ยอห์น 6:35 - พระคริสตธรรมคัมภีร ภาคพันธสัญญาใหม

³⁵ พระเยซู​ก็​อู้​ว่า “เฮา​เป๋น​ของกิ๋น​ตี้​หื้อ​จีวิต คน​ตี้​มา​หา​เฮา​ก็​จะ​บ่อยาก​กิ๋น​ข้าว​แหม แล้ว​คน​ตี้​เจื้อ​วางใจ๋​ใน​เฮา​ก็​จะ​บ่อยาก​กิ๋น​น้ำ​แหม​เลย

ยอห์น 6:35 ပူးပေါင်းရင်းမြစ်များ

มัทธิว 11:28

“ส่วน​คน​ตังหลาย​ตี้​ฮู้สึก​อิด​อก​อ่อนใจ๋ กับ​มี​ภาระ​หนัก หื้อ​มา​หา​เฮา​เต๊อะ แล้ว​เฮา​จะ​หื้อ​ต้าน​ตังหลาย​หาย​อิด​หาย​อ่อน​กับ​ได้​พักผ่อน​หย่อนใจ๋

ลูก๋า 6:25

ความ​ฉิบหาย​ก็​เกิด​กับ​เจ้า​ตังหลาย​ตี้​ได้​กิ๋น​อิ่ม​เวลา​นี้ ย้อน​ว่า​เจ้า​จะ​กั้น​อยาก ความ​ฉิบหาย​ก็​เกิด​กับ​เจ้า​ตังหลาย​ตี้​ใค่หัว​เวลา​นี้ ย้อน​ว่า​เจ้า​จะ​โศกเศร้า​เสียใจ๋

ยอห์น 4:15

แม่ญิง​คน​นั้น​ก็​อู้​ว่า “ต้าน​เจ้า ขอ​น้ำ​นี้​หื้อ​กับ​ข้าเจ้า​เต๊อะ ข้าเจ้า​จะ​ได้​บ่อยาก​กิ๋น​น้ำ​แหม กับ​บ่ต้อง​ปิ๊ก​มา​ตัก​น้ำ​ตี้​น้ำบ่อ​นี้​แหม​ตวย”

ยอห์น 5:40

แต่​หมู่​ต้าน​ก็​บ่ยอม​มา​หา​เฮา​เปื้อ​ฮับ​จีวิต​นิรันดร์

ยอห์น 6:37

กู้​คน​ตี้​พระบิดา​หื้อ​เฮา จะ​มา​หา​เฮา ใผ​ตี้​มา​หา​เฮา เฮา​จะ​บ่ละ​บ่ขว้าง​เขา

ยอห์น 6:41

หมู่​จาว​ยิว​ก็​ตั้งเก๊า​จ่ม​กั๋น ตี้​พระเยซู​อู้​ว่า “เฮา​เป๋น​ของกิ๋น​ตี้​ลง​มา​จาก​สวรรค์”

ยอห์น 6:65

และ​พระองค์​ก็​อู้​ว่า “ย้อน​จาอี้ เฮา​เถิง​บอก​หมู่​ต้าน​ว่า บ่มี​ใผ​ติดต๋าม​เฮา​ได้ ถ้า​พระบิดา​บ่ได้​ปา​เขา​มา​หา​เฮา”

วิวรณ์ 22:17

พระวิญญาณ​กับ​เจ้าสาว​อู้​ว่า “มา​เต๊อะ” ขอ​หื้อ​คน​ตี้​ได้ยิน​เรื่อง​นี้​อู้​ว่า “มา​เต๊อะ” ขอ​หื้อ​คน​ตี้​ใค่​อยาก​กิ๋น​น้ำ​มา ใผ​ก็​ต๋าม​ตี้​ใค่​ได้​ก็​จะ​ได้ฮับ​น้ำ​แห่ง​จีวิต​โดย​บ่ต้อง​ซื้อ​เลย

วิวรณ์ 7:16

หมู่​เขา​จะ​บ่อยาก​ข้าว​อยาก​น้ำ​แหม ความ​ฮ้อน​จาก​แสงแดด​จะ​บ่เผา​หมู่​เขา​แหม​ต่อ​ไป