ยอห์น 12:27 - พระคริสตธรรมคัมภีร ภาคพันธสัญญาใหม

²⁷ “บ่าเดี่ยว​นี้​เฮา​ตุ๊ก​อก​ตุ๊ก​ใจ๋​ขนาด จะ​อู้​จาใด​ดี จะ​หื้อ​เฮา​อู้​ว่า ‘พระบิดา​เจ้าข้า ขอ​โผด​จ้วย​ข้า​พระองค์​หื้อ​ป๊น​เวลา​แห่ง​ความ​ตุ๊กยาก​นี้​ตวย​เต๊อะ’ จาอั้น​กา บ่ใจ้ ตี้​เฮา​มา​ใน​โลก​ก็​เปื้อ​เวลา​แห่ง​ความ​ตุ๊กยาก​นี้

ยอห์น 12:27 ပူးပေါင်းရင်းမြစ်များ

มัทธิว 11:25

แล้ว​พระเยซู​ก็​อู้​ว่า “ข้า​แต่​พระบิดา ผู้​เป๋น​เจ้า​ของ​ฟ้า​สวรรค์​กับ​แผ่นดิน​โลก ข้า​พระองค์​ขอ​สรรเสริญ​พระองค์ ย้อน​ว่า​พระองค์​ได้​ปิดบัง​เรื่อง​ต่างๆ หมู่​นี้ บ่หื้อ​ผู้​มี​ผญา​ปั๋ญญา ผู้​มี​ก๋าน​ศึกษา​ได้​ฮู้ แต่​ได้​เปิด​เผย​หื้อ​กับ​หมู่​คน​ตี้​ถ่อมใจ๋​เป๋น​เหมือน​หละอ่อน​หน้อยๆ

มัทธิว 11:26

ข้า​แต่​พระบิดา​เจ้า แม่น​แล้ว พระองค์​ปอใจ๋​ตี้​จะ​เยียะ​จาอั้น”

มัทธิว 26:42

พระองค์​ปิ๊ก​ไป​อธิษฐาน​แหม​เป๋น​เตื้อ​ตี้​สอง​ว่า “ข้า​แต่​พระบิดา ถ้า​ถ้วย​แห่ง​ความ​ตุ๊กยาก​นี้​ป๊น​ไป​บ่ได้ จ๋ำเป๋น​ต้อง​กิ๋น​แต๊ๆ ก็​ขอ​หื้อ​เป๋น​ไป​ต๋าม​ความ​ต้องก๋าน​ของ​พระองค์​เต๊อะ”

มัทธิว 26:45

จาก​นั้น​พระองค์​มา​หา​หมู่​สาวก อู้​ว่า “ยัง​หลับ​หื้อ​หาย​อิด​อยู่​แหม​กา ใก้​จะ​เถิง​เวลา​ตี้​บุตรมนุษย์​จะ​ถูก​หักหลัง​ยก​หื้อ​หมู่​คน​บาป​แล้ว

ลูก๋า 22:44

เมื่อ​พระองค์​เป๋น​ตุ๊ก​หนัก ก็​ยิ่ง​ตั้งใจ๋​อธิษฐาน​นัก​ขึ้น จ๋น​เหื่อ​ไหล​เป๋น​เหมือน​เลือด​ออก หยด​ลง​ดิน​เป๋น​เม็ด​ใหญ่

ลูก๋า 22:53

เฮา​อยู่​ตวย​ต้าน​ตังหลาย​กู้​วัน​ใน​พระวิหาร ต้าน​ตังหลาย​ก็​บ่มา​ยับ​เฮา แต่​บ่าเดี่ยว​นี้​เป๋น​เวลา​ของ​หมู่​ต้าน​แล้ว​เน่อ เป๋น​เวลา​ของ​อำนาจ​แห่ง​ความ​มืด”

ยอห์น 11:41

หมู่​เขา​ก็​เลย​กิ้ง​บ่าหิน​ออก แล้ว​พระเยซู​ก็​แหงน​หน้า​ขึ้น​อธิษฐาน​ว่า “ข้า​แต่​พระบิดา ข้า​พระองค์​ขอบคุณ​พระองค์​ตี้​พระองค์​ฟัง​ข้า​พระองค์

ยอห์น 12:23

พระเยซู​ก็​อู้​ว่า “เถิง​เวลา​แล้ว​ตี้​พระเจ้า​จะ​เยียะ​หื้อ​หัน​เถิง​ความ​ยิ่งใหญ่​ของ​บุตรมนุษย์

ยอห์น 13:21

บ่ากอง​พระเยซู​อู้​จาอั้น​แล้ว พระองค์​ก็​ตุ๊ก​อก​ตุ๊ก​ใจ๋​ขนาด แล้ว​ก็​อู้​ออก​มา​อย่าง​เปิดเผย​ว่า “เฮา​บอก​ความ​จริง​แก่​ต้าน​ตังหลาย​ว่า คน​นึ่ง​ใน​หมู่​ต้าน​จะ​หักหลัง​เฮา”

ยอห์น 18:37

ปีลาต​เลย​บอก​พระองค์​ว่า “ถ้า​จาอั้น ต้าน​ก็​เป๋น​กษัตริย์​หนะ​ก่า” พระเยซู​ก็​บอก​ว่า “ต้าน​อู้​ว่า​เฮา​เป๋น​กษัตริย์​ก็​แม่น​แล้ว จาอั้น เฮา​เลย​มา​เกิด​ใน​โลก​นี้​เปื้อ​เป๋น​พยาน​หื้อ​กับ​ความ​จริง กับ​กู้ๆ คน​ตี้​ฮัก​ความ​จริง​ก็​ฟัง​เสียง​ของ​เฮา”

1 ทิโมธี 1:15

กำ​อู้​นี้​เจื้อถือ​ได้​ตี้​กู้​คน​สมควร​ฮับ​ไว้​อย่าง​เต๋มตี้​คือ พระเยซู​คริสต์​ได้​เข้า​มา​ใน​โลก เปื้อ​จ้วย​คน​บาป​หื้อ​รอด​ป๊น​บาป​โต้ษ เซิ่ง​ข้าพเจ้า​เป๋น​คน​บาป​ตี้​แย่​ตี้​สุด​ใน​หมู่​คน​บาป​ตังหลาย

ฮีบรู 2:14

ย้อน​หมู่​ลูก​ตังหลาย​เป๋น​คน​มี​เลือด​มี​เนื้อ​จาใด พระเยซู​ก็​ได้​มา​เป๋น​คน​จาอั้น​ตวย เปื้อ​ก๋าน​ต๋าย​ของ​พระองค์​จะ​เยียะ​หื้อ​มาร​ตี้​มี​อำนาจ​แห่ง​ความ​ต๋าย​หมด​อำนาจ​ไป

ฮีบรู 5:7

ต๋อน​ตี้​พระเยซู​มี​จีวิต​อยู่​ใน​โลก​นี้ พระองค์​ได้​อธิษฐาน​กับ​อ้อนวอน​ด้วย​เสียง​อัน​ดัง​กับ​น้ำต๋า​ไหล​เถิง​พระเจ้า ผู้​ตี้​สามารถ​จ้วย​พระองค์​หื้อ​ป๊น​จาก​ความ​ต๋าย แล้ว​พระเจ้า​ก็​ฟัง​ย้อน​พระเยซู​ยำเก๋ง​พระองค์