กาลาเทีย 1:13 - พระคริสตธรรมคัมภีร ภาคพันธสัญญาใหม

¹³ ต้าน​ตังหลาย​ก็​ฮู้​อยู่​แล้ว​ว่า ต๋อน​ตี้​ข้าพเจ้า​ถือ​ศาสนา​ยิว​นั้น ข้าพเจ้า​เป๋น​คน​จาใด ข้าพเจ้า​ได้​ข่ม​เหง​คริสตจักร​ของ​พระเจ้า​อย่าง​หนัก กับ​ฮิ​ตี้​จะ​ทำลาย​หมู่​เขา​จ๋น​เสี้ยง​ตึง​หมด

กาลาเทีย 1:13 ပူးပေါင်းရင်းမြစ်များ

กิจก๋าน 8:1

เซาโล​ก็​อยู่​ตี้​หั้น เขา​หันดี​ตวย​ใน​ก๋าน​ฆ่า​สเทเฟน ใน​วัน​นั้น​มี​ก๋าน​ตั้งเก๊า​ค่ำเข​คริสตจักร​ครั้ง​ใหญ่​ใน​กรุง​เยรูซาเล็ม ผู้เจื้อ​ตังหลาย​เว้น​แต่​หมู่​อัครทูต​แตก​หนี​ขะแล​ขะแจ​ไป​ทั่ว​แคว้น​ยูเดีย​กับ​แคว้น​สะมาเรีย

กิจก๋าน 8:3

ส่วน​เซาโล​ก็​ตั้งเก๊า​ทำลาย​คริสตจักร เขา​เข้า​ไป​ใน​เฮือน​จาก​หลัง​นึ่ง​ไป​แหม​หลัง​นึ่ง เปื้อ​ลากคอ​ตึง​แม่ญิง​ป้อจาย​ไป​ขัง​คอก

กิจก๋าน 9:21

คน​ตังหลาย​ตี้​ได้ยิน​เซาโล​อู้​จาอั้น​ก็​อิกขะหลิก​ใน​ใจ๋​อู้​กั๋น​ว่า “คน​นี้​บ่ใจ้​กา ตี้​ค่ำ​กับ​เยียะ​ฮ้าย​ต่อ​ผู้เจื้อ​ใน​กรุง​เยรูซาเล็ม แล้ว​ตี้​เขา​มา​นี่​ก็​ย้อน​ตั้งใจ๋​จะ​มา​ยับ​คน​หมู่​นั้น​ปิ๊ก​ไป​หื้อ​หมู่​หัวหน้า​ปุโรหิต”

กิจก๋าน 9:26

เมื่อ​เซาโล​ปิ๊ก​มา​แผว​กรุง​เยรูซาเล็ม​แล้ว เขา​ฮิ​เข้า​ฮ่วม​กับ​หมู่​ผู้เจื้อ แต่​หมู่​นั้น​ปา​กั๋น​กั๋ว ย้อน​บ่เจื้อ​ว่า​เซาโล​เป๋น​ผู้เจื้อ​แต๊ๆ

1 โครินธ์ 10:32

บ่ดี​เป๋น​ต้น​เหตุ​หื้อ​หมู่​จาว​ยิว กาว่า​จาว​กรีก กาว่า​หมู่​คน​ใน​คริสตจักร​ของ​พระเจ้า​หลงผิด​ไป

1 โครินธ์ 15:9

ย้อน​ว่า​ข้าพเจ้า​เป๋น​ผู้​ตี้​ต่ำต้อย​ตี้​สุด​ใน​หมู่​อัครทูต ข้าพเจ้า​บ่สมควร​ได้​จื้อ​ว่า​เป๋น​อัครทูต ย้อน​ว่า​ข้าพเจ้า​ได้​ค่ำ​คน​ของ​พระเจ้า

ฟีลิปปี 3:6

ส่วน​เรื่อง​ก๋าน​เอา​แต๊​เอา​ว่า​ก๋าน​ฮักษา​บท​บัญญัติ ข้าพเจ้า​ได้​ค่ำ​คน​ใน​คริสตจักร​มา​แล้ว ส่วน​ก๋าน​เป๋น​คน​ถูกต้อง​ต๋าม​ธรรม​โดย​เยียะ​ต๋าม​บท​บัญญัติ​นั้น ข้าพเจ้า​ก็​บ่เกย​เยียะ​ผิด​เลย

1 ทิโมธี 1:13

แม้​ว่า​ตะก่อน​ข้าพเจ้า​เกย​อู้​บ่ดี​เกี่ยวกับ​พระองค์ ตึง​เซาะ​หา​ค่ำ​คน​ของ​พระองค์​กับ​เป๋น​คน​เหี้ยม แต่​พระเจ้า​ก็​ยัง​เมตต๋า​ข้าพเจ้า ย้อน​หัน​ว่า​ข้าพเจ้า​ยัง​บ่ได้​เจื้อ​พระเยซู กับ​บ่ฮู้​เรื่อง​ว่า​สิ่ง​ตี้​เยียะ​ไป​นั้น​บ่ดี

1 ทิโมธี 1:14

องค์​พระผู้เป๋นเจ้า​ของ​เฮา​หื้อ​พระคุณ​แก่​ข้าพเจ้า​นัก​ขนาด ตึง​โผด​หื้อ​มี​ความ​เจื้อ​กับ​ความ​ฮัก​เหมือน​พระเยซู​คริสต์