ฮีบรู 13:4 - พระคริสตธรรมคัมภีร ภาคพันธสัญญาใหม

⁴ ขอ​หื้อ​จีวิต​ก๋าน​แต่งงาน​ของ​ต้าน​เป๋น​ตี้​นับถือ​ของ​กู้​คน กับ​หื้อ​ผัว​เมีย​ซื่อสัตย์​ต่อ​กั๋น ย้อน​ว่า​พระเจ้า​จะ​ลงโต้ษ​คน​ตี้​เยียะ​ผิด​ตาง​เพศ​กับ​ล่วง​ประเวณี

ฮีบรู 13:4 ပူးပေါင်းရင်းမြစ်များ

1 โครินธ์ 6:18

หื้อ​หนี​เหีย​จาก​ก๋าน​เยียะ​บาป​ตาง​เพศ ความ​บาป​อย่าง​อื่น​ตี้​คน​เยียะ​กั๋น​นั้น​เป๋น​บาป​นอก​ตั๋ว แต่​คน​ตี้​เยียะ​บาป​ตาง​เพศ​นั้น​ก็​เยียะ​บาป​ต่อ​ตั๋ว​ของ​ตั๋ว​เก่า

1 โครินธ์ 6:9

หมู่​ต้าน​ก็​ฮู้​อยู่​แล้ว​ว่า คน​บ่ดี​จะ​บ่มี​ส่วน​แบ่ง​ใน​แผ่นดิน​ของ​พระเจ้า บ่ดี​จุ​ตั๋ว​เก่า​เน่อ คน​ตี้​ล่วง​ประเวณี คน​ตี้​กราบ​ไหว้​ฮูป​เคารพ คน​ตี้​ผิด​ผัว​ผิด​เมีย​คน​อื่น ป้อจาย​ขาย​ตั๋ว กาว่า​คน​ตี้​ฮัก​เพศ​เดียว​กั๋น

1 โครินธ์ 7:38

จาอั้น ป้อจาย​ตี้​แต่งงาน​กับ​กู้​หมั้น​ของ​ตั๋ว​ก็​เป๋น​สิ่ง​ตี้​ดี แต่​คน​ตี้​บ่ได้​แต่งงาน​กับ​กู้​หมั้น​นั้น​ก็​เป๋น​สิ่ง​ตี้​ดี​เหลือ

1 โครินธ์ 9:5

เฮา​มี​สิทธิ์​ตี้​จะ​ปา​เมีย​ตี้​เป๋น​ปี้น้อง​ผู้เจื้อ​ไป​หั้น​ไป​นี่​ตวย เหมือน​อย่าง​อัครทูต​คน​อื่นๆ ตึง​น้องๆ ของ​พระเยซู​องค์​พระผู้เป๋นเจ้า กับ​อย่าง​เปโตร​บ่ใจ้​กา

2 โครินธ์ 5:10

ย้อน​ว่า​เฮา​กู้​คน​ต้อง​ไป​อยู่​ต่อหน้า​พระคริสต์ เปื้อ​หื้อ​พระองค์​ตัดสิน เปื้อ​แต่​ละ​คน​จะ​ได้ฮับ​สิ่ง​ตี้​สมควร​จะ​ได้ฮับ ต๋าม​ตี้​เฮา​เยียะ​ดี​กาว่า​บ่ดี​ต๋อน​ตี้​อยู่​ใน​ตั๋ว​นี้

กาลาเทีย 5:19

ถ้า​ต้าน​ตังหลาย​หื้อ​สันดาน​บาป​เป๋น​ผู้​นำ เฮา​ก็​ฮู้​ก็​หัน​อยู่​แล้ว​ว่า​เป๋น​จาใด คือ​มี​ก๋าน​เยียะ​บาป​ตาง​เพศ ก๋าน​เยียะ​ตั๋ว​บ่บริสุทธิ์ ตึง​ก๋าน​ลามก​อื่นๆ ตวย

กาลาเทีย 5:21

ก๋าน​ใค่​ได้​ของ​เปิ้น ก๋าน​กิ๋น​เหล้า​เมา​ยา ก๋าน​มั่วสุม​ตาง​เพศ ตึง​ก๋าน​บ่ดี​อื่นๆ บ่าเดี่ยว​นี้​ขอ​เตื๋อน​หมู่​ต้าน​แหม​เตื้อ​เหมือน​ตี้​ข้าพเจ้า​ได้​เตื๋อน​ไว้​ตะก่อน​นั้น​ว่า คน​ใด​ตี้​เยียะ​บ่ดี​จาอี้ จะ​บ่มี​ส่วน​เข้า​ใน​แผ่นดิน​ของ​พระเจ้า​เน่อ

เอเฟซัส 5:5

กู้​คน​ตี้​ล่วง​ประเวณี กาว่า​ลามก กาว่า​โลภ (​ความ​โลภ​เยียะ​หื้อ​คน​ยก​ทรัพย์สิน​สิ่ง​ของ​ขึ้น​เป๋น​พระเจ้า​) หื้อ​หมู่​ต้าน​แน่ใจ๋​ได้​เลย​ว่า คน​หมู่​นี้​จะ​บ่มี​ส่วน​ใน​แผ่นดิน​ของ​พระคริสต์​กับ​พระเจ้า​เลย

1 เธสะโลนิก๋า 4:6

ใน​เรื่อง​นี้​บ่ดี​เยียะ​บาป​กาว่า​เยียะ​ผิด​ต่อ​ปี้น้อง​โดย​เป๋น​จู๊​กับ​เมีย​เขา ย้อน​ว่า​องค์​พระผู้เป๋นเจ้า​จะ​ลงโต้ษ​คน​ตี้​เยียะ​ผิด​จาอั้น เหมือน​อย่าง​ตี้​หมู่​เฮา​เกย​บอก​เกย​เตื๋อน​ต้าน​ตังหลาย​มา​ก่อน​แล้ว

1 ทิโมธี 3:12

มัคนายก​ต้อง​มี​เมีย​คน​เดียว ต้อง​ผ่อกอย​ครอบครัว​ของ​ตั๋ว​ได้​ดี

1 ทิโมธี 3:2

ผู้ปกครอง​นั้น​จะ​ต้อง​เป๋น​คน​บ่มี​ตี้​ติ มี​เมีย​คน​เดียว ใจ๊​จีวิต​อย่าง​ปอดี มี​สติ​บังคับ​ตั๋ว​ได้​ดี เป๋น​คน​ตี้​น่า​นับถือ มี​น้ำใจ๋​ฮับ​แขก กับ​สอน​คน​อื่น​ได้

1 ทิโมธี 3:4

เขา​ต้อง​ผ่อกอย​ครอบครัว​ของ​ตั๋ว​ได้​ดี กับ​อบรม​หื้อ​ลูกเต้า​เจื้อฟัง​กับ​นับถือ​เขา

1 ทิโมธี 4:3

หมู่​เขา​สอน​ว่า ห้าม​เอา​ผัว​เอา​เมีย​กับ​ห้าม​กิ๋น​ของ​กิ๋น​บาง​อย่าง แต๊ๆ แล้ว​พระเจ้า​แป๋ง​สิ่ง​หมู่​นี้​หื้อ​คน​ตี้​เจื้อ​กับ​ฮู้จัก​ความ​จริง​กิ๋น​ได้​โดย​ขอบพระคุณ​พระเจ้า

1 ทิโมธี 5:14

ย้อน​จาอั้น​ข้าพเจ้า​ใค่​หื้อ​แม่​หม้าย​ตี้​ยัง​สาว​นั้น​แต่งงาน​แหม​ใหม่ แล้ว​มี​ลูก​มี​เต้า​กับ​ผ่อกอย​บ้าน​ของ​ตั๋ว เปื้อ​บ่หื้อ​หมู่​ศัตรู๋​ใส่​ฮ้าย​หมู่​เฮา​ได้

ทิตัส 1:6

ผู้ปกครอง​นั้น​จะ​ต้อง​บ่มี​ตี้​ติ มี​เมีย​คน​เดียว มี​ลูก​ตี้​เจื้อ​พระเยซู​คริสต์ บ่มี​ใผ​ว่า​เป๋น​คน​ฮ้าย​กับ​หลึ่ง​บ่เจื้อฟัง​ใผ

ฮีบรู 12:16

บ่ดี​หื้อ​ใผ​คน​ใด​เยียะ​ผิด​ตาง​เพศ กาว่า​เป๋น​คน​บ่นับถือ​พระเจ้า​เหมือน​เอซาว​ผู้​ตี้​เอา​สิทธิ์​ลูก​คน​เก๊า​แลก​กับ​ของกิ๋น​คาบ​เดียว

วิวรณ์ 22:15

ส่วน​คน​ตี้​อยู่​นอก​เมือง​เป๋น​หมู่​หมา คือ​คน​ตี้​ใจ๊​เวทมนตร์​กาถา คน​ตี้​ล่วง​ประเวณี คน​ตี้​ฆ่า​คน​อื่น คน​ตี้​กราบ​ไหว้​ฮูป​เคารพ กับ​คน​ตี้​ฮัก​ก๋าน​ขี้​จุ​กับ​จุ​อยู่​ตลอด​เวลา