เอเฟซัส 6:19 - พระคริสตธรรมคัมภีร ภาคพันธสัญญาใหม

¹⁹ หื้อ​อธิษฐาน​เผื่อ​ข้าพเจ้า​ตวย เปื้อ​เมื่อ​ข้าพเจ้า​อู้ พระเจ้า​จะ​หื้อ​กำ​กับ​ข้าพเจ้า ตี้​จะ​เปิดเผย​ข้อ​ล้ำเลิ็ก​ของ​ข่าวดี​นี้​อย่าง​บ่กั๋ว​อะหยัง

เอเฟซัส 6:19 ပူးပေါင်းရင်းမြစ်များ

กิจก๋าน 13:46

แต่​เปาโล​กับ​บารนาบัส​อู้​อย่าง​บ่กั๋ว​ใผ​ว่า “จ๋ำเป๋น​ตี้​จะ​ต้อง​อู้​เถิง​ถ้อยกำ​ของ​พระเจ้า​หื้อ​ต้าน​ตังหลาย​ฟัง​ก่อน แต่​เมื่อ​ต้าน​ตังหลาย​บ่เอา กับ​หัน​ว่า​ตั๋ว​เอง​นี้​บ่เหมาะ​บ่เปิง​ตี้​จะ​ฮับ​จีวิต​นิรันดร์​แล้ว จาอั้น​หมู่​เฮา​จะ​ปา​กั๋น​ไป​หา​คน​ต่างจ้าด

กิจก๋าน 14:3

ส่วน​เปาโล​กับ​บารนาบัส​ก็​อยู่​ตี้​หั้น​เมิน​นักแก แล้ว​บอก​เรื่อง​องค์​พระ​ผู้​เป๋น​เจ้า​อย่าง​บ่กั๋ว​ใผ พระองค์​พิสูจน์​ว่า​ถ้อยกำ​ตี้​หมู่​เขา​อู้​เกี่ยวกับ​พระคุณ​ของ​พระองค์​เป๋น​แต๊ โดย​โผด​หื้อ​หมู่​เขา​เยียะ​หมายสำคัญ​กับ​ก๋าน​ปาฏิหาริย์​ต่างๆ ได้

กิจก๋าน 18:26

อปอลโล​อู้​เรื่อง​ของ​พระเยซู​อย่าง​บ่กั๋ว​ใผ​ใน​ธรรมศาลา​ของ​จาว​ยิว เมื่อ​ปริสคา​กับ​อาควิลลา​ได้ยิน​เขา​อู้ ก็​ปา​อปอลโล​มา​ตี้​บ้าน​ของ​หมู่​เขา แล้ว​อธิบาย​วิถีตาง​ของ​พระเจ้า​หื้อ​เข้าใจ๋​นัก​ขึ้น

กิจก๋าน 19:8

เปาโล​ไป​อู้​ใน​ธรรมศาลา​ของ​จาว​ยิว​อย่าง​บ่กั๋ว​ใผ​เป๋น​เวลา​สาม​เดือน เขา​ยก​เหตุ​ผล​โต้เถียง​จั๊กจวน​จาว​ยิว​หื้อ​เจื้อ​เรื่อง​แผ่นดิน​ของ​พระเจ้า

กิจก๋าน 2:4

แล้ว​หมู่​เขา​กู้​คน​ก็​ได้​ฮับ​ก๋าน​ดลใจ๋​จาก​พระวิญญาณ​บริสุทธิ์ จึง​ตั้งเก๊า​อู้​ภาษา​ต่างๆ ตี้​บ่เกย​ฮู้​ต๋าม​ตี้​พระวิญญาณ​บริสุทธิ์​โผด​หื้อ​อู้

กิจก๋าน 28:31

เปาโล​เตสนา​เรื่อง​แผ่นดิน​ของ​พระเจ้า กับ​สั่ง​สอน​เรื่อง​ของ​พระเยซู​คริสต์​องค์​พระ​ผู้​เป๋น​เจ้า​อย่าง​บ่กั๋ว​ใผ​โดย​บ่มี​คน​ขัดขวาง

กิจก๋าน 4:13

หมู่​เขา​งืด​ขนาด​เมื่อ​หัน​เปโตร​กับ​ยอห์น​ก้า​อู้​บ่กั๋ว​ใผ สอง​คน​นี้​เป๋น​คน​บ่ได้​ฮับ​ก๋าน​ศึกษา​กับ​บ่เก่ง​ด้าน​ใด​ด้าน​นึ่ง แต่​จ๋ำ​ได้​ว่า​เปโตร​กับ​ยอห์น​เกย​อยู่​กับ​พระเยซู​มา​ก่อน

กิจก๋าน 4:29

บ่าเดี่ยวนี้​ขอ​พระองค์​โผด​ฟัง​กำ​ขู่​ของ​เขา​หมู่​นั้น ขอ​จ้วย​หมู่​เฮา​ผู้​ฮับใจ๊​ของ​พระองค์​มี​ใจ๋​บ่กั๋ว​ใผ​ตี้​จะ​บอก​เล่า​ถ้อยกำ​ของ​พระองค์​น่อย​เต๊อะ

กิจก๋าน 4:31

เมื่อ​หมู่​ผู้เจื้อ​อธิษฐาน​สุด​แล้ว พระเจ้า​ก็​เยียะ​หื้อ​ตี้​เขา​จุมนุม​กั๋น​นั้น​สนั่น​หวั่นไหว หมู่​เขา​ก็​ได้​ฮับ​ก๋าน​ดลใจ๋​จาก​พระวิญญาณ​บริสุทธิ์ แล้ว​ได้​บอก​เล่า​ถ้อยกำ​ของ​พระเจ้า​อย่าง​บ่กั๋ว​ใผ

กิจก๋าน 9:27

แต่​บารนาบัส​ปา​เซาโล​ไป​ปะ​หมู่​อัครทูต แล้ว​อธิบาย​หื้อ​ฟัง​ว่า ใน​หละหว่าง​ตาง​ไป​เมือง​ดามัสกัส​เซาโล​ปะ​องค์​พระ​ผู้​เป๋น​เจ้า​ได้​จาใด แล้ว​พระองค์​อู้​อะหยัง​กับ​เซาโล​พ่อง ยัง​เล่า​แหม​ว่า ต๋อน​เซาโล​อยู่​ตี้​เมือง​ดามัสกัส​นั้น เซาโล​เตสนา​เรื่อง​ของ​พระเยซู​อย่าง​บ่กั๋ว​ใผ

กิจก๋าน 9:29

ต้าน​อู้​โต้แย้ง​เถียง​กับ​หมู่​จาว​ยิว​ตี้​อู้​ภาษา​กรีก​ตวย แต่​หมู่​นั้น​ก็​หา​ตาง​ตี้​จะ​ฆ่า​ต้าน​เหีย

โรม 15:30

ปี้น้อง​ตังหลาย ย้อน​หันแก่​พระเยซู​คริสต์​องค์​พระ​ผู้​เป๋น​เจ้า​ของ​เฮา​ตังหลาย กับ​ย้อน​หันแก่​ความ​ฮัก​ตี้​มา​จาก​พระวิญญาณ​บริสุทธิ์ ข้าพเจ้า​ขอ​ร้อง​ต้าน​ตังหลาย​จ้วย​ออก​แฮง​กั๋น​อธิษฐาน​ต่อ​พระเจ้า​เผื่อ​ข้าพเจ้า​ตวย

โรม 16:25

จง​ถวาย​เกียรติ​แก่​พระเจ้า​ผู้​ตี้​สามารถ​เยียะ​หื้อ​หมู่​ต้าน​ตั้ง​มั่น​ใน​ความ​เจื้อ​ต๋าม​ข่าวดี​เรื่อง​พระเยซู​คริสต์​ตี้​ข้าพเจ้า​ได้​บอก​แล้ว​นั้น กับ​ต๋าม​ก๋าน​เปิดเผย​ความ​จริง​อัน​ล้ำเลิ็ก เซิ่ง​ได้​ปิด​ไว้​เมิน​มา​แล้ว​ตั้งแต่​สมัย​โบราณ

1 โครินธ์ 1:5

ย้อน​โดย​พระเยซู​คริสต์​หมู่​ต้าน​ได้ฮับ​ก๋าน​ปั๋น​ปอน​อย่าง​เต๋มตี้​ใน​ฝ่าย​จิตวิญญาณ บ่ว่า​จะ​เป๋น​ใน​ด้าน​กำ​อู้​กาว่า​ความ​ฮู้​กู้​อย่าง

1 โครินธ์ 2:7

แต่​หมู่​เฮา​อู้​เถิง​ปั๋ญญา​อัน​ล้ำเลิ็ก​ของ​พระเจ้า​ตี้​พระองค์​ได้​เก็บ​ซ่อน​ไว้​นั้น กับ​ตี้​พระองค์​ได้​ก๋ำหนด​ไว้​ก่อน​สร้าง​โลก​ว่า​ปั๋ญญา​นี้​จะ​เป๋น​เกียรติ​ของ​เฮา

1 โครินธ์ 4:1

หื้อ​หมู่​ต้าน​ถือ​ว่า​เฮา​เป๋น​ผู้​ฮับใจ๊​พระคริสต์ เป๋น​ผู้​ตี้​ได้ฮับ​มอบหมาย​หื้อ​ผ่อกอย​ข้อล้ำเลิ็ก​ของ​พระเจ้า

2 โครินธ์ 1:11

ย้อน​หมู่​ต้าน​ฮ่วมใจ๋​กั๋น​อธิษฐาน​เปื้อ​เฮา พระเจ้า​ก็​จะ​ตอบ​กำ​อธิษฐาน​หมู่​นั้น​ของ​ต้าน​กับ​จะ​ปั๋น​ปอน​เฮา แล้ว​คน​จ๋ำนวน​นัก​ก็​จะ​ขอบคุณ​พระเจ้า​ย้อน​เฮา

2 โครินธ์ 3:12

เมื่อ​มี​ความ​หวัง​จาอี้​แล้ว เฮา​จึง​ก้า​อู้​อย่าง​บ่กั๋ว​ใผ

2 โครินธ์ 6:11

ปี้น้อง​จาว​โครินธ์​เหย เฮา​อู้​กับ​ต้าน​ตังหลาย​ซื่อๆ เน่อ กับ​เปิด​ใจ๋​หื้อ​หมู่​ต้าน​เต๋ม​ตี้

2 โครินธ์ 7:4

ข้าพเจ้า​มั่นใจ๋​กับ​ภูมิใจ๋​ใน​ตั๋ว​หมู่​ต้าน​ขนาด หมู่​ต้าน​เยียะ​หื้อ​ข้าพเจ้า​มี​ก๋ำลัง​ใจ๋​อย่าง​เต๋มตี้ กับ​มี​ความ​จื้นจม​ยินดี​ได้​เถิง​แม้​ว่า​เฮา​จะ​มี​ความ​ตุ๊ก​ยาก​อย่าง​หนัก

2 โครินธ์ 8:7

ใน​เมื่อ​หมู่​ต้าน​มี​กู้​สิ่ง​กู้​อย่าง​จ๋น​เหลือล้น​แล้ว บ่ว่า​จะ​เป๋น​ความ​เจื้อ กำ​อู้​กำ​จ๋า ความ​ฮู้ ความ​กระตือรือร้น กับ​ความ​ฮัก​ของ​เฮา​ต่อ​หมู่​ต้าน ก็​ขอ​หื้อ​ต้าน​มี​ใจ๋​ใน​ก๋าน​ดี​นี้​อย่าง​เหลือล้น​ตวย

เอเฟซัส 1:9

พระองค์​โผด​หื้อ​เฮา​ฮู้​เถิง​แผนก๋าน​ล้ำเลิ็ก​ตี้​พระองค์​ตั้งใจ๋​เยียะ​หื้อ​สำเร็จ​ใน​พระคริสต์ ต๋าม​ความ​ต้องก๋าน​ของ​พระองค์

เอเฟซัส 3:9

กับ​เยียะ​หื้อ​กู้​คน​เข้าใจ๋​ถองแกะ​ถองแก๋น​เถิง​แผนก๋าน​อัน​ล้ำเลิ็ก​ตี้​พระเจ้า ผู้​สร้าง​กู้​สิ่ง​กู้​อย่าง ได้​ซ่อน​ไว้​ตั้งแต่​ก่อน​สร้าง​โลก​มา​แล้ว

โคโลสี 2:2

ข้าพเจ้า​เยียะ​จาอี้​เปื้อ​หมู่​เขา​จะ​มี​ก๋ำลังใจ๋ มี​ความ​ฮัก​ตี้​จะ​เยียะ​หื้อ​เขา​เป๋น​อัน​นึ่ง​อัน​เดียว​กั๋น กับ​มี​ความ​ฮู้​ความ​เข้าใจ๋​อย่าง​เต๋มตี้​ใน​ข้อ​ล้ำเลิ็ก​ของ​พระเจ้า คือ​พระคริสต์

โคโลสี 4:3

กับ​อธิษฐาน​เผื่อ​หมู่​เฮา​ตวย เปื้อ​พระเจ้า​จะ​ได้​หื้อ​โอกาส​เฮา​บอก​ข่าวดี​เกี่ยวกับ​ข้อ​ล้ำเลิ็ก​ของ​พระคริสต์ ตี้​ข้าพเจ้า​ติด​คอก​อยู่​นี้​ก็​ย้อน​เรื่อง​นี้

1 เธสะโลนิก๋า 2:2

ต้าน​ตังหลาย​ฮู้​ว่า​หมู่​เฮา​ได้​ฮับ​ความ​ตุ๊ก​ยาก​ลำบาก ตึง​ได้​ฮับ​ก๋าน​ดู​แควน​ใน​เมือง​ฟีลิปปี​ก่อน​ตี้​จะ​มา​แผว​เมือง​เธสะโลนิก๋า แต่​พระเจ้า​จ้วย​หื้อ​หมู่​เฮา​มี​ใจ๋​ก้า​ตี้​จะ​บอก​ข่าวดี​ของ​พระองค์​หื้อ​ต้าน​ตังหลาย​ฟัง แม้​ว่า​มี​คน​แหม​นัก​ต่อต้าน​เฮา

1 เธสะโลนิก๋า 5:25

ปี้น้อง​ตังหลาย ขอ​ต้าน​อธิษฐาน​เผื่อ​หมู่​เฮา​ตวย​เน่อ

2 เธสะโลนิก๋า 3:1

สุดต๊าย​นี้​ขอ​ปี้น้อง​ผู้​เจื้อ​ตังหลาย​อธิษฐาน​เผื่อ​หมู่​เฮา หื้อ​ถ้อยกำ​ของ​องค์​พระผู้เป๋นเจ้า​เล่าลือ​ไป​ใคว่​หมด​เวยๆ ตึง​ได้​ฮับ​เกียรติ​อย่าง​ตี้​ต้าน​หื้อ​เกียรติ​มา​แล้ว

1 ทิโมธี 3:16

แม่น​แล้ว ข้อ​ล้ำเลิ็ก​แห่ง​ศาสนา​ของ​เฮา​ยิ่งใหญ่ คือ​ว่า พระเยซู​คริสต์​มา​ป๋ากฏ​เป๋น​คน แล้ว​พระวิญญาณ​บริสุทธิ์​แสดง​หื้อ​หัน​ว่า​พระองค์​เป๋น​ตี้​ปอใจ๋​ของ​พระเจ้า กับ​หมู่​ทูตสวรรค์​ได้​หัน​พระองค์ แล้ว​คน​ตังหลาย​ได้​บอก​เรื่อง​พระองค์​หื้อ​แก่​คน​กู้​จ้าด​ฮู้ แล้ว​คน​ใน​โลก​ก็​เจื้อ​พระองค์ กับ​พระเจ้า​ก็​ฮับ​พระองค์​ไป​สวรรค์

ฟีเลโมน 1:22

แหม​อย่าง​นึ่ง ขอ​เกียม​ตี้​พัก​ไว้​หื้อ​ข้าพเจ้า​ตวย ย้อน​ข้าพเจ้า​หวัง​ว่า​พระเจ้า​จะ​ส่ง​ข้าพเจ้า​ปิ๊ก​ไป​หา​ต้าน​ตังหลาย​ต๋าม​กำ​อธิษฐาน​ของ​หมู่​ต้าน

ฮีบรู 13:18

หื้อ​อธิษฐาน​เผื่อ​เฮา เฮา​แน่ใจ๋​ว่า​เฮา​มี​จิต​สำนึก​ตี้​บริสุทธิ์ กับ​ใค่​มี​จีวิต​ตี้​น่า​ยกย่อง​กู้​ด้าน