ยากอบ 5:14 - พระคริสตธรรมคัมภีร ภาคพันธสัญญาใหม

¹⁴ มี​ใผ​พ่อง​ใน​หมู่​ต้าน​ตี้​เจ็บป่วย ก็​หื้อ​เขา​เจิญ​ผู้ปกครอง​ของ​คริสตจักร​มา​อธิษฐาน​เผื่อ​เขา กับ​ใจ๊​น้ำมัน​บ่ากอก​เทศ​เจิม​เขา​ใน​นาม​ของ​องค์​พระ​ผู้​เป๋น​เจ้า

ยากอบ 5:14 ပူးပေါင်းရင်းမြစ်များ

มาระโก 16:18

เขา​จะ​หยุบ​งู​ปิ๊ด​ได้ ถ้า​กิ๋น​ของ​มี​ปิ๊ด​ก็​จะ​บ่เป๋น​อันตราย​ต่อ​เขา เขา​จะ​เอา​มือ​วาง​บน​ตั๋ว​คน​ป่วย คน​หมู่​นั้น​ก็​จะ​หาย​ป่วย”

มาระโก 6:13

หมู่​เขา​ขับ​ไล่​ผี​ออก​ไป​หลาย​ตั๋ว กับ​ตา​น้ำมัน​บ่ากอก​หื้อ​คน​เจ็บ​ป่วย​หลาย​คน คน​หมู่​นั้น​ก็​หาย

กิจก๋าน 11:30

หมู่​เขา​ก็​เยียะ​จาอั้น คือ​เก็บ​ฮอม​เงิน​คำ แล้ว​มอบ​หื้อ​บารนาบัส​กับ​เซาโล​เอา​ไป​หื้อ​ผู้ปกครอง​ของ​คริสตจักร​ใน​กรุง​เยรูซาเล็ม

กิจก๋าน 14:23

เปาโล​กับ​บารนาบัส​แต่งตั้ง​ผู้ปกครอง​ใน​แต่​ละ​คริสตจักร ต้าน​ตึง​สอง​อธิษฐาน​กับ​ถือ​ศีล​อด​อาหาร แล้ว​มอบ​ผู้ปกครอง​หมู่​นั้น​ไว้​กับ​องค์​พระ​ผู้​เป๋น​เจ้า​ผู้​ตี้​หมู่​เขา​เจื้อ​วางใจ๋​นั้น

กิจก๋าน 15:4

เมื่อ​เตียวตาง​มา​แผว​กรุง​เยรูซาเล็ม​แล้ว หมู่​อัครทูต​กับ​หมู่​ผู้ปกครอง​กับ​คน​ใน​คริสตจักร​ก็​ปา​กั๋น​มา​ต้อนฮับ แล้ว​หมู่​เขา​ตี้​เตียวตาง​มา​ก็​เล่า​เรื่อง​กู้​สิ่ง​ตี้​พระเจ้า​เยียะ​ผ่าน​ตาง​หมู่​เขา

กิจก๋าน 28:8

ป้อ​ของ​ปูบลิอัส​บ่สบาย​นอน​อยู่​บน​เตียง เขา​เมื่อย​กับ​เป๋น​โรคบิด เปาโล​จึง​เข้า​ไป​หา​ต้าน แล้ว​ฮักษา​โดย​ก๋าน​อธิษฐาน​วาง​มือ​บน​ตั๋ว​ของ​ต้าน ต้าน​ก็​หาย​เป๋น​ปกติ

กิจก๋าน 9:40

เปโตร​จึง​ขอ​หื้อ​หมู่​เขา​ออก​ไป​ตัง​นอก ต้าน​ก็​คุก​เข่า​อธิษฐาน แล้ว​บิ่น​หน้า​มา​ตัง​ศพ​อู้​ว่า “ทาบิธา​ลุก​ขึ้น​เต๊อะ” นาง​ก็​มืน​ต๋า​ขึ้น เมื่อ​หัน​เปโตร นาง​ก็​ลุก​ขึ้น​นั่ง

ทิตัส 1:5

ตี้​ข้าพเจ้า​ละ​ต้าน​ไว้​ตี้​เกาะ​ครีต​นั้น ก็​เปื้อ​หื้อ​ต้าน​เยียะ​ก๋าน​ตี้​ยัง​บ่แล้ว​หื้อ​แล้ว​เหีย กับ​หื้อ​ตั้ง​ผู้ปกครอง​ใน​เมือง​ต่างๆ ตี้​มี​คริสตจักร ต๋าม​ตี้​ข้าพเจ้า​สั่ง​ย้ำ​ต้าน​ไว้​แล้ว