ยอห์น 10:10 - พระคริสตธรรมคัมภีร ภาคพันธสัญญาใหม

¹⁰ คน​ขี้ลัก​นั้น​ก็​มา​เปื้อ​ลัก ฆ่า กับ​ทำลาย​เต้าอั้น แต่​เฮา​มา​เปื้อ​คน​ตี้​เป๋น​แกะ​ของ​เฮา​จะ​มี​จีวิต เซิ่ง​บ่ขาด​อะหยัง​เลย

ยอห์น 10:10 ပူးပေါင်းရင်းမြစ်များ

มัทธิว 18:10

“หละวัง​หื้อ​ดี ห้าม​ดูถูก​ดู​แควน​คน​ตี้​ต่ำต้อย​หมู่​นี้​แม้​แต่​คน​เดียว เฮา​ขอ​บอก​หื้อ​ต้าน​ตังหลาย​ฮู้​ว่า ทูตสวรรค์​ประจ๋ำ​ตั๋ว​ของ​หมู่​เขา​เข้า​เฝ้า​พระบิดา​ของ​เฮา​ตี้​ใน​สวรรค์​ตลอด

มัทธิว 20:28

เหมือน​เดียว​กั๋น​กับ​บุตรมนุษย์​ตี้​บ่ได้​มา​เปื้อ​หื้อ​คน​อื่น​ฮับใจ๊ แต่​มา​เปื้อ​ฮับใจ๊​คน​อื่น แล้ว​ก็​สละ​จีวิต​ของ​ต้าน​เปื้อ​เป๋น​ก้า​ไถ่​คน​จ๋ำนวน​นัก​หื้อ​รอด​ป๊น​บาป​โต้ษ”

มัทธิว 21:13

พระองค์​อู้​กับ​คน​หมู่​นั้น​ว่า “มี​กำ​เขียน​ไว้​ใน​พระคัมภีร์​ว่า ‘พระวิหาร​ของ​เฮา​จะ​ฮ้อง​ว่า​เป๋น​ตี้​สำหรับ​อธิษฐาน’ แต่​หมู่​เจ้า​มา​เยียะ​หื้อ​ก๋าย​เป๋น​ถ้ำ​ของ​โจ๋ร​เหีย”

มัทธิว 23:13

“ความ​ฉิบหาย​ก็​จะ​เกิด​กับ​หมู่​ธรรมาจ๋ารย์​กับ​หมู่​ฟาริสี ย้อน​ว่า​หมู่​เจ้า​เป๋น​คน​หน้า​ซื่อ​ใจ๋​ก๊ด หมู่​เจ้า​ได้​กีด​กั๋น​คน​อื่น​บ่หื้อ​ไป​แผว​แผ่นดิน​สวรรค์ เซิ่ง​หมู่​เจ้า​ก็​บ่ยอม​เข้า​ไป เมื่อ​คน​อื่น​ฮิ​จะ​เข้า​ไป หมู่​เจ้า​เอง​ก็​ขวาง​ไว้​เหีย​

มาระโก 11:17

พระองค์​สอน​หมู่​เขา​ว่า “มี​ถ้อยกำ​ของ​พระเจ้า​เขียน​ไว้​ใน​พระคัมภีร์​บ่ใจ้​กา ว่า ‘พระวิหาร​ของ​เฮา​จะ​ฮ้อง​ว่า​เป๋น​ตี้​สำหรับ​อธิษฐาน​ของ​คน​กู้​จ้าด​กู้​ภาษา แต่​หมู่​เจ้า​มา​เยียะ​หื้อ​ก๋าย​เป๋น​ถ้ำ​ของ​โจ๋ร​เหีย’ ”

ลูก๋า 19:10

ย้อน​ว่า​บุตรมนุษย์​มา​เปื้อ​จะ​เซาะ​หา​แล้ว​จ้วย​คน​ตี้​หลง​หาย​หื้อ​รอด​ป๊น​บาป​โต้ษ”

ยอห์น 10:1

พระเยซู​อู้​ว่า “เฮา​จะ​บอก​ความ​จริง​แก่​ต้าน​ตังหลาย​ว่า คน​ตี้​บ่ได้​เข้า​คอก​แกะ​ตาง​ปะตู๋ แต่​ลัก​เข้า​ไป​ตาง​อื่น ก็​เป๋น​คน​ขี้ลัก​กับ​เป๋น​โจ๋ร

ยอห์น 10:11

“เฮา​เป๋น​คน​เลี้ยง​แกะ​ตี้​ดี คน​เลี้ยง​แกะ​ตี้​ดี​นั้น​ก็​ยอม​สละ​จีวิต​ตั๋ว​เก่า​เปื้อ​แกะ​ของ​เขา

ยอห์น 12:47

“คน​ตี้​ได้ยิน​กำสอน​ของ​เฮา​แล้ว​บ่เจื้อ​ฟัง เฮา​บ่ตัดสิน​ลงโต้ษ​เขา ย้อน​ว่า​เฮา​บ่ได้​มา​เปื้อ​ตัดสิน​ลงโต้ษ​โลก​นี้ แต่​เฮา​มา​เปื้อ​จ้วย​โลก​นี้​หื้อ​รอด​ป๊น​บาป​โต้ษ

ยอห์น 12:6

ตี้​ยูดาส​อู้​จาอี้​บ่ใจ้​ว่า​เขา​เป๋น​ห่วง​คน​ตุ๊ก แต่​ย้อน​ว่า​เขา​เป๋น​คน​ขี้ลัก ซอบ​ลัก​สตางค์​ใน​ถง​สตางค์​ส่วน​รวม​ตี้​เขา​เป๋น​คน​ผ่อ

ยอห์น 3:17

ย้อน​ว่า​พระเจ้า​บ่ได้​ส่ง​พระบุตร​เข้า​มา​ใน​โลก​นี้ เปื้อ​ตัดสิน​ลงโต้ษ​คน​ใน​โลก แต่​มา​เปื้อ​จ้วย​หื้อ​รอด​ป๊น​บาป​โต้ษ

ยอห์น 5:40

แต่​หมู่​ต้าน​ก็​บ่ยอม​มา​หา​เฮา​เปื้อ​ฮับ​จีวิต​นิรันดร์

ยอห์น 6:33

ย้อน​ว่า​ของกิ๋น​ตี้​พระเจ้า​หื้อ​นั้น​ก็​คือ​ผู้​ตี้​ลง​มา​จาก​สวรรค์ แล้ว​หื้อ​จีวิต​กับ​โลก​นี้”

ยอห์น 6:51

เฮา​เป๋น​ของกิ๋น​ตี้​หื้อ​จีวิต​เซิ่ง​ลง​มา​จาก​สวรรค์ ถ้า​ใผ​คน​ใด​กิ๋น​ของกิ๋น​นี้ เขา​จะ​มี​จีวิต​นิรันดร์ ของกิ๋น​นี้​ก็​คือ​เนื้อหนัง​ของ​เฮา ตี้​เฮา​จะ​หื้อ​คน​ใน​โลก​เปื้อ​มี​จีวิต​นิรันดร์​ได้”

โรม 2:21

ถ้า​จาอั้น​เมื่อ​ต้าน​เป๋น​ครู​สอน​คน​อื่น​ได้ เยียะ​หยัง​บ่สอน​ตั๋ว​เก่า​พ่อง ต๋อน​ตี้​ต้าน​เตสนา​ว่า “ห้าม​เป๋น​คน​ขี้​ลัก​ขี้​จก” แต่​ตั๋ว​ต้าน​ลัก​ก่อ

1 ทิโมธี 1:15

กำ​อู้​นี้​เจื้อถือ​ได้​ตี้​กู้​คน​สมควร​ฮับ​ไว้​อย่าง​เต๋มตี้​คือ พระเยซู​คริสต์​ได้​เข้า​มา​ใน​โลก เปื้อ​จ้วย​คน​บาป​หื้อ​รอด​ป๊น​บาป​โต้ษ เซิ่ง​ข้าพเจ้า​เป๋น​คน​บาป​ตี้​แย่​ตี้​สุด​ใน​หมู่​คน​บาป​ตังหลาย

ฮีบรู 6:17

พระเจ้า​ก็​ได้​ยืนยัน​พระสัญญา​ของ​พระองค์​โดย​กำ​สาบาน​เหมือน​กั๋น เปื้อ​เยียะ​หื้อ​คน​ตี้​จะ​ฮับ​สิ่ง​ตี้​สัญญา​ไว้​ฮู้​อย่าง​แน่นอน​ว่า พระเจ้า​จะ​บ่มี​วัน​เปี่ยนใจ๋​จาก​สิ่ง​ตี้​พระองค์​ตัดสินใจ๋​จะ​เยียะ

ฮีบรู 7:25

พระเยซู​จึง​สามารถ​จ้วย​จีวิต​หมู่​คน​ตี้​มา​หา​พระเจ้า​โดย​ตาง​พระองค์​อย่าง​สมบูรณ์ ย้อน​พระเยซู​ยัง​มี​จีวิต​อยู่​ตลอด​เปื้อ​อ้อนวอน​พระเจ้า​เผื่อ​หมู่​เขา

2 เปโตร 1:11

กับ​หมู่​ต้าน​ก็​จะ​มี​สิทธิ์​เต๋ม​ตี้​ตี้​จะ​เข้า​ไป​ใน​แผ่นดิน​นิรันดร์​ของ​พระเยซู​คริสต์​องค์​พระ​ผู้​เป๋น​เจ้า ผู้​ตี้​เป๋น​พระ​ผู้​จ้วย​หื้อ​รอด​ป๊น​บาป​โต้ษ​ของ​เฮา