ยอห์น 5:46 - พระคริสตธรรมคัมภีร ภาคพันธสัญญาใหม

⁴⁶ ถ้า​หมู่​ต้าน​เจื้อ​โมเสส​แต๊ๆ ต้าน​ก็​จะ​เจื้อ​เฮา​ตวย ย้อน​โมเสส​ได้​เขียน​เถิง​ตั๋ว​เฮา

ยอห์น 5:46 ပူးပေါင်းရင်းမြစ်များ

ลูก๋า 24:27

พระเยซู​อธิบาย​สิ่ง​ตี้​เขียน​ไว้​ใน​พระคัมภีร์​ตี้​เล็ง​เถิง​พระองค์ ตั้งแต่​โมเสส​จ๋น​เถิง​ผู้​เป๋น​ปาก​เป๋น​เสียง​แตน​พระเจ้า​ตึง​หมด​หื้อ​เขา​ฟัง

ยอห์น 1:45

แล้ว​ฟีลิป​ก็​ไป​หา​นาธานาเอล แล้ว​บอก​เขา​ว่า “เฮา​ได้​ปะ​คน​นั้น​ตี้​โมเสส​เขียน​เถิง​ใน​บท​บัญญัติ กับ​ผู้​เป๋น​ปาก​เป๋น​เสียง​แตน​พระเจ้า​ได้​เขียน​เถิง​ต้าน​ไว้​ตวย คือ​เยซู​จาว​เมือง​นาซาเร็ธ​ตี้​เป๋น​ลูกบ่าว​ของ​โยเซฟ”

ยอห์น 5:47

แต่​ถ้า​ต้าน​บ่เจื้อ​ใน​สิ่ง​ตี้​โมเสส​เขียน​แล้ว ต้าน​จะ​เจื้อ​กำ​อู้​ของ​เฮา​ได้​จาใด”

กิจก๋าน 26:22

แต่​พระเจ้า​ก็​จ้วย​ข้าพเจ้า​มา​จ๋น​แผว​ตึง​วันนี้ ข้าพเจ้า​จึง​มา​ยืน​เป๋น​พยาน​ต่อ​ต้าน​ตังหลาย​ตึง​ผู้​หน้อย​ผู้ใหญ่​ใน​ตี้​นี่​ได้ ข้าพเจ้า​บ่ได้​อู้​เรื่อง​อื่นๆ นอกจาก​สิ่ง​ตี้​ผู้​เป๋น​ปาก​เป๋น​เสียง​แตน​พระเจ้า​กับ​โมเสส​บอก​ไว้​ว่า​จะ​เกิด​ขึ้น

โรม 10:4

พระคริสต์​เป๋น​ผู้​ยกเลิก​ตาง​ตี้​เยียะ​หื้อ​เป๋น​คน​ถูกต้อง​ต๋าม​ธรรม​โดย​ก๋าน​เยียะ​ต๋าม​บท​บัญญัติ เปื้อ​หื้อ​กู้​คน​ตี้​มี​ความ​เจื้อ​ได้​เป๋น​คน​ถูกต้อง​ต๋าม​ธรรม

กาลาเทีย 2:19

ย้อน​ก๋าน​เยียะ​ตวย​ต๋าม​บท​บัญญัติ เยียะ​หื้อ​ข้าพเจ้า​ฮู้​ดี​ว่า​เยียะ​หื้อ​พระเจ้า​ยอมฮับ​บ่ได้ ข้าพเจ้า​ก็​ได้​ต๋าย​จาก​บท​บัญญัติ​แล้ว เปื้อ​มี​จีวิต​ฮับใจ๊​พระเจ้า

กาลาเทีย 3:10

คน​ตังหลาย​ตี้​เปิ้ง​ก๋าน​เยียะ​ตวย​ต๋าม​บท​บัญญัติ ก็​ถูก​แจ้ง​สาป ต๋าม​ตี้​พระคัมภีร์​มี​เขียน​ไว้​ว่า “คน​ใด​ตี้​บ่ได้​เยียะ​ตวย​ต๋าม​ข้อ​ความ​ตี้​เขียน​ไว้​ใน​หนังสือ​บท​บัญญัติ​กู้​ข้อ ก็​ถูก​แจ้ง​สาป”

กาลาเทีย 3:13

พระเยซู​คริสต์​ได้​จ้วย​เฮา​หื้อ​ป๊น​จาก​ก๋าน​แจ้ง​สาป​ของ​บท​บัญญัติ​แล้ว พระองค์​ยอม​ถูก​แจ้ง​สาป​แตน​เฮา ต๋าม​ตี้​พระคัมภีร์​มี​เขียน​ไว้​ว่า “คน​ตี้​ถูก​แขวน​ไว้​บน​เก๊าไม้​เป๋น​คน​ถูก​แจ้ง​สาป”

กาลาเทีย 3:24

ถ้า​จาอั้น​แล้ว บท​บัญญัติ​นี้​ก็​เผียบ​เหมือน​เป๋น​ผู้​ตี้​ควบคุม​เฮา จ๋น​เถิง​วัน​ตี้​พระเยซู​คริสต์​มา เปื้อ​พระเจ้า​จะ​เยียะ​หื้อ​เฮา​เป๋น​คน​ถูกต้อง​ต๋าม​ธรรม​โดย​ความ​เจื้อ