โคโลสี 4:2 - พระคริสตธรรมคัมภีร ภาคพันธสัญญาใหม

² หื้อ​เอา​แต๊​เอา​ว่า​ใน​ก๋าน​อธิษฐาน หื้อ​อธิษฐาน​อย่าง​ตื่น​ตั๋ว​อยู่​เสมอ​กับ​มี​ใจ๋​ขอบพระคุณ​พระเจ้า

โคโลสี 4:2 ပူးပေါင်းရင်းမြစ်များ

มัทธิว 26:41

หื้อ​เฝ้า​หละวัง​กับ​อธิษฐาน​ตวย เปื้อ​ว่า​ต้าน​จะ​บ่ตก​อยู่​ใน​อำนาจ​ของ​ก๋าน​ลองใจ๋ เถิง​แม้​ว่า​จิตใจ๋​ฝ่าย​วิญญาณ​ใค่​ยอม​เยียะ แต่​ตั๋ว​ของ​คน​เฮา​ยัง​อ่อนแอ​อยู่”

มาระโก 13:33

จง​เฝ้า​หละวัง​ตื่น​ตั๋ว​ไว้​หื้อ​ดี ย้อน​ต้าน​บ่ฮู้​ว่า​วัน​เวลา​นั้น​จะ​มา​แผว​เมื่อใด

ลูก๋า 18:1

พระเยซู​อู้​กำเผียบ​ข้อ​นึ่ง​หื้อ​หมู่​สาวก​ฟัง​เปื้อ​จะ​สอน​ว่า คน​ตังหลาย​ควร​อธิษฐาน​อยู่​เสมอ​อย่าง​บ่อ่อนใจ๋

ลูก๋า 21:36

หื้อ​เฝ้า​หละวัง​อยู่​ตลอด​กับ​อธิษฐาน​ตึง​วัน เปื้อ​หมู่​ต้าน​จะ​มี​ก๋ำลัง​ตี้​จะ​ป๊น​จาก​เหตุก๋ารณ์​ตังมวล​ตี้​จะ​เกิด​ขึ้น แล้ว​จะ​ยืน​อยู่​ต่อหน้า​บุตรมนุษย์​ได้”

กิจก๋าน 1:14

หมู่​เขา​พร้อม​ใจ๋​กั๋น​อธิษฐาน​เจื่อๆ ฮ่วม​กับ​หมู่​แม่ญิง​ตึง​นาง​มารีย์​แม่​ของ​พระเยซู​ตึง​หมู่​น้อง​ของ​พระองค์​ตวย

โรม 12:12

หื้อ​จื้นจม​ยินดี​ย้อน​มี​ความ​หวัง หื้อ​อดทน​ต่อ​ความ​ตุ๊ก​ยาก หื้อ​หมั่น​อธิษฐาน

เอเฟซัส 6:18

หื้อ​อธิษฐาน​ใน​กู้ๆ โอกาส กู้ๆ เรื่อง โดย​หื้อ​พระวิญญาณ​จ้วย​นำ​หมู่​ต้าน​อธิษฐาน ย้อน​จาอี้​หื้อ​เฝ้า​หละวัง​หื้อ​ดี กับ​ห้าม​ขาด​ก๋าน​อธิษฐาน​เผื่อ​คน​ของ​พระเจ้า

ฟีลิปปี 4:6

บ่ดี​ฮ้อนใจ๋​ใน​เรื่อง​ใดๆ เลย แต่​ใน​กู้​สถานก๋ารณ์ หื้อ​ขอ​จาก​พระเจ้า​ใน​สิ่ง​ตี้​ต้าน​ต้องก๋าน​ด้วย​ก๋าน​อธิษฐาน ก๋าน​อ้อนวอน กับ​ก๋าน​ขอบ​พระคุณ

โคโลสี 1:9

ย้อน​จาอี้ นับ​ตั้งแต่​ตี้​เฮา​ได้ยิน​เรื่อง​เกี่ยวกับ​หมู่​ต้าน เฮา​ก็​อธิษฐาน​เผื่อ​ต้าน​บ่เกย​ขาด เฮา​ขอ​พระเจ้า​โผด​หื้อ​ต้าน​ฮู้​ความ​ต้องก๋าน​ของ​พระเจ้า คือ​มี​ปั๋ญญา​กู้​อย่าง กับ​ความ​เข้าใจ๋​อย่าง​ถองแกะ​ถองแก๋น​ตี้​มา​จาก​พระวิญญาณ

โคโลสี 2:7

หื้อ​มั่นคง​ใน​ความ​เจื้อ​กับ​วางใจ๋​ใน​พระเยซู กับ​หื้อ​จีวิต​ของ​ต้าน​เติบโต​ใน​ความ​สัมพันธ์​กับ​พระองค์​นัก​ขึ้น หื้อ​เข้มแข็ง​ใน​ความ​เจื้อ​ต๋าม​ตี้​ต้าน​ได้​เฮียนฮู้​เรื่อง​นี้​มา​แล้ว กับ​หื้อ​ขอบ​พระคุณ​พระเจ้า​อย่าง​ล้น​เหลือ

โคโลสี 3:15

หื้อ​สันติสุข​ตี้​มา​จาก​พระคริสต์​นำ​ปา​จิตใจ๋​ของ​หมู่​ต้าน ย้อน​ใน​หมู่​ต้าน​กู้​คน​เป๋น​ส่วน​ต่างๆ ใน​ตั๋ว​เดียว​กั๋น กับ​พระเจ้า​ฮ้อง​หมู่​ต้าน​หื้อ​อยู่​ตวย​กั๋น​อย่าง​มี​สันติสุข หื้อ​ขอบ​พระคุณ​พระเจ้า​ตวย

โคโลสี 3:17

แล้ว​อะหยัง​ก็​ต๋าม​ตี้​ต้าน​อู้​กาว่า​เยียะ ก็​หื้อ​เยียะ​ใน​นาม​ของ​พระเยซู​องค์​พระ​ผู้​เป๋น​เจ้า กับ​ขอบ​พระคุณ​พระเจ้า​พระบิดา ผ่าน​ตาง​พระเยซู

โคโลสี 4:12

เอปาฟรัส ตี้​เป๋น​จาว​โคโลสี​เหมือน​กั๋น กับ​เป๋น​ผู้​ฮับใจ๊​ของ​พระเยซู​คริสต์ ก็​ฝาก​กำ​กึ๊ดเติง​หา​ต้าน​ตวย เขา​อธิษฐาน​อย่าง​หนัก​เผื่อ​ต้าน​บ่เกย​ขาด เปื้อ​หื้อ​ต้าน​มั่นคง​ใน​ความ​เจื้อ เป๋น​เหมือน​คน​ตี้​ใหญ่​แล้ว กับ​เจื้อ​มั่น​ใน​ก๋าน​เยียะ​ต๋าม​ความ​ต้อง​ก๋าน​ของ​พระเจ้า

1 เปโตร 4:7

ใก้​เถิง​วัน​สิ้น​โลก​แล้ว หมู่​ต้าน​ต้อง​ตั้ง​สติ​ไว้​หื้อ​ดี สงบ​จิต​สงบ​ใจ๋ เปื้อ​หมู่​ต้าน​จะ​อธิษฐาน​ได้