มัทธิว 10:19 - พระคริสตธรรมคัมภีร ภาคพันธสัญญาใหม

¹⁹ เมื่อ​ต้าน​โดน​ยับ บ่ต้อง​ฮ้อนอก​ตกใจ๋​ว่า​จะ​อู้​อะหยัง กาว่า​จะ​อู้​จาใด​ดี เมื่อ​เถิง​เวลา​นั้น ต้าน​จะ​ฮู้​ว่า​จะ​อู้​อะหยัง​พ่อง

มัทธิว 10:19 ပူးပေါင်းရင်းမြစ်များ

มัทธิว 10:18

หมู่​เขา​จะ​ปา​ตั๋ว​ต้าน​ไป​ยืน​ต่อ​หน้า​เจ้าเมือง ต่อ​หน้า​กษัตริย์ ย้อน​ว่า​หมู่​ต้าน​ติดต๋าม​เฮา ต้าน​จะ​ต้อง​เป๋น​พยาน​เรื่อง​เฮา​หื้อ​กษัตริย์​กับ​เจ้าเมือง​ตึง​คน​ต่างจ้าด​ฟัง

มัทธิว 6:25

“ย้อน​จาอั้น​เฮา​ขอ​บอก​ต้าน​ตังหลาย​ว่า บ่ถ้า​ฮ้อนใจ๋​จี้​วี้​จ้อ​หว้อ​เกี่ยวกับ​จีวิต​ว่า จะ​เอา​อะหยัง​มา​กิ๋น เอา​อะหยัง​มา​ดื่ม กาว่า​เป๋น​ห่วง​เรื่อง​ของ​ตั๋ว​ว่า​จะ​เซาะ​หา​เสื้อผ้า​ตี้​ไหน​มา​นุ่ง ย้อน​ว่า​จีวิต​สำคัญ​นัก​เหลือ​ของ​กิ๋น กับ​ตั๋ว​ของ​คน​เฮา​ก็​สำคัญ​นัก​เหลือ​ผ้า​นุ่ง​บ่ใจ้​กา

มัทธิว 6:31

ย้อน​จาอั้น​บ่ถ้า​ฮ้อนใจ๋​ว่า ‘จะ​มี​อะหยัง​กิ๋น​พ่อง​ก่อ’ ‘จะ​มี​อะหยัง​ดื่ม​พ่อง​ก่อ’ กาว่า ‘จะ​มี​อะหยัง​มา​นุ่ง​พ่อง​ก่อ’

มัทธิว 6:34

ย้อน​จาอั้น​ก็​บ่ต้อง​ฮ้อน​ใจ๋​เรื่อง​วัน​พูก วัน​พูก​ก็​มี​เรื่อง​ฮ้อน​ใจ๋​สำหรับ​วัน​พูก​อยู่​แล้ว วัน​ใดๆ ก็​มี​ปั๋ญหา​ปอ​สำหรับ​วัน​นั้น​อยู่​แล้ว

ลูก๋า 12:11

“เมื่อ​หมู่​ต้าน​ถูก​ปา​ไป​ตัดสิน​โต้ษ​ใน​ธรรมศาลา กาว่า​ต่อหน้า​เจ้าเมือง​กาว่า​ผู้​มี​อำนาจ​ตัดสิน บ่ต้อง​ฮ้อนอก​ตกใจ๋​ว่า​จะ​ตอบ​จาใด​จะ​อู้​จาใด

ลูก๋า 12:12

ย้อน​ว่า​พระวิญญาณ​บริสุทธิ์​จะ​สอน​ต้าน​ว่า ควร​จะ​อู้​จาใด​ใน​เวลา​นั้น”

กิจก๋าน 6:10

แต่​หมู่​เขา​ก็​เถียง​สู้​บ่ได้ ย้อน​ว่า​พระวิญญาณ​บริสุทธิ์​หื้อ​ปั๋ญญา​ใน​ก๋าน​อู้​แก่​สเทเฟน

ฟีลิปปี 4:6

บ่ดี​ฮ้อนใจ๋​ใน​เรื่อง​ใดๆ เลย แต่​ใน​กู้​สถานก๋ารณ์ หื้อ​ขอ​จาก​พระเจ้า​ใน​สิ่ง​ตี้​ต้าน​ต้องก๋าน​ด้วย​ก๋าน​อธิษฐาน ก๋าน​อ้อนวอน กับ​ก๋าน​ขอบ​พระคุณ

2 ทิโมธี 4:17

แต่​องค์​พระผู้เป๋นเจ้า​อยู่​ตวย​ข้าพเจ้า หื้อ​ข้าพเจ้า​มี​ก๋ำลัง​เข้มแข็ง เปื้อ​ข้าพเจ้า​จะ​บอก​ถ้อยกำ​ของ​พระองค์​อย่าง​ครบ​บริบูรณ์ แล้ว​คน​ต่างจ้าด​ตึงหมด​จะ​ได้​ฟัง กับ​พระเจ้า​ได้​จ้วย​ข้าพเจ้า​หื้อ​รอด​จาก​ปาก​สิงโต

ยากอบ 1:5

แต่​ถ้า​ใผ​คน​ใด​ใน​หมู่​ต้าน​ขาด​ผญา​ปั๋ญญา ก็​หื้อ​เขา​ขอ​จาก​พระเจ้า แล้ว​พระเจ้า​จะ​หื้อ ย้อน​พระองค์​ใจ๋​กว้าง​กับ​จะ​หื้อ​กู้​คน​โดย​บ่ว่า​ใผ​เลย