ลูก๋า 24:45 - พระคริสตธรรมคัมภีร ภาคพันธสัญญาใหม

⁴⁵ แล้ว​พระเยซู​ก็​เยียะ​หื้อ​หมู่​เขา​เข้าใจ๋​ข้อ​ต่างๆ หมู่​นี้​ใน​พระคัมภีร์​ได้

ลูก๋า 24:45 ပူးပေါင်းရင်းမြစ်များ

ลูก๋า 24:32

หมู่​เขา​ก็​อู้​กั๋น​ว่า “ใจ๋​หมู่​เฮา​เต้น​ตุ๊บๆ ตั๊บๆ เมื่อ​อู้​กั๋น​มา​ต๋าม​ตาง​กับ​เมื่อ​พระองค์​อธิบาย​พระคัมภีร์​หื้อ​ฟัง​แม่น​ก่อ”

กิจก๋าน 16:14

มี​แม่ญิง​คน​นึ่ง​จื้อ​ลิเดีย​มา​จาก​เมือง​ธิยาทิรา เป๋น​คน​ขาย​ผ้า​สี​ม่วง​รากา​แปง เป๋น​คน​นับถือ​พระเจ้า เมื่อ​ก่ำลัง​ฟัง​หมู่​เฮา​อู้​อยู่​นั้น องค์​พระ​ผู้​เป๋น​เจ้า​ก็​เปิดใจ๋​ของ​นาง​หื้อ​สนใจ๋​ถ้อยกำ​ตี้​เปาโล​อู้​นั้น แล้ว​นาง​ก็​ฮับเจื้อ

กิจก๋าน 26:18

เปื้อ​เปิด​หู​เปิด​ต๋า​ของ​หมู่​เขา​หื้อ​บิ่นหลังต๋ำ​จาก​ความ​มืด​เข้า​มา​หา​ความ​เป่งแจ้ง กับ​จาก​อำนาจ​ของ​ซาต๋าน​เข้า​มา​หา​พระเจ้า เปื้อ​เขา​หมู่​นั้น​จะ​ฮับ​ก๋าน​ยกโต้ษ​บาป แล้ว​เป๋น​สมาชิก​ฮ่วม​กั๋น​กับ​หมู่​คน​ตี้​พระเจ้า​เลือก​ไว้​เป๋น​คน​ของ​พระองค์ โดย​ความ​เจื้อ​ใน​เฮา’

เอเฟซัส 5:14

ย้อน​ว่า​กู้​สิ่ง​กู้​อย่าง​ตี้​แสง​ส่อง​หื้อ​หัน​นั้น ก็​เป่งแจ้ง​ไป​ตวย จาอั้น​เลย​มี​กำเขียน​ไว้​ว่า “คน​ตี้​หลับ​อยู่​ก็​หื้อ​ลุก​ขึ้น​เต๊อะ หื้อ​เป๋น​ขึ้น​จาก​ความ​ต๋าย แล้ว​พระคริสต์​จะ​ส่อง​แสง​ไป​ต้อง​ตั๋ว​ต้าน”

1 ยอห์น 5:20

แต่​เฮา​ก็​ฮู้​ว่า​พระบุตร​ของ​พระเจ้า​มา​แล้ว กับ​หื้อ​ความ​เข้าใจ๋​กับ​เฮา เปื้อ​เฮา​จะ​ฮู้จัก​พระเจ้า​ผู้​เป๋น​ความ​จริง เฮา​มี​ความ​สัมพันธ์​กับ​พระองค์​ผู้​เป๋น​ความ​จริง​นั้น โดย​ความ​สัมพันธ์​ตี้​เฮา​มี​กับ​พระเยซู​คริสต์​พระบุตร​ของ​พระองค์ พระองค์​ผู้​นี้​เป๋น​พระเจ้า​เตี้ยง​แต๊​กับ​เป๋น​ผู้​ตี้​เยียะ​หื้อ​คน​มี​จีวิต​นิรันดร์

วิวรณ์ 3:7

“หื้อ​เขียน​เถิง​ทูตสวรรค์​ของ​คริสตจักร​ใน​เมือง​ฟิลาเดลเฟีย​ว่า “พระองค์​ผู้​บริสุทธิ์​ซื่อสัตย์ ตี้​ก๋ำ​ลูก​ขะแจ๋​ของ​กษัตริย์​ดาวิด คือ​ผู้​ตี้​เปิด​ปะตู๋​แล้ว​จะ​บ่มี​ใผ​หับ​ได้ เป๋น​ผู้​ตี้​หับ​ปะตู๋​แล้ว​ก็​บ่มี​ใผ​เปิด​ได้ อู้​ว่า