ฮีบรู 10:27 - พระคริสตธรรมคัมภีร ภาคพันธสัญญาใหม

²⁷ มี​แต่​ความ​กั๋ว​ใน​ก๋าน​รอถ้า​ก๋าน​ตัดสิน​ของ​พระเจ้า กับ​ก๋าน​รอถ้า​ไฟ​ฮ้อน​ตี้​จะ​ทำลาย​ศัตรู๋​ของ​พระเจ้า

ฮีบรู 10:27 ပူးပေါင်းရင်းမြစ်များ

มัทธิว 13:42

แล้ว​จะ​เอา​คน​หมู่​นี้​ไป​โจ้ง​ลง​ใน​เต๋าไฟ​ตี้​ฮ้อน​ขนาด ตี้​หั้น​มี​ก้า​เสียง​ไห้​หุย​อย่าง​เจ็บ​ปวด​ตึง​ขบ​เขี้ยว​เกี๊ยว​กาง

มัทธิว 13:50

ส่วน​หมู่​คน​บ่ดี​ก็​เอา​ไป​โจ้ง​ใน​เต๋าไฟ​ตี้​ฮ้อน มี​ก้า​เสียง​ไห้​หุย​อย่าง​เจ็บ​ปวด​ตึง​ขบ​เขี้ยว​เกี๊ยว​กาง

มัทธิว 25:41

“แล้ว​พระองค์​จะ​บิ่น​หน้า​ไป​บอก​หมู่​ตี้​อยู่​ตัง​เผิก​ซ้าย​มือ​ว่า ‘ไป​หื้อ​ป๊น​หู​ป๊น​ต๋า​เฮา​เหีย หมู่​เจ้า​ถูก​แจ้ง​หื้อ​ตก​หม้อหน้าฮก​ใน​ไฟ​ตี้​บ่มี​วัน​ดับ เป๋น​ไฟ​ตี้​เกียม​ไว้​สำหรับ​มาร​กับ​หมู่​ของ​มัน

มัทธิว 3:10

มุย​ได้​เกียม​แน​ไว้​ตี้​ปื๊น​เก๊าไม้​แล้ว เก๊าไม้​กู้​เก๊า​ตี้​เกิด​หน่วย​บ่ดี​จะ​ถูก​ตัด แล้ว​ขว้าง​ใส่​ใน​ก๋อง​ไฟ

มัทธิว 3:12

พระองค์​เหมือน​จาวนา มือ​ของ​พระองค์​ก๋ำ​ผาก​หะ​ข้าว​ไว้ แล้ว​พระองค์​จะ​สะสาง​ตะราง​ตี๋​ข้าว​จ๋น​ใคว่ จะ​เก็บ​ข้าว​เต้ง​ไว้​ใน​หลองข้าว ส่วน​ข้าว​ลีบ​ก็​จะ​เอา​ไป​เผา​ไฟ​ตี้​บ่ฮู้จัก​ดับ”

มัทธิว 8:29

ป้อจาย​สอง​คน​นั้น​เอ็ก​ปั๊ด​ใส่​พระเยซู​ว่า “ต้าน​เป๋น​พระบุตร​ของ​พระเจ้า มา​ยุ่ง​กับ​หมู่​เฮา​เยียะ​หยัง ต้าน​ต้องก๋าน​มา​ทรมาน​หมู่​เฮา​ก่อน​เวลา​ตี้​พระเจ้า​ก๋ำหนด​ไว้​แล้ว​จาอั้น​กา”

ลูก๋า 16:24

เศรษฐี​ก็​ฮ้อง​ว่า ‘ป้อ​อับราฮัม​เหย ขอ​อินดู​ข้าพเจ้า​เต๊อะ ขอ​ใจ๊​ลาซารัส​เอา​ป๋าย​นิ้ว​จุ่ม​น้ำ​มา​จิ​ลิ้น​ข้าพเจ้า​หน้อย ข้าพเจ้า​จะ​ได้​เย็น​พ่อง ย้อน​อยู่​ตี้​นี่​เปล๋วไฟ​ฮ้อน ตุ๊ก​ทรมาน​ขนาด’

ลูก๋า 19:27

ส่วน​หมู่​ศัตรู๋​ตังหลาย​ตี้​บ่ยอม​หื้อ​เฮา​เป๋น​กษัตริย์​ปกครอง​เขา หื้อ​ปา​มา​นี้​ฆ่า​เหีย​ต่อ​หน้า​เฮา’ ”

ลูก๋า 21:26

คน​จะ​กั๋ว​จ๋น​เป๋น​ลม​เมื่อ​ก่ำลัง​รอ​ผ่อ​ว่า​อะหยัง​จะ​เกิด​ขึ้น​บน​โลก ย้อน​ว่า​หมู่​ผู้​มี​อำนาจ​ตังหลาย​ใน​ต๊องฟ้า​ก็​จะ​สั่นไหว​เฝื่อน​คลอน

ลูก๋า 23:30

เวลา​นั้น​หมู่​เขา​จะ​อู้​กับ​ดอย​ตังหลาย​ว่า ‘ขอ​ดอย​โหยด​มา​เต๋ง​เฮา ขอ​ม่อน​ดอย​บัง​เฮา​ไว้​น่อย​เต๊อะ’

ยอห์น 5:29

แล้ว​ปา​กั๋น​ออก​มา​จาก​อุโมงค์​ฝังศพ คน​ตี้​เยียะ​ดี​ก็​เป๋น​ขึ้น​มา​เปื้อ​ฮับ​จีวิต​นิรันดร์ คน​ตี้​เยียะ​บ่ดี​ก็​จะ​เป๋น​ขึ้น​มา​เปื้อ​ถูก​ตัดสิน​ลงโต้ษ

ฮีบรู 12:25

หื้อ​ฟัง​พระองค์​อู้​หื้อ​ดี ถ้า​คน​หมู่​นั้น​ตี้​บ่ได้​ยอม​ฟัง​กำเตื๋อน​ของ​พระองค์​ใน​โลก​นี้ ยัง​หนี​ก๋าน​ลงโต้ษ​บ่ป๊น แล้ว​เฮา​ตี้​บิ่นหลังต๋ำ​พระองค์​ตี้​เตื๋อน​เฮา​จาก​สวรรค์ จะ​หนี​ป๊น​กา

ฮีบรู 12:29

ย้อน​ว่า​พระเจ้า​ของ​เฮา​นั้น​เป๋น​เหมือน​ไฟ​ตี้​เผา​ทำลาย​กู้​อย่าง

ฮีบรู 2:3

ถ้า​จาอั้น​หมู่​เฮา​จะ​รอด​ป๊น​บาป​โต้ษ​ได้​จาใด ถ้า​เฮา​บ่ได้​เอา​ใจ๋​ใส่​ความ​รอด​อัน​ยิ่งใหญ่​จาอี้ ความ​รอด​นี้​องค์​พระผู้เป๋นเจ้า​เป๋น​ผู้​ตั้งเก๊า​บอก แล้ว​คน​หมู่​นั้น​ตี้​ได้ยิน​จาก​พระองค์​ก็​ยืนยัน​เรื่อง​นี้​แก่​เฮา​ตังหลาย​ว่า​เป๋น​ความ​จริง

ฮีบรู 9:27

เฮา​กู้​คน​ก็​ต้อง​ต๋าย​เตื้อ​เดียว หลัง​จาก​นั้น​ก็​จะ​ถูก​พระเจ้า​ตัดสิน

ยากอบ 5:3

เงิน​กับ​คำ​ของ​ต้าน​ก็​จะ​เป๋น​ขี้เหมี้ยง ขี้เหมี้ยง​นั้น​ละ​ก็​จะ​เป๋น​หลักฐาน​มัด​ตั๋ว​หมู่​ต้าน​ไว้ จะ​ทำลาย​ตั๋ว​ของ​หมู่​ต้าน​เหมือน​ไฟ​เผา หมู่​ต้าน​ก็​ได้​เก็บ​สมบัติ​ไว้​ต๋อน​วัน​สุดต๊าย​นี้​แล้ว

วิวรณ์ 20:15

ถ้า​ใผ​บ่มี​จื้อ​จด​ไว้​ใน​หนังสือ​แห่ง​จีวิต ก็​จะ​ถูก​โจ้ง​ลง​ไป​ใน​บึง​ไฟ​นั้น