ลูก๋า 5:35 - พระคริสตธรรมคัมภีร ภาคพันธสัญญาใหม

³⁵ แต่​จะ​มี​วัน​นึ่ง​เจ้าบ่าว​จะ​ถูก​เอา​ไป​จาก​หมู่​เขา วัน​นั้น​หมู่​เขา​จะ​ถือ​ศีล​อด​อาหาร”

ลูก๋า 5:35 ပူးပေါင်းရင်းမြစ်များ

มัทธิว 9:15

พระเยซู​ก็​ตอบ​เป๋น​กำเผียบ​ว่า “เมื่อ​เจ้าบ่าว​ยัง​อยู่ เปื้อนๆ ของ​เขา​จะ​เป๋น​ตุ๊ก​โศกเศร้า​ได้​จาใด แต่​จะ​มี​วัน​นึ่ง​ตี้​เจ้าบ่าว​จะ​ถูก​เอา​ไป​จาก​หมู่​เขา เถิง​ต๋อน​นั้น​หมู่​เขา​ก็​จะ​ปา​กั๋น​ถือ​ศีล​อด​อาหาร

มาระโก 2:20

แต่​จะ​มี​วัน​นึ่ง​ตี้​เจ้าบ่าว​จะ​ถูก​เอา​ไป​จาก​หมู่​เขา เถิง​ต๋อน​นั้น​หมู่​เขา​ก็​จะ​ปา​กั๋น​ถือ​ศีล​อด​อาหาร

ลูก๋า 17:22

เมื่อ​ลูน​มา​พระเยซู​อู้​กับ​หมู่​สาวก​ว่า “จะ​มี​เวลา​นึ่ง​เมื่อ​ต้าน​ตังหลาย​จะ​ใค่​หัน​วัน​ตี้​เฮา​ผู้​เป๋น​บุตรมนุษย์​จะ​มา​แหม แต่​หมู่​ต้าน​จะ​บ่หัน

ลูก๋า 5:34

พระเยซู​อู้​กับ​หมู่​เขา​ว่า “หมู่​ต้าน​จะ​หื้อ​เปื้อน​ของ​เจ้าบ่าว​ถือ​ศีล​อด​อาหาร​เมื่อ​เจ้าบ่าว​ยัง​อยู่​กับ​เขา​กา

ลูก๋า 5:36

พระเยซู​ได้​อู้​กำเผียบ​ข้อ​นึ่ง​หื้อ​หมู่​เขา​ฟัง​ว่า “บ่มี​ใผ​เอา​ผ้า​จาก​เสื้อ​ใหม่​มา​ปะ​เสื้อ​เก่า ถ้า​เยียะ​จาอั้น​เสื้อ​ใหม่​ก็​จะ​ปุด ป๋าย​บ่ปอ​ผ้า​จาก​เสื้อ​ใหม่​ก็​บ่เปิง​กับ​เสื้อ​เก่า​ตวย

ยอห์น 12:8

คน​ตุ๊ก​คน​จ๋น​จะ​ยัง​อยู่​ตวย​หมู่​ต้าน​ไป​ตลอด แต่​เฮา​จะ​บ่อยู่​ตวย​หมู่​ต้าน​ไป​ตลอด”

ยอห์น 13:33

“ลูก​เหย เฮา​จะ​อยู่​กับ​หมู่​ต้าน​ไป​แหม​กำเดียว​เต้าอั้น แล้ว​หมู่​ต้าน​จะ​ตวย​เซาะ​หา​เฮา เฮา​จะ​บอก​หมู่​ต้าน​เหมือน​กับ​ตี้​เฮา​บอก​หมู่​จาว​ยิว​ว่า ตี้​ตี้​เฮา​ก่ำลัง​จะ​ไป​นั้น หมู่​ต้าน​ไป​บ่ได้

ยอห์น 16:28

เฮา​มา​จาก​พระบิดา​และ​เข้า​มา​ใน​โลก​แล้ว และ​ก่ำลัง​จะ​ไป​จาก​โลก แล้ว​ปิ๊ก​ไป​หา​พระบิดา”

กิจก๋าน 1:9

เมื่อ​พระเยซู​อู้​จาอั้น​แล้ว พระเจ้า​ก็​ฮับ​พระองค์​ขึ้น​ไป​บน​ต๊องฟ้า​ต่อหน้า​ต่อต๋า​หมู่​เขา แล้ว​ฝ้า​ก็​เกิ้ง​พระองค์​ไว้ จ๋น​หมู่​เขา​ผ่อ​พระองค์​บ่หัน

กิจก๋าน 14:23

เปาโล​กับ​บารนาบัส​แต่งตั้ง​ผู้ปกครอง​ใน​แต่​ละ​คริสตจักร ต้าน​ตึง​สอง​อธิษฐาน​กับ​ถือ​ศีล​อด​อาหาร แล้ว​มอบ​ผู้ปกครอง​หมู่​นั้น​ไว้​กับ​องค์​พระ​ผู้​เป๋น​เจ้า​ผู้​ตี้​หมู่​เขา​เจื้อ​วางใจ๋​นั้น

กิจก๋าน 3:21

แต่​บ่าเดี่ยวนี้​พระเยซู​จะ​ต้อง​อยู่​ใน​สวรรค์​ก่อน จ๋น​เถิง​เวลา​ตี้​พระเจ้า​จะ​เยียะ​กู้​สิ่ง​กู้​อย่าง​หื้อ​ปิ๊ก​เป๋น​เหมือน​เก่า​นั้น ต๋าม​ตี้​พระเจ้า​สัญญา​ไว้​ผ่าน​ตาง​กำ​อู้​ของ​หมู่​ผู้​เป๋น​ปาก​เป๋น​เสียง​แตน​พระองค์​ผู้​บริสุทธิ์​ใน​สมัย​โบราณ

1 โครินธ์ 7:5

ควร​ตี้​จะ​มี​เพศ​สัมพันธ์​กั๋น​ต๋าม​ปกติ นอกจาก​ตึง​สอง​จะ​ตกลง​กั๋น​สัก​หว่าง​นึ่ง เปื้อ​จะ​ถวาย​ตั๋ว​ใน​ก๋าน​อธิษฐาน แล้ว​ก้อย​ปิ๊ก​มา​อยู่​ฮ่วม​กั๋น​แหม เปื้อ​ต้าน​จะ​ได้​บ่ถูก​ซาต๋าน​ล่อลวง​หื้อ​เยียะ​ผิด​ย้อน​ต้าน​อด​บ่ได้

2 โครินธ์ 11:27

ต้อง​ฮำ​เยียะ​ก๋าน​หนัก อด​หลับ​อด​นอน​เจื่อๆ อยาก​ข้าว​กั้น​น้ำ อด​ข้าว​หลาย​เตื้อ ทน​หนาว​กับ​เสื้อผ้า​ก็​บ่มี​ใส่