​กับ​ซื่อสัตย์​ตี้​จะ​ฮับใจ๊​พระเจ้า กับ​เปื้อ​คน​ตังหลาย​จะ​ฮับ​ก๋าน​ยกโต้ษ​บาป

ฮีบรู 4:15

พระองค์​เป๋น​มหา​ปุโรหิต​ตี้​เข้าใจ๋​กับ​หัน​ใจ๋​ใน​ความ​อ่อนแอ​ของ​เฮา ย้อน​พระองค์​ก็​เกย​ถูก​ลองใจ๋​เหมือน​เฮา​กู้​อย่าง แต่​พระองค์​บ่ได้​เยียะ​บาป​เลย

ฮีบรู 5:2

มหา​ปุโรหิต​หันอกหันใจ๋​คน​บ่ฮู้​เรื่อง​ตี้​ได้​หลงผิด ย้อน​ว่า​มหา​ปุโรหิต​เอง​ก็​มี​ความ​อ่อนแอ​เหมือน​กั๋น