ยอห์น 16:25 - พระคริสตธรรมคัมภีร ภาคพันธสัญญาใหม

²⁵ “เฮา​เล่า​เรื่อง​หมู่​นี้​เป๋น​กำเผียบ​หื้อ​หมู่​ต้าน​ฟัง แต่​จะ​มี​วัน​นึ่ง​ตี้​เฮา​จะ​บ่ใจ๊​กำเผียบ​แล้ว แต่​เฮา​จะ​อู้​ซื่อๆ เกี่ยว​กับ​พระบิดา

ยอห์น 16:25 ပူးပေါင်းရင်းမြစ်များ

มาระโก 4:13

แล้ว​พระเยซู​ถาม​หมู่​เขา​ว่า “หมู่​ต้าน​บ่เข้าใจ๋​กำเผียบ​นั้น​เตื้อ​กา แล้ว​จะ​เข้าใจ๋​กำเผียบ​อื่นๆ ได้​จาใด

มาระโก 4:34

นอก​จาก​กำเผียบ​แล้ว พระองค์​บ่ได้​อู้​อะหยัง​กับ​หมู่​เขา​แหม แต่​เมื่อ​คน​ตังหลาย​ปิ๊ก​ไป​แล้ว พระองค์​ก็​อธิบาย​กำเผียบ​หมู่​นั้น​หื้อ​หมู่​สาวก​ฟัง

มาระโก 8:32

พระเยซู​เล่า​เรื่อง​นี้​หื้อ​หมู่​สาวก​ฟัง​อย่าง​บ่ปิด​บัง​อะหยัง ส่วน​เปโตร​ปา​พระเยซู​ออก​จาก​หมู่ แล้ว​ว่า​หื้อ​พระองค์

ยอห์น 10:24

หมู่​จาว​ยิว​ก็​เข้า​มา​แวด​พระองค์​แล้ว​ก็​ถาม​พระองค์​ว่า “ต้าน​จะ​หื้อ​เฮา​สงสัย​ว่า​ต้าน​เป๋น​ใผ​ไป​แหม​เมิน​เต้าใด ถ้า​ต้าน​เป๋น​พระคริสต์​แต๊​ก็​หื้อ​บอก​เฮา​มา​ซื่อๆ เลย”

ยอห์น 10:6

พระเยซู​อู้​เรื่อง​กำเผียบ​นี้​หื้อ​หมู่​เขา​ฟัง แต่​หมู่​เขา​ก็​บ่เข้าใจ๋​ว่า​พระองค์​หมายเถิง​อะหยัง

ยอห์น 16:12

“เฮา​มี​แหม​หลาย​เรื่อง​ตี้​จะ​บอก​กับ​หมู่​ต้าน แต่​ถ้า​อู้​กับ​หมู่​ต้าน​บ่าเดี่ยวนี้​ก็​ยาก​ตี้​หมู่​ต้าน​จะ​ฮับ​ได้

ยอห์น 16:2

เขา​จะ​ไล่​หมู่​ต้าน​ออก​จาก​สมาชิก​ธรรมศาลา​ของ​จาว​ยิว แล้ว​จะ​มี​วัน​นึ่ง​ตี้​กู้​คน​ตี้​ฆ่า​หมู่​ต้าน​จะ​กึ๊ด​ว่า ตี้​เยียะ​จาอั้น​เป๋น​ก๋าน​ฮับใจ๊​พระเจ้า

ยอห์น 16:32

ผ่อ​ลอ จะ​มี​วัน​นึ่ง​ตี้​จะ​มา​เถิง และ​แต๊ๆ บ่าเดี่ยว​นี้​ก็​เถิง​แล้ว ตี้​หมู่​ต้าน​จะ​แตก​ขะแล​ขะแจ​หนี​ไป​บ้าน​ใผ​บ้าน​มัน แล้ว​จะ​ละ​เฮา​ไว้​หื้อ​อยู่​คน​เดียว แต่​เฮา​บ่ได้​อยู่​คน​เดียว ย้อน​พระบิดา​อยู่​กับ​เฮา

2 โครินธ์ 4:2

แล้ว​เฮา​ก็​บ่ได้​ใจ๊​วิธี​ตี้​ลับๆ ซ่อนๆ ตี้​น่า​ละอาย​กู้​อย่าง เฮา​บ่ใจ๊​วิธี​จุล่าย กับ​บ่ได้​บิดเบือน​ถ้อยกำ​ของ​พระเจ้า​ไป แต่​เฮา​บอก​ความ​จริง เฮา​เยียะ​จาอี้​ต่อหน้า​พระเจ้า เปื้อ​ยืนยัน​ใน​จิต​สำนึก​ของ​กู้​คน​หื้อ​ฮู้​ว่า เฮา​เป๋น​คน​จาใด