ยอห์น 20:15 - พระคริสตธรรมคัมภีร ภาคพันธสัญญาใหม

¹⁵ พระองค์​ก็​ถาม​นาง​ว่า “เจ้า​ไห้​เยียะ​หยัง ตวย​เซาะ​หา​ใผ​อยู่​กา” มารีย์​กึ๊ด​ว่า​พระเยซู​เป๋น​คน​เยียะ​สวน​ก็​เลย​อู้​กับ​พระองค์​ว่า “ต้าน​เจ้า ถ้า​ต้าน​เอา​พระองค์​ไป ขอ​บอก​ข้าเจ้า​เต๊อะ​ว่า​ต้าน​เอา​ไป​ไว้​ตี้​ไหน ข้าเจ้า​จะ​ได้​ไป​ฮับ​พระองค์”

ยอห์น 20:15 ပူးပေါင်းရင်းမြစ်များ

มัทธิว 12:34

หมู่​เจ้า​เป๋น​คน​ตี้​เผียบ​เหมือน​งู​ปิ๊ด แล้ว​คน​บ่ดี​นัก​อย่าง​เจ้า​จะ​อู้​สิ่ง​ดี​ได้​จาใด ย้อน​ใน​ใจ๋​เป๋น​จาใด​ปาก​ก็​อู้​มา​จาอั้น

มัทธิว 28:5

ทูตสวรรค์​องค์​นั้น​อู้​กับ​แม่ญิง​สอง​คน​นั้น​ว่า “บ่ถ้า​กั๋ว​เน่อ เฮา​ฮู้​ว่า​หมู่​เจ้า​มา​หา​พระเยซู​ตี้​ถูก​เขิง​บน​ไม้​ก๋าง​เขน

มาระโก 16:6

ป้อจาย​หนุ่ม​คน​นั้น​อู้​กับ​หมู่​เขา​ว่า “บ่ถ้า​ตกใจ๋​เน่อ หมู่​เจ้า​มา​หา​พระเยซู​จาว​เมือง​นาซาเร็ธ​ตี้​ถูก​เขิง​บน​ไม้​ก๋าง​เขน​นั้น​กา พระเจ้า​เยียะ​หื้อ​พระองค์​เป๋น​ขึ้น​จาก​ความ​ต๋าย​แล้ว พระองค์​บ่ได้​อยู่​ตี้​นี่ ผ่อ​ตั๊ด​ตี้​หมู่​เขา​วาง​ศพ​ของ​พระองค์​แหล่

ลูก๋า 2:44

เขา​สอง​คน​กึ๊ด​ว่า​พระเยซู​อยู่​ใน​หมู่​คน​ตี้​มา​ตวย​กั๋น เมื่อ​เตียว​ตาง​มา​ได้​วัน​นึ่ง ก็​เซาะหา​พระเยซู​ใน​หมู่​ปี้น้อง​กับ​หมู่​คน​ตี้​ฮู้จัก​กั๋น

ลูก๋า 24:5

แม่ญิง​หมู่​นั้น​กั๋ว​เลย​ก้ม​หน้า​ลง​ดิน ป้อจาย​สอง​คน​นั้น​อู้​กับ​หมู่​เขา​ว่า “หมู่​เจ้า​มา​หา​คน​เป๋น​ใน​หมู่​คน​ต๋าย​เยียะ​หยัง

ยอห์น 1:38

พระเยซู​ก็​งว้าย​มา แล้ว​หัน​เขา​สอง​คน​เตียว​ตวย​มา พระองค์​ก็​ถาม​ว่า “ต้าน​ต้องก๋าน​อะหยัง” แล้ว​หมู่​เขา​ก็​ตอบ​ว่า “รับบี” (​หมายเถิง​อาจ๋ารย์​) “ต้าน​พัก​อยู่​ตี้​ไหน”

ยอห์น 18:4

พระเยซู​ฮู้​ว่า​จะ​เกิด​อะหยัง​ขึ้น​กับ​พระองค์ พระองค์​ก็​เลย​เตียว​ออก​ไป​ถาม​หมู่​เขา​ว่า “หมู่​ต้าน​มา​ตวย​เซาะ​หา​ใผ”

ยอห์น 18:7

แล้ว​พระเยซู​ก็​ถาม​เขา​แหม​เตื้อ​ว่า “หมู่​ต้าน​มา​ตวย​เซาะ​หา​ใผ” หมู่​เขา​ก็​ตอบ​ว่า “เยซู จาว​นาซาเร็ธ”

ยอห์น 20:13

ทูตสวรรค์​ก็​ถาม​มารีย์​ว่า “เจ้า​ไห้​เยียะ​หยัง” นาง​ก็​ตอบ​ว่า “มี​คน​เอา​องค์​พระผู้เป๋นเจ้า​ของ​ข้าเจ้า​ไป​แล้ว ข้าเจ้า​บ่ฮู้​ว่า​เขา​เอา​พระองค์​ไป​ไว้​ตี้​ไหน”