ยากอบ 2:23 - พระคริสตธรรมคัมภีร ภาคพันธสัญญาใหม

²³ ก็​เป๋น​ไป​ต๋าม​ตี้​พระคัมภีร์​มี​เขียน​ไว้​ว่า “อับราฮัม​เจื้อ​พระเจ้า แล้ว​ย้อน​ความ​เจื้อ​ของ​ต้าน ก็​เยียะ​หื้อ​พระเจ้า​ยอมฮับ​ว่า​ต้าน​เป๋น​คน​ถูกต้อง​ต๋าม​ธรรม” ย้อน​จาอี้ อับราฮัม​จึง​ได้​จื้อ​ว่า​เป๋น​เปื้อน​ของ​พระเจ้า

ยากอบ 2:23 ပူးပေါင်းရင်းမြစ်များ

มาระโก 12:10

ต้าน​ตังหลาย​บ่เกย​อ่าน​พระคัมภีร์​ข้อ​นี้​กา ตี้​ว่า ‘ศิลา​ตี้​สล่า​แป๋ง​เฮือน​เอา​ขว้าง​ไป​แล้ว​นั้น ป๋ากฏ​ว่า​เป๋น​ศิลามุมเอก

มาระโก 15:27

หมู่​เขา​เอา​โจ๋ร​สอง​คน​เขิง​บน​ไม้​ก๋าง​เขน​พร้อม​พระองค์ ตัง​ขวา​คน​นึ่ง​ตัง​ซ้าย​คน​นึ่ง

ลูก๋า 4:21

พระองค์​อู้​ว่า “วัน​นี้​พระคัมภีร์​ต๋อน​นี้​ตี้​ต้าน​ได้ยิน​ก็​เป๋น​แต๊​แล้ว”

กิจก๋าน 1:16

“ปี้น้อง​ตังหลาย ข้อ​พระคัมภีร์​ตี้​พระวิญญาณ​บริสุทธิ์​ใจ๊​กับ​กษัตริย์​ดาวิด​อู้​ไว้​เมื่อ​ตะก่อน​นั้น เกี่ยวกับ​เรื่อง​ยูดาส​ปา​ทหาร​ไป​ยับ​พระเยซู ก็​จ๋ำเป๋น​ต้อง​เป๋น​ไป​ต๋าม​นั้น

โรม 11:2

พระเจ้า​บ่ได้​ละขว้าง​คน​ตี้​พระองค์​เลือก​ไว้​แล้ว​ตั้งแต่​เมื่อ​เก๊าหัวที ต้าน​จ๋ำ​พระคัมภีร์​ตี้​มี​เขียน​ไว้​เกี่ยว​กับ​เอลียาห์​ได้​ก่อ ต๋อน​ตี้​เขา​นาบโต้ษ​จาว​อิสราเอล​ต่อ​พระเจ้า​ว่า

โรม 9:17

ย้อน​พระคัมภีร์​มี​เขียน​เกี่ยวกับ​ฟาโรห์​ว่า “ตี้​เฮา​ตั้ง​หื้อ​เจ้า​เป๋น​กษัตริย์​มี​อำนาจ​นั้น ก็​เปื้อ​ว่า​เฮา​จะ​สำแดง​อำนาจ​ของ​เฮา​ผ่าน​ตาง​ตั๋ว​เจ้า กับ​เปื้อ​หื้อ​จื้อ​ของ​เฮา​เป๋น​ตี้​ฮู้จัก​กั๋น​ใคว่​ตึง​โลก”

กาลาเทีย 3:22

พระคัมภีร์​บอก​ว่า คน​ตังหลาย​ถูก​บาป​กักขัง​ไว้ ตี้​เป๋น​จาอี้​ก็​เปื้อ​ว่า​คน​ตี้​เจื้อ​จะ​ได้​ฮับ​พระสัญญา​ต๋าม​ความ​เจื้อ​ตี้​เขา​มี​ใน​พระเยซู​คริสต์

กาลาเทีย 3:6

หื้อ​ผ่อ​อับราฮัม​เต๊อะ พระคัมภีร์​มี​เขียน​ไว้​ว่า “ต้าน​ได้​เจื้อ​วางใจ๋​ใน​พระเจ้า พระเจ้า​จึง​ยอมฮับ​ต้าน​ว่า​เป๋น​คน​ถูกต้อง​ต๋าม​ธรรม”

2 ทิโมธี 3:16

พระคัมภีร์​กู้​ต๋อน​พระเจ้า​ดลใจ๋​หื้อ​เขียน เปื้อ​เป๋น​ประโยชน์​ใน​ก๋าน​สอน​ความ​จริง ก๋าน​ตักเตื๋อน​คน​หื้อ​หัน​เถิง​ความ​ผิด ก๋าน​แก้ไข​ข้อ​บกพร่อง​หื้อ​คน​ดี​ขึ้น กับ​ก๋าน​อบรม​คน​หื้อ​ใจ๊​จีวิต​ตี้​ถูกต้อง​ต๋าม​ธรรม

ยากอบ 2:24

หัน​ก่อ​ว่า คน​ตี้​พระเจ้า​ยอมฮับ​ว่า​เป๋น​คน​ถูกต้อง​ต๋าม​ธรรม​นั้น ก็​ย้อน​ก๋าน​เยียะ​ของ​เขา บ่ใจ้​มี​ก้า​ความ​เจื้อ​อย่าง​เดียว

1 เปโตร 2:6

อย่าง​ตี้​มี​เขียน​ไว้​ใน​พระคัมภีร์​ว่า “ผ่อ​ลอ เฮา​วาง​ศิลา​ก้อน​นึ่ง​ไว้​ใน​เมือง​ศิโยน เป๋น​ศิลามุมเอก​ตี้​มี​ก้า​นัก​ขนาด เซิ่ง​ได้​เลือก​ไว้​แล้ว กับ​ใผ​ตี้​เจื้อ​พระองค์​ผู้​ตี้​เป๋น​ศิลา​ก้อน​นั้น ก็​จะ​บ่ผิดหวัง​เลย”