มัทธิว 10:15 - พระคริสตธรรมคัมภีร ภาคพันธสัญญาใหม

¹⁵ เฮา​บอก​ความ​จริง​แก่​เจ้า​ตังหลาย​ว่า ใน​วัน​ตัดสิน​ลงโต้ษ​บาป​นั้น​จาว​เมือง​โสโดม​กับ​เมือง​โกโมราห์​จะ​มี​โต้ษ​เบา​เหลือ​จาว​เมือง​นั้น​แหม

มัทธิว 10:15 ပူးပေါင်းရင်းမြစ်များ

มัทธิว 12:36

เฮา​จะ​บอก​ต้าน​ตังหลาย​ว่า ใน​วัน​ตัดสิน​ลงโต้ษ​บาป​นั้น​ต้าน​ตังหลาย​จะ​ต้อง​ฮับผิดชอบ​ใน​กำ​อู้​ตี้​บ่มี​สาระ

มัทธิว 5:18

เฮา​บอก​ความ​จริง​แก่​ต้าน​ตังหลาย​ว่า เมื่อ​ฟ้า​กับ​ดิน​ยัง​มี​อยู่ จะ​บ่มี​อักษร​ตั๋ว​ใด​กาว่า​ขีดๆ นึ่ง​จะ​สูญหาย​ไป​จาก​บท​บัญญัติ จ๋น​กว่า​กู้​สิ่ง​กู้​อย่าง​ใน​บท​บัญญัติ​นั้น​จะ​สำเร็จ​ครบ​ถ้วน

มัทธิว 7:22

เมื่อ​วัน​ตัดสิน​ลงโต้ษ​บาป​มา​แผว​นั้น ก็​จะ​มี​คน​เป๋น​จ๋ำนวน​นัก​อู้​กับ​เฮา​ว่า ‘องค์​พระผู้เป๋นเจ้า หมู่​ข้า​พระองค์​ตังหลาย​ได้​อ้าง​จื้อ​ของ​พระองค์​ต๋อน​ตี้​ก่ำลัง​เยียะ​หน้า​ตี้​เป๋น​ปาก​เป๋น​เสียง​แตน​พระองค์ กับ​ได้​อ้าง​จื้อ​ของ​พระองค์​ต๋อน​ไล่​ผี​ออก ตึง​ได้​ออก​จื้อ​ของ​พระองค์​ต๋อน​ตี้​เยียะ​ก๋าน​อัศจ๋รรย์​หลาย​อย่าง​บ่ใจ้​กา’

มาระโก 6:11

แต่​ถ้า​ตี้​ไหน​บ่ต้อนฮับ​กาว่า​บ่ฟัง​หมู่​ต้าน ก็​หื้อ​ออก​จาก​ตี้​หั้น​ไป​เหีย แล้ว​ปัด​ขี้ฝุ่น​ตี้​ติด​ตี๋น​ของ​ต้าน​ขว้าง เปื้อ​ส่อ​หื้อ​หัน​ว่า​พระเจ้า​บ่ปอใจ๋​กับ​บ่ยอมฮับ​เขา”

ยอห์น 12:48

ถ้า​ใผ​บ่ยอมฮับ​เฮา​และ​บ่ฮับ​กำ​อู้​ของ​เฮา จะ​มี​อย่าง​นึ่ง​ตี้​จะ​ตัดสิน​ลงโต้ษ​เขา คือ​กำ​ตี้​เฮา​ได้​อู้​ไป​แล้ว​นั้น​เนาะ จะ​ตัดสิน​ลงโต้ษ​เขา​ใน​วัน​สุดต๊าย

ยอห์น 6:39

ความ​ต้องก๋าน​ของ​ผู้​ตี้​ใจ๊​เฮา​มา​ก็​คือ ฮักษา​กู้​คน​ตี้​พระองค์​หื้อ​เฮา​ไว้​บ่หื้อ​หาย​ไป​สัก​คน​เดียว และ​เยียะ​หื้อ​คน​หมู่​นั้น​เป๋น​ขึ้น​จาก​ความ​ต๋าย ใน​วัน​สุดต๊าย

ยอห์น 6:40

ย้อน​ว่า​พระบิดา​ต้องก๋าน​หื้อ​กู้​คน​ตี้​หัน​พระบุตร​กับ​เจื้อ​วางใจ๋​ใน​พระองค์​นั้น​ได้​ฮับ​จีวิต​นิรันดร์ และ​เฮา​จะ​เยียะ​หื้อ​เขา​เป๋น​ขึ้น​จาก​ความ​ต๋าย​ใน​วัน​สุดต๊าย”

กิจก๋าน 17:31

ย้อน​พระองค์​ก๋ำหนด​วัน​นึ่ง​ไว้​แล้ว​เป๋น​วัน​ตี้​พระองค์​จะ​ตัดสิน​กู้​คน​ใน​โลก​นี้​อย่าง​ยุติธรรม โดย​ป้อจาย​คน​นึ่ง​ตี้​พระองค์​แต่งตั้ง​ไว้ พระองค์​ก็​พิสูจน์​เรื่อง​นี้​หื้อ​กู้​คน​ฮู้ โดย​หื้อ​คน​นั้น​เป๋น​ขึ้น​จาก​ความ​ต๋าย”

1 โครินธ์ 3:13

เฮา​ก็​จะ​ได้​หัน​ผล​งาน​ของ​แต่​ละ​คน​ใน​วัน​ตัดสิน​ลงโต้ษ​บาป​นั้น ย้อน​ใน​วัน​นั้น​ไฟ​จะ​เปิดเผย​หื้อ​กู้​คน​ได้​หัน กับ​จะ​พิสูจน์​ว่า​ผล​งาน​ของ​แต่​ละ​คน​เป๋น​จาใด

1 เธสะโลนิก๋า 5:4

แต่​ปี้น้อง​ตังหลาย ต้าน​จะ​บ่ได้​อยู่​ใน​ความ​มืด เมื่อ​วัน​นั้น​มา​แผว ต้าน​ก็​จะ​บ่ตกใจ๋​เหมือน​ขโมย​มา

ฮีบรู 10:25

บ่ดี​ขาด​ก๋าน​จุมนุม​กั๋น​เหมือน​บาง​คน​ตี้​เยียะ​จาอั้น​เจื่อๆ แต่​หื้อ​เฮา​หื้อ​ก๋ำลังใจ๋​กั๋น​นัก​ขึ้นๆ ย้อน​ว่า​ต้าน​ตังหลาย​ก็​ฮู้​แล้ว​ว่า​วัน​ตี้​องค์​พระผู้เป๋นเจ้า​จะ​ปิ๊ก​มา​ก็​ใก้​เถิง​แล้ว

2 เปโตร 2:6

เมือง​โสโดม​กับ​เมือง​โกโมราห์​ก็​เหมือน​กั๋น พระเจ้า​ลงโต้ษ​หมู่​เขา​โดย​ใจ๊​ไฟ​เผา​กู้​สิ่ง​กู้​อย่าง เปื้อ​เป๋น​ตั๋ว​อย่าง​หื้อ​คน​บ่ยำเก๋ง​พระเจ้า​หัน​ว่า​จะ​เกิด​อะหยัง​ขึ้น​กับ​หมู่​เขา

2 เปโตร 2:9

ย้อน​จาอั้น พระเจ้า​จึง​ฮู้​ว่า​จะ​จ้วย​คน​ตี้​ยำเก๋ง​พระเจ้า​หื้อ​ป๊น​จาก​ก๋าน​ทดลองใจ๋​ได้​จาใด กับ​ฮู้​ว่า​จะ​ขัง​คน​บ่ดี​ไว้​ลงโต้ษ​ใน​วัน​ตัดสิน​ลงโต้ษ​บาป​ได้​จาใด

2 เปโตร 3:7

แล้ว​โดย​ถ้อยกำ​เดียว​กั๋น​นั้น พระเจ้า​สั่ง​หื้อ​เก็บ​ฮักษา​ต๊องฟ้า​กับ​แผ่นดิน​โลก​ตี้​ยัง​เหลือ​อยู่​บ่าเดี่ยว​นี้​ไว้​หื้อ​ไฟ​เผา​ใน​วัน​ตัดสิน​ลง​โต้ษ​บาป กับ​คน​ตี้​บ่ยำเก๋ง​พระเจ้า​จะ​ถูก​ทำลาย​ไป​เหีย

1 ยอห์น 4:17

ย้อน​จาอี้​ความ​ฮัก​ของ​พระเจ้า​จึง​สมบูรณ์​ใน​หมู่​เฮา เฮา​ก็​เลย​มี​ความ​มั่นใจ๋​ใน​วัน​ตัดสิน​ลงโต้ษ​บาป ย้อน​ว่า​พระคริสต์​เป๋น​จาใด​เฮา​ก็​เป๋น​จาอั้น​ใน​โลก​นี้

ยูดา 1:6

กับ​เรื่อง​ตี้​ว่า​หมู่​ทูตสวรรค์​ตี้​บ่ปอใจ๋​สิทธิ​อำนาจ​ของ​ต๋น​ตี้​พระเจ้า​หื้อ แต่​ได้​ละขว้าง​ตี้​อยู่​ของ​ตั๋ว​ไป พระเจ้า​ได้​สั่ง​ล่าม​หมู่​เขา​ไว้​โดย​เจื้อก​เหล็ก​ตี้​บ่มี​วัน​ปุด​อยู่​ใน​ตี้​ตี้​มืด เปื้อ​ถ้า​ก๋าน​ตัดสิน​ลงโต้ษ​ใน​วัน​อัน​ยิ่งใหญ่​นั้น

ยูดา 1:7

ลอง​กึ๊ด​เถิง​เมือง​โสโดม เมือง​โกโมราห์​กับ​เมือง​ตุ๋ม​ใก้​ตุ๋ม​ฮิม​หมู่​นั้น​ลอ ก็​เป๋น​อย่าง​เดียว​กั๋น หมู่​เขา​เยียะ​บาป​ตาง​เพศ กับ​ใจ๊​จีวิต​ผิด​เพศ พระเจ้า​จึง​ลงโต้ษ​หมู่​เขา​ไว้​ใน​ตี้​ตี้​มี​ไฟ​ไหม้​บ่ฮู้จัก​ดับ นี่​ก็​เป๋น​ตั๋วอย่าง​เอา​ไว้​เตื๋อน​หมู่​เฮา