ยอห์น 6:38 - พระคริสตธรรมคัมภีร ภาคพันธสัญญาใหม

³⁸ ย้อน​ว่า เฮา​บ่ได้​ลง​มา​จาก​สวรรค์​เปื้อ​เยียะ​ต๋าม​ใจ๋​ตั๋ว​เก่า แต่​มา​เปื้อ​เยียะ​ต๋าม​ความ​ต้องก๋าน​ของ​ผู้​ตี้​ใจ๊​เฮา​มา

ยอห์น 6:38 ပူးပေါင်းရင်းမြစ်များ

มัทธิว 20:28

เหมือน​เดียว​กั๋น​กับ​บุตรมนุษย์​ตี้​บ่ได้​มา​เปื้อ​หื้อ​คน​อื่น​ฮับใจ๊ แต่​มา​เปื้อ​ฮับใจ๊​คน​อื่น แล้ว​ก็​สละ​จีวิต​ของ​ต้าน​เปื้อ​เป๋น​ก้า​ไถ่​คน​จ๋ำนวน​นัก​หื้อ​รอด​ป๊น​บาป​โต้ษ”

ยอห์น 3:13

บ่มี​ใผ​เกย​ขึ้น​ไป​บน​สวรรค์ นอก​จาก​คน​ตี้​ลง​มา​จาก​สวรรค์​เต้าอั้น ก็​คือ บุตรมนุษย์

ยอห์น 3:17

ย้อน​ว่า​พระเจ้า​บ่ได้​ส่ง​พระบุตร​เข้า​มา​ใน​โลก​นี้ เปื้อ​ตัดสิน​ลงโต้ษ​คน​ใน​โลก แต่​มา​เปื้อ​จ้วย​หื้อ​รอด​ป๊น​บาป​โต้ษ

ยอห์น 3:31

“ผู้​ตี้​ลง​มา​จาก​สวรรค์​ก็​เป๋น​ใหญ่​เหลือ​กู้​สิ่ง​กู้​อย่าง ส่วน​คน​ตี้​มา​จาก​โลก​ก็​เป๋น​ของ​โลก อู้​ก้า​เรื่อง​ของ​โลก​เต้าอั้น แต่​ผู้​ตี้​ลง​มา​จาก​สวรรค์​นั้น​เป๋น​ใหญ่​เหลือ​กู้​สิ่ง​กู้​อย่าง

ยอห์น 4:34

พระองค์​ก็​บอก​ว่า “ของกิ๋น​ของ​เฮา​ก็​คือ เยียะ​ต๋าม​ความ​ต้องก๋าน​ของ​พระเจ้า​ผู้​ตี้​ใจ๊​เฮา​มา กับ​เยียะ​ก๋าน​ของ​พระองค์​หื้อ​แล้ว

ยอห์น 5:19

พระเยซู​บอก​กับ​หมู่​ผู้นำ​จาว​ยิว​ว่า “เฮา​บอก​ความ​จริง​แก่​ต้าน​ตังหลาย​ว่า พระบุตร​เยียะ​ต๋าม​ใจ๋​ตั๋ว​เก่า​บ่ได้ พระองค์​เยียะ​ได้​ก้า​สิ่ง​ตี้​หัน​พระบิดา​เยียะ​เต้าอั้น ย้อน​ว่า​อะหยัง​ตี้​พระบิดา​เยียะ พระบุตร​ก็​เยียะ​ตวย

ยอห์น 5:30

“เฮา​จะ​เยียะ​อะหยัง​ต๋าม​ใจ๋​ตั๋ว​เก่า​บ่ได้ พระเจ้า​สั่ง​จาใด เฮา​ก็​ตัดสิน​ไป​จาอั้น แล้ว​กำ​ตัดสิน​ของ​เฮา​ก็​ยุติธรรม ย้อน​ว่า​เฮา​เยียะ​ต๋าม​ความ​ต้องก๋าน​ของ​ผู้​ตี้​ใจ๊​เฮา​มา บ่ใจ้​ต๋าม​ใจ๋​ของ​ตั๋ว​เก่า

ยอห์น 6:29

พระเยซู​ก็​ตอบ​ว่า “สิ่ง​ตี้​พระเจ้า​ใค่​หื้อ​เยียะ​ก็​คือ​เจื้อ​วางใจ๋​ผู้​ตี้​พระองค์​ใจ๊​มา”

ยอห์น 6:33

ย้อน​ว่า​ของกิ๋น​ตี้​พระเจ้า​หื้อ​นั้น​ก็​คือ​ผู้​ตี้​ลง​มา​จาก​สวรรค์ แล้ว​หื้อ​จีวิต​กับ​โลก​นี้”

ยอห์น 6:42

และ​หมู่​จาว​ยิว​ก็​อู้​กั๋น​แหม​ว่า “นี่​เยซู ลูกบ่าว​โยเซฟ​บ่ใจ้​กา ป้อ​แม่​ของ​เขา​เฮา​ก็​ฮู้จัก แล้ว​เขา​อู้​ได้​จาใด​ว่า ‘เฮา​ลง​มา​จาก​สวรรค์’ ”

ยอห์น 6:57

เหมือน​ตี้​พระบิดา​ผู้​มี​จีวิต​อยู่​ใจ๊​เฮา​มา และ​เฮา​มี​จีวิต​ย้อน​พระบิดา จาอั้น​คน​ตี้​กิ๋น​เนื้อหนัง​กับ​เลือด​ของ​เฮา​ก็​จะ​มี​จีวิต​ย้อน​เฮา​เหมือน​กั๋น

โรม 15:3

ย้อน​พระเยซู​คริสต์​ก็​บ่ได้​เยียะ​ต๋ามใจ๋​ตั๋ว​เก่า อย่าง​ตี้​มี​เขียน​ไว้​ใน​พระคัมภีร์​ว่า “กำ​อู้​ดู​แควน​ของ​ผู้​ตี้​เยาะเย้ย​พระเจ้า​นั้น แต๊ๆ ก็​เป๋น​กำ​อู้​ดู​แควน​ข้า​พระองค์”

เอเฟซัส 4:9

ตี้​บอก​ว่า “พระองค์​ขึ้น​ไป” ก็​หมายเถิง​ว่า​พระองค์​เกย​ลง​ไป​อยู่​ใน​ตี้​ตี้​ต่ำ​ตี้​สุด​ของ​โลก​ก่อน​แล้ว

ฮีบรู 5:8

เถิงแม้​ว่า​พระเยซู​เป๋น​พระบุตร​ของ​พระเจ้า พระองค์​ก็​ได้​เฮียนฮู้​ตี้​จะ​เจื้อฟัง​โดย​ก๋าน​ทนตุ๊ก​ทรมาน