กาลาเทีย 6:9 - พระคริสตธรรมคัมภีร ภาคพันธสัญญาใหม

⁹ ย้อน​จาอั้น​บ่ดี​ท้อ​ถอย​ใน​ก๋าน​เยียะ​ก๋าน​ดี ถ้า​เฮา​บ่ท้อ​ถอย​แล้ว เฮา​ก็​จะ​ฮับ​ผล​ดี​ใน​เวลา​ต๋าม​สมควร

กาลาเทีย 6:9 ပူးပေါင်းရင်းမြစ်များ

มัทธิว 10:22

คน​ตังหลาย​จะ​จัง​หมู่​ต้าน ย้อน​ว่า​หมู่​ต้าน​ได้​ติดต๋าม​เฮา แต่​ถ้า​ใผ​ตี้​ทน​ได้​จ๋น​เถิง​ตี้​สุด ก็​จะ​ได้ฮับ​ความ​รอด​ป๊น​บาป​โต้ษ

มัทธิว 24:13

แต่​ถ้า​ใผ​ตี้​ทน​ได้​จ๋น​เถิง​ตี้​สุด​จะ​ได้ฮับ​ความ​รอด​ป๊น​บาป​โต้ษ

มัทธิว 25:17

คน​ฮับใจ๊​ตี้​ได้​สอง​ตะลันต์ ก็​เอา​ไป​เป๋น​ตืน​ก๊า​ขาย​เหมือน​กั๋น แล้ว​ก็​ได้​ก่ำไฮ​มา​แหม​สอง​ตะลันต์

มัทธิว 9:19

พระเยซู​ตึง​หมู่​สาวก​ของ​พระองค์​ก็​ตวย​เขา​ไป

มาระโก 3:3

พระองค์​บอก​คน​มือ​ลีบ​คน​นั้น​ว่า “ลุก​ยืน​ขึ้น​ส่อง​หน้า​คน​ตังหลาย”

ลูก๋า 18:1

พระเยซู​อู้​กำเผียบ​ข้อ​นึ่ง​หื้อ​หมู่​สาวก​ฟัง​เปื้อ​จะ​สอน​ว่า คน​ตังหลาย​ควร​อธิษฐาน​อยู่​เสมอ​อย่าง​บ่อ่อนใจ๋

โรม 2:7

ส่วน​คน​ตี้​หมั่น​เยียะ​สิ่ง​ดี ตี้​ฮิ​เซาะ​หา​ศักดิ์ศรี เกียรติ กับ​จีวิต​ตี้​บ่มี​วัน​ต๋าย​นั้น พระเจ้า​ก็​จะ​หื้อ​จีวิต​นิรันดร์

1 โครินธ์ 15:58

จาอั้น​ปี้น้อง​ตี้​ข้าพเจ้า​ฮัก หื้อ​มั่นคง​ไว้ ห้าม​สั่น​คลอน หื้อ​เยียะ​ก๋าน​ของ​องค์​พระ​ผู้​เป๋น​เจ้า​อย่าง​เต๋มตี้​กู้​เวลา ต้าน​ตังหลาย​ก็​ฮู้​ว่า ก๋าน​ตี้​เฮา​ฮับใจ๊​พระเจ้า​นั้น จะ​บ่เสีย​ไป​โดย​บ่มี​ประโยชน์

2 โครินธ์ 4:1

ย้อน​จาอี้​เฮา​จึง​บ่หมด​ก๋ำลังใจ๋ ย้อน​ว่า​พระเจ้า​เมตต๋า​มอบหมาย​หื้อ​เฮา​เยียะ​ก๋าน​นี้

2 โครินธ์ 4:16

ย้อน​จาอั้น​เฮา​จึง​บ่เกย​ยอม​ก๊าน เถิง​แม้ว่า​ตั๋ว​ตังนอก​ของ​เฮา​ก้อยๆ เสื่อม​สภาพ​ไป แต่​จิตใจ๋​ตัง​ใน​ของ​เฮา​นั้น​ได้ฮับ​ก๋ำลัง​ใหม่​ใน​กู้ๆ วัน

2 โครินธ์ 9:6

จ๋ำ​ไว้​เต๊อะ​ว่า คน​ตี้​หว่าน​หน้อย​ก็​จะ​เก็บเกี่ยว​ได้​หน้อย คน​ตี้​หว่าน​นัก​ก็​จะ​เก็บเกี่ยว​ได้​นัก

เอเฟซัส 3:13

จาอั้น​ข้าพเจ้า​ขอ​หื้อ​หมู่​ต้าน บ่ต้อง​อ่อนใจ๋​ตี้​ข้าพเจ้า​ก่ำลัง​ตุ๊กยาก​เปื้อ​หมู่​ต้าน ย้อน​สิ่ง​หมู่​นี้​ก็​เปื้อ​หื้อ​หมู่​ต้าน​ได้​ฮับ​เกียรติ

2 เธสะโลนิก๋า 3:13

ปี้น้อง​ตังหลาย ห้าม​อ่อนใจ๋​ตี้​จะ​เยียะ​ก๋าน​ดี​ใดๆ เลย

ฮีบรู 12:3

หื้อ​ต้าน​ตังหลาย​กึ๊ด​เถิง​พระองค์​ผู้​ตี้​ได้​อดทน​ต่อ​ก๋าน​ต่อต้าน​อย่าง​หนัก​จาอี้​จาก​คน​บาป เปื้อ​ว่า​ต้าน​จะ​บ่อิด​อก​อ่อน​ใจ๋​กับ​หมด​ก่ำลัง​ใจ๋

ฮีบรู 12:5

ต้าน​ลืม​ถ้อย​กำ​ตี้​หื้อ​ก๋ำลังใจ๋​แล้ว​กา ตี้​พระเจ้า​ได้​อู้​กับ​ต้าน​ใน​ฐานะ​ตี้​ต้าน​เป๋น​ลูก​ว่า “ลูก​เหย หื้อ​เอาใจ๋​ใส่​ก๋าน​ตี๋สอน​ของ​องค์​พระ​ผู้​เป๋น​เจ้า บ่ดี​ท้อใจ๋​เมื่อ​พระองค์​ตักเตื๋อน​ต้าน

ฮีบรู 3:14

ย้อน​เฮา​มี​ส่วน​ฮ่วม​กับ​พระคริสต์ ถ้า​เฮา​ยึดมั่น​ใน​ความ​เจื้อ​ตี้​เฮา​มี​ตั้งแต่​เก๊า​จ๋น​เถิง​ตี้​สุด

ฮีบรู 3:6

แต่​พระคริสต์​นั้น​ได้​เยียะ​หน้าตี้​ลูก​ตี้​ปกครอง​คน​ใน​บ้าน​ของ​พระเจ้า​อย่าง​ซื่อสัตย์ เฮา​ก็​เป๋น​คน​ใน​บ้าน​ของ​พระองค์ ถ้า​เฮา​ยึดมั่น​ใน​ความ​ก้า​กับ​ความ​หวัง​ตี้​เฮา​ภูมิใจ๋​นั้น

ยากอบ 5:7

ย้อน​จาอั้น​ปี้น้อง​เหย อดทน​ไว้​จ๋น​กว่า​องค์​พระ​ผู้​เป๋น​เจ้า​จะ​ปิ๊ก​มา​เน่อ ผ่อ​ลอ จาวนา​ยัง​อดทน​กอย​ถ้า​ข้าว​ตี้​มี​ก้า​จาก​แผ่นดิน อดทน​กอย​ถ้า​หื้อ​ฝน​ตก​ตั้งแต่​ต้น​หละดู​จ๋น​แผว​ป๋าย​หละดู

1 เปโตร 2:15

ย้อน​ว่า​พระเจ้า​ต้องก๋าน​หื้อ​หมู่​ต้าน​ย้าง​ปาก​คน​ง่าว​ตี้​อู้​บ่มี​สาระ​โดย​ก๋าน​เยียะ​ดี

1 เปโตร 3:17

ย้อน​ว่า ถ้า​เป๋น​ตี้​เปิงใจ๋​ของ​พระเจ้า​ตี้​จะ​หื้อ​หมู่​ต้าน​ได้ฮับ​ความ​ตุ๊ก​ย้อน​ก๋าน​เยียะ​ดี ก็​ยัง​ดี​เหลือ​ได้ฮับ​ความ​ตุ๊ก​ย้อน​ก๋าน​เยียะ​บ่ดี

1 เปโตร 4:19

จาอั้น คน​ตี้​ต้อง​ปะ​กับ​ความ​ตุ๊กยาก​ย้อน​เป๋น​ความ​ต้องก๋าน​ของ​พระเจ้า ก็​หื้อ​ฝาก​จิตวิญญาณ​ของ​ตั๋ว​ไว้​กับ​พระเจ้า​ผู้​สร้าง​ตี้​สัตย์ซื่อ กับ​หื้อ​เยียะ​ดี​ต่อ​ไป

วิวรณ์ 2:17

“ใผ​ยอม​ฟัง​ก็​หื้อ​ฟัง​สิ่ง​ตี้​พระวิญญาณ​บอก​กับ​คริสตจักร​ต่างๆ เต๊อะ แล้ว​ใผ​ตี้​มี​ชัย เฮา​จะ​หื้อ​มานาตี้​เก็บ​ซ่อน​อยู่ กับ​จะ​หื้อ​หิน​สี​ขาว​เซิ่ง​เขียน​จื้อ​ใหม่​แก่​คน​นั้น บ่มี​ใผ​ฮู้​จื้อ​นั้น​นอก​จาก​คน​ตี้​ได้ฮับ​เต้าอั้น

วิวรณ์ 2:3

เฮา​ฮู้​ว่า​หมู่​ต้าน​อดทน​ต่อ​ความ​ตุ๊กยาก​ย้อน​หัน​แก่​เฮา กับ​บ่ได้​อ่อนล้า​ใน​ก๋าน​ติดต๋าม​เฮา

วิวรณ์ 2:7

“ใผ​ยอม​ฟัง​ก็​หื้อ​ฟัง​สิ่ง​ตี้​พระวิญญาณ​บอก​กับ​คริสตจักร​ต่างๆ เต๊อะ แล้ว​ใผ​ตี้​มี​ชัย เฮา​จะ​หื้อ​กิ๋น​หน่วย​จาก​เก๊าไม้​แห่ง​จีวิต​เซิ่ง​อยู่​ใน​สวน​สวรรค์​ของ​พระเจ้า