ยอห์น 14:23 - พระคริสตธรรมคัมภีร ภาคพันธสัญญาใหม

²³ พระเยซู​ตอบ​ว่า “ถ้า​ใผ​ฮัก​เฮา เขา​ก็​จะ​เยียะ​ต๋าม​กำ​สั่ง​สอน​ของ​เฮา พระบิดา​ของ​เฮา​ก็​จะ​ฮัก​เขา และ​พระบิดา​กับ​เฮา​ก็​จะ​มา​หา​เขา แล้ว​ก็​จะ​อยู่​กับ​เขา

ยอห์น 14:23 ပူးပေါင်းရင်းမြစ်များ

ยอห์น 10:30

เฮา​กับ​พระบิดา​ก็​เป๋น​อัน​นึ่ง​อัน​เดียว​กั๋น”

ยอห์น 14:15

“ถ้า​หมู่​ต้าน​ฮัก​เฮา หมู่​ต้าน​ก็​จะ​เยียะ​ต๋าม​กำสั่ง​ของ​เฮา

ยอห์น 14:17

ผู้จ้วย​พระองค์​นี้​ก็​คือ​พระวิญญาณ​ตี้​เปิดเผย​ความ​จริง โลก​นี้​ยอมฮับ​พระองค์​บ่ได้​ย้อน​ผ่อ​บ่หัน​กับ​บ่ฮู้จัก​พระองค์ แต่​หมู่​ต้าน​ฮู้จัก​พระองค์​แล้ว ย้อน​ว่า​บ่าเดี่ยว​นี้​พระองค์​ก็​อยู่​กับ​หมู่​ต้าน กับ​จะ​อยู่​ใน​ตั๋ว​หมู่​ต้าน​หลังจาก​นี้​ตวย

ยอห์น 14:21

คน​ตี้​ยอมฮับ​กำ​สั่ง​ของ​เฮา​กับ​เยียะ​ต๋าม​นั้น​ก็​เป๋น​คน​ตี้​ฮัก​เฮา แล้ว​พระบิดา​ของ​เฮา​ก็​จะ​ฮัก​เขา กับ​เฮา​ก็​จะ​ฮัก​เขา​ตวย กับ​จะ​เปิดเผย​เรื่อง​ของ​เฮา​หื้อ​เขา​ฮู้”

ยอห์น 14:24

คน​ไหน​บ่ฮัก​เฮา เขา​ก็​จะ​บ่เยียะ​ต๋าม​กำ​สั่ง​สอน​ของ​เฮา กำ​สั่ง​สอน​ตี้​หมู่​ต้าน​ได้​ยิน​บ่ใจ้​เป๋น​กำ​สั่ง​สอน​ของ​เฮา แต่​เป๋น​ของ​พระบิดา​ผู้​ตี้​ใจ๊​เฮา​มา

ยอห์น 15:10

ถ้า​หมู่​ต้าน​เยียะ​ต๋าม​กำสั่ง​ของ​เฮา หมู่​ต้าน​ก็​อยู่​ใน​ความ​ฮัก​ของ​เฮา เหมือน​กับ​ตี้​เฮา​เยียะ​ต๋าม​กำสั่ง​ของ​พระบิดา และ​อยู่​ใน​ความ​ฮัก​ของ​พระองค์

ยอห์น 16:27

พระบิดา​ฮัก​หมู่​ต้าน​ย้อน​ว่า​หมู่​ต้าน​ฮัก​เฮา​และ​เจื้อ​ว่า​เฮา​มา​จาก​พระบิดา

ยอห์น 6:56

ใผ​ตี้​กิ๋น​เนื้อหนัง​และ​กิ๋น​เลือด​ของ​เฮา คน​นั้น​ก็​อยู่​กับ​เฮา และ​เฮา​ก็​อยู่​กับ​เขา​ตวย

ยอห์น 8:51

เฮา​บอก​ความ​จริง​แก่​ต้าน​ตังหลาย​ว่า ถ้า​ใผ​คน​ใด​เยียะ​ต๋าม​กำ​สั่ง​สอน​ของ​เฮา คน​นั้น​ก็​จะ​บ่มี​วัน​ต๋าย”

ยอห์น 8:52

หมู่​จาว​ยิว​ก็​อู้​กับ​พระองค์​ว่า “ต๋อน​นี้​เฮา​ฮู้​แล้ว​ว่า​ต้าน​โดน​ผี​ฮ้าย​เข้า​แน่ๆ ย้อน​อับราฮัม​กับ​ผู้​เป๋น​ปาก​เป๋น​เสียง​แตน​พระเจ้า​ก็​ต๋าย​กั๋น​ไป​แล้ว แต่​ต้าน​อู้​ว่า ‘ใผ​คน​ใด​ตี้​เยียะ​ต๋าม​กำ​สั่ง​สอน​ของ​เฮา​ก็​จะ​บ่มี​วัน​ต๋าย’

2 โครินธ์ 6:16

กาว่า​พระวิหาร​ของ​พระเจ้า​จะ​มี​ฮูป​เคารพ​ตั้ง​อยู่​ตวย​ได้​จาใด ย้อน​เฮา​เป๋น​เหมือน​พระวิหาร​ของ​พระเจ้า​ผู้​มี​จีวิต​อยู่ อย่าง​ตี้​พระเจ้า​ได้​อู้​ไว้​ว่า “เฮา​จะ​อยู่​กับ​หมู่​เขา กับ​จะ​เตียว​อยู่​กับ​หมู่​เขา เฮา​จะ​เป๋น​พระเจ้า​ของ​หมู่​เขา กับ​เขา​ก็​จะ​เป๋น​คน​ของ​เฮา”

เอเฟซัส 3:17

ขอ​หื้อ​พระคริสต์​อยู่​ใน​ใจ๋​ของ​หมู่​ต้าน​โดย​ตาง​ความ​เจื้อ​ของ​หมู่​ต้าน ขอ​หื้อ​ต้าน​มั่นคง​อยู่​ใน​ความ​ฮัก

1 ยอห์น 2:24

ขอ​หื้อ​หมู่​ต้าน​เก็บ​ฮักษา​กำ​สั่ง​สอน​ตี้​ต้าน​ได้ยิน​มา​ตั้งแต่​เก๊า ย้อน​ว่า​ถ้า​ต้าน​ฮักษา​กำ​สั่ง​สอน​นี้​ไว้ ต้าน​ก็​จะ​ติดสนิท​กับ​พระบุตร​ตึง​พระบิดา​ตลอด​ไป

1 ยอห์น 2:5

แต่​คน​ตี้​เยียะ​ต๋าม​ถ้อยกำ​ของ​พระเจ้า​นั้น ความ​ฮัก​ของ​พระองค์​ก็​สมบูรณ์​ใน​คน​นั้น​อย่าง​แต๊​จริง สิ่ง​นี้​เยียะ​หื้อ​เฮา​แน่ใจ๋​ว่า​เฮา​มี​ความ​สัมพันธ์​กับ​พระองค์

1 ยอห์น 4:4

ลูกๆ เหย หมู่​ต้าน​เป๋น​ของ​พระเจ้า จึง​มี​ชัย​เหนือ​คน​หมู่​นั้น​เน่อ ย้อน​ว่า​พระวิญญาณ​ตี้​อยู่​ใน​หมู่​ต้าน​ยิ่งใหญ่​เหลือ​วิญญาณ​ตี้​อยู่​ใน​คน​ของ​โลก​นี้

1 ยอห์น 5:3

ความหมาย​ของ​ก๋าน​ฮัก​พระเจ้า คือ​เฮา​จะ​เยียะ​ต๋าม​กำสั่ง​ของ​พระองค์ กับ​กำสั่ง​ของ​พระองค์​ก็​บ่ยาก

2 ยอห์น 1:6

ความ​ฮัก​นี้​ตี้​ข้าพเจ้า​อู้​มา​หมายเถิง​ก๋าน​เยียะ​ต๋าม​กำสั่ง​ของ​พระเจ้า กำสั่ง​นี้​คือ​หื้อ​ฮัก​กั๋น​และ​กั๋น​เหมือน​กับ​ตี้​หมู่​ต้าน​เกย​ได้ยิน​มา​แล้ว​ตั้งแต่​เก๊า

วิวรณ์ 21:22

ข้าพเจ้า​บ่หัน​พระวิหาร​ใน​เมือง​นั้น​เลย ย้อน​องค์​พระผู้เป๋นเจ้า​ผู้​มี​ฤทธิ์​อำนาจ​สูงสุด​กับ​ลูก​แกะ​ตั๋ว​นั้น​ก็​คือ​พระวิหาร​นั้น​เอง

วิวรณ์ 21:3

ข้าพเจ้า​ได้ยิน​เสียง​ดัง​จาก​บัลลังก์​อู้​ว่า “ผ่อ​เต๊อะ ตี้​อยู่​ของ​พระเจ้า​ก็​อยู่​กับ​มนุษย์​แล้ว พระองค์​จะ​อยู่​กับ​หมู่​เขา หมู่​เขา​จะ​เป๋น​คน​ของ​พระองค์ พระเจ้า​เอง​ก็​จะ​อยู่​กับ​หมู่​เขา เป๋น​พระเจ้า​ของ​หมู่​เขา

วิวรณ์ 22:3

ใน​เมือง​บ่มี​สิ่ง​ใด​ตี้​พระเจ้า​สาป​แจ้ง​เลย บัลลังก์​ของ​พระเจ้า​กับ​ของ​ลูก​แกะ​ตั๋ว​นั้น​จะ​อยู่​ใน​เมือง​นี้ กับ​หมู่​ผู้​ฮับใจ๊​ของ​พระองค์​จะ​กราบ​ไหว้​พระองค์