มัทธิว 13:11 - พระคริสตธรรมคัมภีร ภาคพันธสัญญาใหม

¹¹ พระเยซู​ตอบ​ว่า “ข้อ​ล้ำเลิ็ก​เรื่อง​แผ่นดิน​ของ​สวรรค์​โผด​หื้อ​ต้าน​ตังหลาย​ฮู้​ได้ ส่วน​หมู่​คน​อื่นๆ นั้น​บ่โผด​หื้อ​ใผ​ฮู้​สัก​คน

มัทธิว 13:11 ပူးပေါင်းရင်းမြစ်များ

มัทธิว 13:10

หมู่​สาวก​ปา​กั๋น​มา​ถาม​พระเยซู​ว่า “เป๋น​จาใด​อาจ๋ารย์​เถิง​สอน​คน​ตังหลาย​หมู่​นั้น​เป๋น​กำเผียบ”

มัทธิว 16:17

พระเยซู​ตอบ​ว่า “ซีโมน ลูก​ของ​โยนาห์​เหย ต้าน​ได้​ฮับ​ปอน​แต๊ๆ ย้อน​ว่า​เรื่อง​นี้​พระบิดา​ของ​เฮา​ตี้​อยู่​ใน​สวรรค์ เป๋น​ผู้​เปิดเผย​หื้อ​ต้าน​ฮู้ บ่ใจ้​คน​บอก​หื้อ​เน่อ

มัทธิว 19:11

พระเยซู​ตอบ​ว่า “บ่ใจ้​ว่า​กู้​คน​ยอมฮับ​กำ​นี้​ได้ แต่​จะ​มี​บาง​คน​เต้าอั้น​ตี้​พระเจ้า​เยียะ​หื้อ​ฮับ​ได้

มัทธิว 20:23

พระเยซู​บอก​เขา​ว่า “หมู่​ต้าน​จะ​ได้​กิ๋น​จาก​ถ้วย​ของ​เฮา​แน่นอน แต่​ตี้​จะ​หื้อ​ใผ​นั่ง​เผิก​ขวา​เผิก​ซ้าย​ของ​เฮา​นั้น บ่ใจ้​เฮา​เป๋น​คน​จัด​หื้อ​นั่ง​เน่อ แต่​พระบิดา​ของ​เฮา​เต้าอั้น​ตี้​เป๋น​ผู้​เลือก​ว่า​จะ​หื้อ​ใผ​นั่ง​ตั๊ด​ไหน”

มาระโก 10:40

แต่​ตี้​จะ​หื้อ​ใผ​นั่ง​เผิก​ขวา​เผิก​ซ้าย​ของ​เฮา​นั้น บ่ใจ้​เฮา​เป๋น​คน​จัด​หื้อ​นั่ง​เน่อ แต่​พระเจ้า​ของ​เฮา​เต้าอั้น​ตี้​เป๋น​ผู้​เลือก​ว่า​จะ​หื้อ​ใผ​นั่ง​ตั๊ด​ไหน”

มาระโก 4:11

พระองค์​ตอบ​ว่า “ข้อ​ล้ำเลิ็ก​เรื่อง​แผ่นดิน​ของ​พระเจ้า​โผด​หื้อ​ต้าน​ตังหลาย​ฮู้​ได้ ส่วน​หมู่​คน​อื่นๆ นั้น จะ​อู้​หื้อ​ฟัง​เป๋น​กำเผียบ​เต้าอั้น

ลูก๋า 8:10

พระเยซู​บอก​หมู่​สาวก​ว่า “ข้อ​ล้ำเลิ็ก​เรื่อง​แผ่นดิน​ของ​พระเจ้า​โผด​หื้อ​ต้าน​ตังหลาย​ฮู้​ได้ ส่วน​หมู่​คน​อื่นๆ นั้น จะ​อู้​หื้อ​ฟัง​เป๋น​กำเผียบ​เปื้อ​หื้อ​เป๋น​ไป​ต๋าม​พระคัมภีร์​ตี้​ว่า ‘หมู่​เขา​ผ่อ​แต่​บ่หัน หมู่​เขา​ฟัง​แต่​บ่เข้าใจ๋’

ยอห์น 6:65

และ​พระองค์​ก็​อู้​ว่า “ย้อน​จาอี้ เฮา​เถิง​บอก​หมู่​ต้าน​ว่า บ่มี​ใผ​ติดต๋าม​เฮา​ได้ ถ้า​พระบิดา​บ่ได้​ปา​เขา​มา​หา​เฮา”

ยอห์น 7:17

ใผ​ตี้​เยียะ​ต๋าม​ความ​ต้องก๋าน​ของ​พระองค์​ก็​จะ​ฮู้​ว่า​กำ​ตี้​เฮา​สอน​นั้น​มา​จาก​พระเจ้า​กาว่า​เฮา​อู้​ขึ้น​มา​คน​เดียว

กิจก๋าน 16:14

มี​แม่ญิง​คน​นึ่ง​จื้อ​ลิเดีย​มา​จาก​เมือง​ธิยาทิรา เป๋น​คน​ขาย​ผ้า​สี​ม่วง​รากา​แปง เป๋น​คน​นับถือ​พระเจ้า เมื่อ​ก่ำลัง​ฟัง​หมู่​เฮา​อู้​อยู่​นั้น องค์​พระ​ผู้​เป๋น​เจ้า​ก็​เปิดใจ๋​ของ​นาง​หื้อ​สนใจ๋​ถ้อยกำ​ตี้​เปาโล​อู้​นั้น แล้ว​นาง​ก็​ฮับเจื้อ

โรม 11:25

ปี้น้อง​ตังหลาย ข้าพเจ้า​ใค่​หื้อ​หมู่​ต้าน​ฮู้​เรื่อง​เกี่ยว​กับ​ความ​จริง​อัน​ล้ำเลิ็ก​นี้ เปื้อ​หมู่​ต้าน​จะ​บ่อวด​ฮู้ คือ​หมู่​จาว​อิสราเอล​บาง​ส่วน​ใจ๋แข็ง แต่​จะ​เป๋น​จาอั้น​จ๋น​เถิง​คน​ต่างจ้าด​จะ​เข้า​มา​เจื้อ​พระเจ้า​จ๋น​ครบ​จ๋ำนวน​ก่อน

โรม 16:25

จง​ถวาย​เกียรติ​แก่​พระเจ้า​ผู้​ตี้​สามารถ​เยียะ​หื้อ​หมู่​ต้าน​ตั้ง​มั่น​ใน​ความ​เจื้อ​ต๋าม​ข่าวดี​เรื่อง​พระเยซู​คริสต์​ตี้​ข้าพเจ้า​ได้​บอก​แล้ว​นั้น กับ​ต๋าม​ก๋าน​เปิดเผย​ความ​จริง​อัน​ล้ำเลิ็ก เซิ่ง​ได้​ปิด​ไว้​เมิน​มา​แล้ว​ตั้งแต่​สมัย​โบราณ

1 โครินธ์ 13:2

เถิงแม้​ว่า​ข้าพเจ้า​จะ​อู้​ถ้อยกำ​ตี้​มา​จาก​พระเจ้า​ได้ กาว่า​เข้าใจ๋​ใน​ข้อ​ล้ำเลิ็ก​ตึงหมด​ของ​พระองค์ กับ​มี​ความ​ฮู้​กู้​อย่าง กาว่า​มี​ความ​เจื้อ​นัก​เถิง​ขนาด​จะ​ย้าย​ดอย​ได้ แต่​ถ้า​บ่มี​ความ​ฮัก ข้าพเจ้า​ก็​บ่มี​ก้า​อะหยัง​เลย

1 โครินธ์ 15:51

ฟัง​ข้อ​ล้ำเลิ็ก​นี้​หื้อ​ดี เฮา​จะ​บ่ต๋าย​กั๋น​กู้​คน แต่​เฮา​กู้​คน​จะ​ได้ฮับ​ก๋าน​เปี่ยน​ใหม่

1 โครินธ์ 2:14

คน​ตี้​บ่มี​พระวิญญาณ​ของ​พระเจ้า​ก็​ยอมฮับ​สิ่ง​ต่างๆ ตี้​พระวิญญาณ​เปิด​เผย​หื้อ​ฮู้​บ่ได้ เขา​หัน​ว่า​เป๋น​เรื่อง​ง่าว​กับ​เขา​ก็​บ่เข้าใจ๋​สิ่ง​หมู่​นี้ ย้อน​เขา​บ่มี​พระวิญญาณ​จ้วย​หื้อ​เข้าใจ๋

1 โครินธ์ 2:7

แต่​หมู่​เฮา​อู้​เถิง​ปั๋ญญา​อัน​ล้ำเลิ็ก​ของ​พระเจ้า​ตี้​พระองค์​ได้​เก็บ​ซ่อน​ไว้​นั้น กับ​ตี้​พระองค์​ได้​ก๋ำหนด​ไว้​ก่อน​สร้าง​โลก​ว่า​ปั๋ญญา​นี้​จะ​เป๋น​เกียรติ​ของ​เฮา

1 โครินธ์ 4:1

หื้อ​หมู่​ต้าน​ถือ​ว่า​เฮา​เป๋น​ผู้​ฮับใจ๊​พระคริสต์ เป๋น​ผู้​ตี้​ได้ฮับ​มอบหมาย​หื้อ​ผ่อกอย​ข้อล้ำเลิ็ก​ของ​พระเจ้า

1 โครินธ์ 4:7

ใผ​ยก​ต้าน​หื้อ​ดี​เหลือ​คน​อื่น มี​อะหยัง​พ่อง​ตี้​ต้าน​บ่ได้ฮับ​มา​จาก​พระเจ้า ถ้า​ต้าน​ได้ฮับ​กู้​สิ่ง​มา​จาก​พระเจ้า​แล้ว เป๋น​จาใด​ต้าน​อวด​เหมือน​กับ​ว่า​ต้าน​เซาะ​มา​ได้​คน​เดียว

เอเฟซัส 1:18

ขอ​พระองค์​จ้วย​เปิดต๋า​เปิดใจ๋​ของ​หมู่​ต้าน เปื้อ​หมู่​ต้าน​จะ​ได้​ฮู้​ว่า พระองค์​ฮ้อง​หื้อ​หมู่​ต้าน​มา​มี​ความ​หวัง​อะหยัง กับ​ฮู้​ว่า​ปอน​ตี้​พระองค์​สัญญา​ว่า​จะ​หื้อ​กับ​คน​ของ​พระองค์​นั้น​ดีเลิศ​มอก​ใด

เอเฟซัส 1:9

พระองค์​โผด​หื้อ​เฮา​ฮู้​เถิง​แผนก๋าน​ล้ำเลิ็ก​ตี้​พระองค์​ตั้งใจ๋​เยียะ​หื้อ​สำเร็จ​ใน​พระคริสต์ ต๋าม​ความ​ต้องก๋าน​ของ​พระองค์

เอเฟซัส 5:32

พระคัมภีร์​ข้อ​นี้​มี​ความ​จริง​ตี้​ล้ำเลิ็ก​นัก ตั๋ว​ข้าพเจ้า​เข้าใจ๋​ว่า​หมายเถิง​พระคริสต์​กับ​คริสตจักร

เอเฟซัส 6:19

หื้อ​อธิษฐาน​เผื่อ​ข้าพเจ้า​ตวย เปื้อ​เมื่อ​ข้าพเจ้า​อู้ พระเจ้า​จะ​หื้อ​กำ​กับ​ข้าพเจ้า ตี้​จะ​เปิดเผย​ข้อ​ล้ำเลิ็ก​ของ​ข่าวดี​นี้​อย่าง​บ่กั๋ว​อะหยัง

โคโลสี 2:2

ข้าพเจ้า​เยียะ​จาอี้​เปื้อ​หมู่​เขา​จะ​มี​ก๋ำลังใจ๋ มี​ความ​ฮัก​ตี้​จะ​เยียะ​หื้อ​เขา​เป๋น​อัน​นึ่ง​อัน​เดียว​กั๋น กับ​มี​ความ​ฮู้​ความ​เข้าใจ๋​อย่าง​เต๋มตี้​ใน​ข้อ​ล้ำเลิ็ก​ของ​พระเจ้า คือ​พระคริสต์

1 ทิโมธี 3:16

แม่น​แล้ว ข้อ​ล้ำเลิ็ก​แห่ง​ศาสนา​ของ​เฮา​ยิ่งใหญ่ คือ​ว่า พระเยซู​คริสต์​มา​ป๋ากฏ​เป๋น​คน แล้ว​พระวิญญาณ​บริสุทธิ์​แสดง​หื้อ​หัน​ว่า​พระองค์​เป๋น​ตี้​ปอใจ๋​ของ​พระเจ้า กับ​หมู่​ทูตสวรรค์​ได้​หัน​พระองค์ แล้ว​คน​ตังหลาย​ได้​บอก​เรื่อง​พระองค์​หื้อ​แก่​คน​กู้​จ้าด​ฮู้ แล้ว​คน​ใน​โลก​ก็​เจื้อ​พระองค์ กับ​พระเจ้า​ก็​ฮับ​พระองค์​ไป​สวรรค์

1 ทิโมธี 3:9

ส่วน​หลัก​ความ​เจื้อ​ตี้​พระเจ้า​เปิดเผย​หื้อ​ฮู้ จะ​ต้อง​ยึดมั่น​ด้วย​จิต​สำนึก​ตี้​บริสุทธิ์

ยากอบ 1:5

แต่​ถ้า​ใผ​คน​ใด​ใน​หมู่​ต้าน​ขาด​ผญา​ปั๋ญญา ก็​หื้อ​เขา​ขอ​จาก​พระเจ้า แล้ว​พระเจ้า​จะ​หื้อ ย้อน​พระองค์​ใจ๋​กว้าง​กับ​จะ​หื้อ​กู้​คน​โดย​บ่ว่า​ใผ​เลย

1 ยอห์น 2:20

แต่​หมู่​ต้าน​ได้ฮับ​ก๋าน​เจิม​จาก​พระองค์​ผู้​บริสุทธิ์​นั้น จาอั้น​หมู่​ต้าน​จึง​ฮู้​ความ​จริง

1 ยอห์น 2:27

ส่วน​ต้าน​ตังหลาย​ได้​ฮับ​ก๋าน​เจิม​จาก​พระองค์​แล้ว พระวิญญาณ​บริสุทธิ์​ก็​อยู่​กับ​ต้าน​ตังหลาย จึง​บ่จ๋ำเป๋น​ต้อง​มี​ใผ​มา​สอน​ต้าน​ตังหลาย​แหม ย้อน​ว่า​พระวิญญาณ​นั้น​ได้​สอน​ต้าน​หื้อ​ฮู้​หมด​แล้ว กับ​สิ่ง​ตี้​พระองค์​สอน​ก็​เป๋น​ความ​จริง​บ่ใจ้​จุ ก็​หื้อ​เยียะ​ต๋าม​กำ​สั่ง​สอน​ของ​พระองค์ แล้ว​จีวิต​ของ​ต้าน​จะ​ติดสนิท​กับ​พระองค์