โคโลสี 4:10 - พระคริสตธรรมคัมภีร ภาคพันธสัญญาใหม

¹⁰ อาริสทารคัส​คน​ตี้​ติด​คอก​กับ​ข้าพเจ้า ก็​ฝาก​กำ​กึ๊ดเติง​มา​หื้อ​ต้าน มาระโก​ตี้​เป๋น​ลูก​ปี้​ลูก​น้อง​ของ​บารนาบัส​ก็​ฝาก​กำ​กึ๊ดเติง​หา​มา​เหมือน​กั๋น (​ต้าน​ได้ฮับ​กำสั่ง​เรื่อง​ของ​มาระโก​แล้ว ถ้า​เขา​มา​หา​ต้าน​ก็​หื้อ​ต้อนฮับ​เขา​ตวย​)

โคโลสี 4:10 ပူးပေါင်းရင်းမြစ်များ

กิจก๋าน 12:12

เมื่อ​เปโตร​กึ๊ด​จาอี้​แล้ว ก็​ไป​ตี้​บ้าน​ของ​มารีย์​แม่​ของ​ยอห์น​ตี้​มี​แหม​จื้อ​ว่า​มาระโก ตี้​หั้น​มี​หลาย​คน​จุมนุม​อธิษฐาน​กั๋น​อยู่

กิจก๋าน 12:25

เมื่อ​บารนาบัส​กับ​เซาโล​เยียะ​ก๋าน​ตี้​ฮับ​มอบหมาย​เสร็จ​แล้ว คือ​เอา​สตางค์​มา​จ้วยเหลือ ก็​ปา​กั๋น​เตียวตาง​ออก​จาก​กรุง​เยรูซาเล็ม​ปิ๊ก​ไป​เมือง​อันทิโอก กับ​ปา​ยอห์น​ตี้​มี​แหม​จื้อ​ว่า​มาระโก​ไป​ตวย

กิจก๋าน 13:13

เปาโล​กับ​หมู่​ของ​ต้าน​ลง​เฮือ​จาก​เมือง​ปาโฟส​ไป​เมือง​เปอร์กา​ใน​แคว้น​ปัมฟีเลีย แต่​ยอห์น​แยก​ตั๋ว​ออก​จาก​หมู่​เขา​ปิ๊ก​ไป​กรุง​เยรูซาเล็ม

กิจก๋าน 13:5

เมื่อ​มา​แผว​เมือง​ซาลามิส​ใน​เกาะ​นั้น หมู่​เขา​บอก​เรื่อง​ถ้อยกำ​ของ​พระเจ้า​ใน​ธรรมศาลา​ของ​จาว​ยิว ยอห์น​ตี้​มี​แหม​จื้อ​ว่า​มาระโก​ก็​อยู่​ตวย​ใน​ฐานะ​ผู้จ้วย

กิจก๋าน 19:29

ใคว่​ตึง​เมือง​ก็​วุ่นวาย​สับสน​กั๋น​ไป​หมด หมู่​จาว​เมือง​ยับ​จาว​มาซิโดเนีย​สอง​คน​คือ​กายอัส​กับ​อาริสทารคัส​ตี้​เป๋น​เปื้อน​ฮ่วม​เตียวตาง​ของ​เปาโล แล้ว​ลาก​ตวย​หมู่​คน​ตี้​ล่น​เข้า​ไป​ใน​โฮงละคร​ใหญ่

กิจก๋าน 20:4

เปาโล​มี​เปื้อน​ฮ่วม​เตียวตาง​ไป​หลาย​คน คือ​โสปาเทอร์​ลูกบ่าว​ของ​ปีรัส​จาว​เมือง​เบโรอา อาริสทารคัส​กับ​เสคุนดัส​จาว​เมือง​เธสะโลนิก๋า กายอัส​จาว​เมือง​เดอร์บี ทิโมธี​จาว​เมือง​ลิสตรา กับ​ทีคิกัส​ตึง​โตรฟีมัส​จาว​แคว้น​เอเชีย

กิจก๋าน 27:2

มี​เฮือ​ลำ​นึ่ง​มา​จาก​เมือง​อัดรามิททิยุม เฮือ​ลำ​นี้​ก่ำลัง​จะ​ไป​ต๋าม​ต้าเฮือ​ต่างๆ ต๋าม​แนว​ฝั่ง​ของ​แคว้น​เอเชีย หมู่​เฮา​ก็​ลง​เฮือ​ลำ​นี้​ออก​ทะเล​ไป มี​จาว​มาซิโดเนีย​คน​นึ่ง​จื้อ​อาริสทารคัส เขา​ลุก​จาก​เมือง​เธสะโลนิก๋า​ไป​กับ​หมู่​เฮา​ตวย

กิจก๋าน 4:36

เหมือน​กับ​ตั๋วอย่าง​ของ​โยเซฟ​คน​ตี้​หมู่​อัครทูต​ฮ้อง​ว่า​บารนาบัส (​หมายเถิง คน​ตี้​หื้อ​ก๋ำลังใจ๋​) เป๋น​จาว​เลวี เขา​เกิด​ตี้​เกาะ​ไซปรัส

โรม 16:2

ขอ​หมู่​ต้าน​ต้อน​ฮับ​นาง​ใน​นาม​องค์​พระ​ผู้​เป๋น​เจ้า หื้อ​สม​กับ​เป๋น​คน​ของ​พระเจ้า ขอ​จ้วยเหลือ​นาง​ต๋าม​ตี้​นาง​ต้องก๋าน ย้อน​ว่า​นาง​เกย​จ้วยเหลือ​หลาย​คน​ตึง​ข้าพเจ้า​ตวย

โรม 16:7

ขอ​ฝาก​กำ​กึ๊ดเติง​หา​อันโดรนิคัส​กับ​ยูนีอัส​ผู้​เป๋น​ปี้น้อง​จาว​ยิว​ตี้​เกย​ถูก​ขัง​คอก​ตวย​ข้าพเจ้า ตึง​สอง​คน​นี้​เป๋น​คน​มี​จื้อเสียง​ดี​ใน​หมู่​อัครทูต กับ​ได้​เจื้อ​พระเยซู​คริสต์​ก่อน​ข้าพเจ้า

2 ทิโมธี 4:11

เหลือ​ลูก๋า​เต้าอั้น​ตี้​ยัง​อยู่​กับ​ข้าพเจ้า ขอ​ไป​ตวย​หา​มาระโก ปา​เขา​มา​ตวย​เน่อ ย้อน​ว่า​เขา​จ้วย​งาน​ข้าพเจ้า​ได้

ฟีเลโมน 1:23

เอปาฟรัส​ตี้​ติด​คอก​เปื้อ​พระเยซู​คริสต์​ตวย​ข้าพเจ้า​นั้น ฝาก​กำ​กึ๊ด​เติง​มา​หา​ต้าน

ฟีเลโมน 1:24

กับ​มาระโก อาริสทารคัส เดมาส กับ​ลูก๋า เซิ่ง​เป๋น​เปื้อน​ฮ่วม​ฮับใจ๊​ของ​ข้าพเจ้า​ก็​ฝาก​กำกึ๊ดเติง​มา​หา​ต้าน​เหมือน​กั๋น

1 เปโตร 5:13

คริสตจักร​ตี้​เมือง​บาบิโลน​ตี้​พระเจ้า​ได้​เลือก​ไว้​เหมือน​กับ​หมู่​ต้าน ได้​ฝาก​กำ​กึ๊ด​เติง​มา​หา​หมู่​ต้าน มาระโก​ตี้​เป๋น​เหมือน​ลูก​ของ​ข้าพเจ้า​ก็​ฝาก​กำ​กึ๊ด​เติง​หา​หมู่​ต้าน​ตวย