ยอห์น 18:20 - พระคริสตธรรมคัมภีร ภาคพันธสัญญาใหม

²⁰ พระองค์​ตอบ​ว่า “เฮา​ได้​อู้​อย่าง​เปิดเผย​กับ​กู้​คน เฮา​สอน​อยู่​ใน​ธรรมศาลา​กับ​ใน​พระวิหาร​ตลอด​ตี้​จาว​ยิว​ตึง​หมด​มา​จุมนุม​กั๋น เฮา​บ่เกย​สอน​อะหยัง​อย่าง​ลับๆ เลย

ยอห์น 18:20 ပူးပေါင်းရင်းမြစ်များ

มัทธิว 24:26

“ย้อน​จาอั้น​ถ้า​มี​ใผ​มา​บอก​ต้าน​ตังหลาย​ว่า ‘หั้น​ลอ พระคริสต์​อยู่​ตี้​ดินแดน​ทุรกั๋นดาร’ ห้าม​ออก​ไป​หา​เขา กาว่า​ถ้า​มี​คน​บอก​ว่า ‘พระคริสต์​หลบ​อยู่​นี่​ลอ’ ก็​ห้าม​เจื้อ​เน่อ

มัทธิว 26:55

พระเยซู​อู้​กับ​คน​หมู่​นั้น​ว่า “หมู่​เจ้า​หัน​เฮา​เป๋น​โจ๋ร​กา เถิง​ได้​ก๋ำ​ดาบ​ก๋ำ​ค้อน​มา​ยับ​เฮา เฮา​นั่ง​สั่ง​สอน​อยู่​ใน​พระวิหาร​กู้​วัน ต้าน​ตังหลาย​ก็​บ่มา​ยับ​เฮา

มัทธิว 26:65

มหา​ปุโรหิต​ก็​ฉีก​เสื้อผ้า​ของ​ตั๋ว​เก่า​อู้​ว่า “เขา​อู้​หมิ่น​ประมาท​พระเจ้า เฮา​บ่ต้อง​มี​พยาน​อะหยัง​แหม หัน​ก่อ ต้าน​ตังหลาย​ก็​ได้ยิน​เขา​อู้​หมิ่น​ประมาท​พระเจ้า​แล้ว”

มัทธิว 4:23

พระเยซู​เตียวตาง​ไป​ใคว่​แคว้น​กาลิลี เปื้อ​เตสนา​สั่ง​สอน​ใน​ธรรมศาลา​ของ​จาว​ยิว กับ​บอก​ข่าวดี​เรื่อง​แผ่นดิน​ของ​พระเจ้า​หื้อ​คน​ฮู้ ป๋าย​บ่ปอ​ยัง​ฮักษา​คน​เป๋น​พยาธิ​ต่างๆ หื้อ​หาย​ตวย

มัทธิว 9:35

พระเยซู​เตียว​ตาง​ไป​ใคว่​กู้​เมือง ตึง​กู้​หมู่​บ้าน แล้ว​สั่ง​สอน​ใน​ธรรมศาลา​ของ​จาว​ยิว กับ​บอก​ข่าวดี​เรื่อง​แผ่นดิน​ของ​พระเจ้า ก็​ฮักษา​พยาธิ​ตึง​ก๋าน​เจ็บป่วย​ต่างๆ หื้อ​คน​ตังหลาย​หาย​ตวย

มาระโก 8:32

พระเยซู​เล่า​เรื่อง​นี้​หื้อ​หมู่​สาวก​ฟัง​อย่าง​บ่ปิด​บัง​อะหยัง ส่วน​เปโตร​ปา​พระเยซู​ออก​จาก​หมู่ แล้ว​ว่า​หื้อ​พระองค์

ลูก๋า 21:37

กู้​วัน​พระเยซู​สั่ง​สอน​ใน​บริเวณ​พระวิหาร​ต๋อน​เมื่อวัน แล้ว​ต๋อน​เมื่อคืน​พระองค์​ย้าง​พัก​ตี้​ดอย​บ่ากอกเทศ

ลูก๋า 4:15

พระองค์​สั่ง​สอน​ใน​ธรรมศาลา​ของ​จาว​ยิว คน​ตังหลาย​ก็​ปา​กั๋น​ยกย่อง​พระองค์

ยอห์น 18:21

ต้าน​มา​ถาม​เฮา​เยียะ​หยัง ไป​ถาม​คน​หมู่​นั้น​ตี้​ได้​ยิน​กำ​อู้​ของ​เฮา​เต๊อะ หมู่​เขา​ฮู้​ดี​ว่า​เฮา​อู้​อะหยัง​ไป​พ่อง”

ยอห์น 6:59

พระเยซู​อู้​เรื่อง​นี้​ต๋อน​ตี้​สอน​ใน​ธรรมศาลา​ของ​จาว​ยิว ใน​เมือง​คาเปอรนาอุม

ยอห์น 7:14

บ่ากอง​เถิง​หละหว่าง​ก๋าง​งาน​อยู่​เพิง​ของ​จาว​ยิว พระเยซู​ก็​เข้า​ไป​ใน​บริเวณ​พระวิหาร แล้ว​ตั้ง​เก๊า​สั่ง​สอน​หมู่​คน

ยอห์น 7:26

แต่​ผ่อ​ลอ เขา​ก่ำลัง​อู้​อยู่​ใน​ตี้​สาธารณะ แต่​หมู่​ผู้​นำ​ก็​บ่มี​ใผ​ว่า​เขา​สัก​คน หมู่​ผู้​นำ​มั่นใจ๋​แล้ว​กา ว่า​เขา​เป๋น​พระคริสต์

ยอห์น 7:28

ต๋อน​ตี้​พระเยซู​สอน​อยู่​บริเวณ​พระวิหาร พระองค์​ก็​เอิ้น​หื้อ​กู้​คน​ได้​ยิน​ว่า “แม่น​แล้ว หมู่​ต้าน​ฮู้จัก​เฮา และ​ฮู้​ว่า​เฮา​ลุก​ไหน​มา เฮา​บ่ได้​มา​โดย​สิทธิ​อำนาจ​ของ​ตั๋วเก่า แต่​ผู้​ตี้​ใจ๊​เฮา​มา​นั้น​อู้​แต่​ความ​จริง​และ​หมู่​ต้าน​บ่ฮู้จัก​พระองค์

ยอห์น 7:4

ย้อน​ว่า​คน​ตี้​ใค่​มี​จื้อ​เสียง​จะ​บ่เยียะ​อะหยัง​ใน​ตี้​ลับๆ กั๋น ไหนๆ อ้าย​ก็​เยียะ​ก๋าน​อัศจ๋รรย์​หมู่​นี้​อยู่​แล้ว ก็​หื้อ​คน​ตึง​โลก​ฮู้​ไป​เลย​ก่า”

ยอห์น 8:2

ต๋อน​เจ๊ามืด​วัน​ถัด​มา พระองค์​ก็​ปิ๊ก​เข้า​ไป​ใน​พระวิหาร​แหม​เตื้อ​นึ่ง คน​ตังหลาย​ก็​มา​หา​พระองค์ แล้ว​พระองค์​ก็​นั่ง​ลง​สั่ง​สอน​คน​หมู่​นั้น

ยอห์น 8:26

แต๊ๆ เฮา​มี​หลาย​เรื่อง​ตี้​จะ​ว่า​หื้อ​หมู่​ต้าน​กับ​ตัดสิน​ลงโต้ษ​หมู่​ต้าน แต่​เฮา​จะ​อู้​ก้า​เรื่อง​ตี้​เฮา​ได้​ยิน​จาก​พระองค์​ผู้​ตี้​ใจ๊​เฮา​มา​หื้อ​คน​ใน​โลก​ฟัง ย้อน​พระองค์​อู้​ความ​จริง”

กิจก๋าน 26:26

ต้าน​กษัตริย์​อากริปปา​ก็​ฮู้​เรื่อง​หมู่​นี้​ดี​อยู่​แล้ว ข้าพเจ้า​ก็​บ่กั๋ว​ตี้​จะ​อู้​อย่าง​เปิดเผย​กับ​พระองค์ ข้าพเจ้า​แน่​ใจ๋​ว่า​พระองค์​ได้​สังเกต​หัน​ใน​สิ่ง​ตี้​ข้าพเจ้า​อู้​เกี่ยวกับ​พระเยซู ย้อน​ว่า​เรื่อง​หมู่​นี้​บ่ได้​เกิด​ขึ้น​ใน​ตี้​ลับลี้