เอเฟซัส 5:27 - พระคริสตธรรมคัมภีร ภาคพันธสัญญาใหม

²⁷ เปื้อ​พระองค์​จะ​ได้​มอบ​คริสตจักร​ตี้​สง่างาม​บริสุทธิ์​หมดใส บ่มี​ต๋ำหนิ บ่มี​ตี้​ติ กาว่า​บ่มี​มลทิน​อะหยัง​เลย​หื้อ​กับ​พระองค์​เอง

เอเฟซัส 5:27 ပူးပေါင်းရင်းမြစ်များ

2 โครินธ์ 11:2

ย้อน​ว่า​ข้าพเจ้า​ขาง​หมู่​ต้าน​เหมือน​ตี้​พระเจ้า​ขาง ย้อน​ว่า​หมู่​ต้าน​เป๋น​เหมือน​สาว​บริสุทธิ์​ตี้​บ่มี​มลทิน ตี้​ข้าพเจ้า​ได้​หมั้น​หมาย​หื้อ​กับ​ป้อจาย​คน​เดียว​คือ พระคริสต์

2 โครินธ์ 4:14

ย้อน​เฮา​ฮู้​ว่า​พระเจ้า​ผู้​ตี้​เยียะ​หื้อ​พระเยซู​เป๋น​ขึ้น​จาก​ความ​ต๋าย ก็​จะ​เยียะ​หื้อ​เฮา​เป๋น​ขึ้น​จาก​ความ​ต๋าย​ตวย​กั๋น​กับ​พระเยซู กับ​พระเจ้า​ก็​จะ​ปา​เฮา​กับ​หมู่​ต้าน​มา​อยู่​ต่อหน้า​พระองค์

เอเฟซัส 1:4

ก่อน​สร้าง​โลก​นี้​พระเจ้า​ก็​ได้​เลือก​เฮา​เป๋น​คน​ของ​พระองค์​แล้ว ใน​ตาง​ความ​สัมพันธ์​กับ​พระคริสต์ เปื้อ​หื้อ​เฮา​เป๋น​คน​บริสุทธิ์ บ่มี​ตี้​ติ​ใน​สายต๋า​พระเจ้า

โคโลสี 1:22

แต่​บ่าเดี่ยวนี้​พระเจ้า​ได้​หื้อ​ต้าน​คืนดี​กับ​พระองค์ ผ่าน​ตาง​ก๋าน​ต๋าย​ฝ่าย​เนื้อหนัง​ของ​พระเยซู เปื้อ​เมื่อ​พระองค์​นำ​หมู่​ต้าน​มา​อยู่​ต่อหน้า​พระเจ้า หมู่​ต้าน​จะ​เป๋น​คน​ตี้​บริสุทธิ์ บ่มี​ต๋ำหนิ บ่มี​ตี้​ติ

โคโลสี 1:28

เฮา​บอก​เรื่อง​พระคริสต์ ตึง​เตื๋อน​ตึง​สั่ง​สอน​หื้อ​กู้​คน​ต๋าม​ผญา​ปั๋ญญา​ตึงหมด​ตี้​เฮา​มี เปื้อ​กู้​คน​ตี้​เป๋น​อัน​นึ่ง​อัน​เดียว​กั๋น​กับ​พระคริสต์ จะ​เป๋น​คน​ตี้​เติบโต​ใน​ความ​เจื้อ​อย่าง​สมบูรณ์ เมื่อ​เฮา​นำ​ไป​อยู่​ต่อหน้า​พระเจ้า

1 เธสะโลนิก๋า 5:23

ขอ​พระเจ้า​ผู้​ตี้​หื้อ​สันติสุข เยียะ​หื้อ​ต้าน​ตังหลาย​เป๋น​คน​บริสุทธิ์​สะอาด​ตังมวล ขอ​พระองค์​ฮักษา​วิญญาณ​ตึง​จิตใจ๋​ตึง​ตั๋ว​ของ​ต้าน​ไว้​หื้อ​หมดใส​จาก​ก๋าน​ต๋ำหนิ​ติเตี๋ยน จ๋น​แผว​วัน​ตี้​พระเยซู​คริสต์​ปิ๊ก​มา

ฮีบรู 9:14

แล้ว​เลือด​ของ​พระเยซู​คริสต์​จะ​ซ่วย​ล้าง​เฮา​นัก​เหลือ​นั้น​มอก​ใด ย้อน​โดย​ตาง​พระวิญญาณ​ตี้​อยู่​ตลอด​ไป พระคริสต์​ถวาย​ตั๋ว​เป๋น​เครื่องปู่จา​ตี้​บ่มี​ต๋ำหนิ​ต่อ​พระเจ้า เลือด​ของ​พระองค์​ก็​สามารถ​ซ่วย​ล้าง​จิต​สำนึก​ของ​เฮา​หื้อ​บริสุทธิ์​ป๊น​จาก​ก๋าน​เยียะ​ตี้​นำ​ไป​เถิง​ความ​ต๋าย เปื้อ​เฮา​จะ​ได้​ฮับใจ๊​พระเจ้า​ผู้​มี​จีวิต​อยู่

1 เปโตร 1:19

แต่​ใจ๊​เลือด​ของ​พระคริสต์​ตี้​มี​ก้า​นัก​ขนาด ตี้​เป๋น​เหมือน​เลือด​ของ​ลูก​แกะ​ตี้​บ่มี​ตี้​ติ​เลย

2 เปโตร 3:14

จาอั้น เปื้อน​ตี้​ฮัก​เหย เมื่อ​หมู่​ต้าน​ได้​ตั้งหน้า​ตั้ง​ต๋า​กอย​ถ้า​สิ่ง​หมู่​นี้​อยู่​นั้น ก็​หื้อ​ฮิ​มี​ใจ๋​ตี้​สงบ​สุข บ่มี​มลทิน​กับ​บ่มี​ตี้​ติ​ใน​สาย​ต๋า​ของ​พระเจ้า

ยูดา 1:21

หื้อ​ยึดมั่น​อยู่​ใน​ความ​ฮัก​ของ​พระเจ้า ใน​หละหว่าง​ตี้​หมู่​ต้าน​กอย​ถ้า​พระเยซู​คริสต์​องค์​พระ​ผู้​เป๋น​เจ้า​ของ​เฮา มา​โผด​หื้อ​หมู่​ต้าน​มี​จีวิต​นิรันดร์ ย้อน​ความ​เมตต๋า​ของ​พระองค์

ยูดา 1:24

พระเจ้า​ผู้​ตี้​ฮักษา​หมู่​ต้าน​ไว้​บ่หื้อ​ก้น​ลง กับ​จะ​นำ​หมู่​ต้าน​ไป​ยืน​อยู่​ต่อหน้า​พระสิริ​ของ​พระองค์ อย่าง​คน​ตี้​บ่มี​ต๋ำหนิ กับ​มี​ความ​จื้นจมยินดี

วิวรณ์ 14:4

คน​หมู่​นี้​บ่เกย​แปด​เปื้อน​จาก​ก๋าน​มี​เพศ​สัมพันธ์​กับ​แม่ญิง หมู่​เขา​ติดต๋าม​ลูก​แกะ​ไป​กู้​หน​กู้​แห่ง พระองค์​ได้​ไถ่​หมู่​เขา​ออก​จาก​คน​ตังหลาย​บน​โลก เปื้อ​หื้อ​เป๋น​ผล​แรก​ตี้​เก็บเกี่ยว​เอา​มา​ปู่จา​พระเจ้า​กับ​ลูก​แกะ