กิจก๋าน 9:36 - พระคริสตธรรมคัมภีร ภาคพันธสัญญาใหม

³⁶ ตี้​เมือง​ยัฟฟา​มี​ผู้เจื้อ​เป๋น​แม่ญิง​คน​นึ่ง​จื้อ​ทาบิธา​เป๋น​ภาษา​ฮีบรู แต่​ภาษา​กรีก​ว่า​โดรคัส​แป๋​ว่า​กว๋าง นาง​เป๋น​คน​จ้วย​เอา​ใจ๋ใส่​กับ​หื้อ​ตาน​แก่​คน​ตุ๊ก​คน​ยาก​มา​ตลอด

กิจก๋าน 9:36 ပူးပေါင်းရင်းမြစ်များ

มัทธิว 25:17

คน​ฮับใจ๊​ตี้​ได้​สอง​ตะลันต์ ก็​เอา​ไป​เป๋น​ตืน​ก๊า​ขาย​เหมือน​กั๋น แล้ว​ก็​ได้​ก่ำไฮ​มา​แหม​สอง​ตะลันต์

ยอห์น 15:5

“เฮา​เป๋น​เคือ​องุ่น หมู่​ต้าน​เป๋น​กิ่ง ใผ​ตี้​ติด​อยู่​กับ​เฮา​และ​เฮา​ติด​อยู่​กับ​เขา คน​นั้น​ก็​จะ​ออก​หน่วย​นัก ย้อน​ถ้า​ใผ​แยก​จาก​เฮา เขา​ก็​เยียะ​อะหยัง​บ่ได้​เลย

ยอห์น 15:8

ถ้า​หมู่​ต้าน​ออก​หน่วย​นัก หมู่​ต้าน​ก็​จะ​เยียะ​หื้อ​หัน​ว่า​หมู่​ต้าน​เป๋น​สาวก​ของ​เฮา กับ​จะ​เยียะ​หื้อ​กู้​คน​หัน​เถิง​ความ​ยิ่งใหญ่​ของ​พระบิดา

กิจก๋าน 10:23

เปโตร​ก็​เลย​จวน​ป้อจาย​ตึง​สาม​ย้าง​ตี้​บ้าน​นั้น แจ้งเจ๊า​มา​เปโตร​ไป​ตวย​หมู่​เขา มี​ปี้น้อง​ผู้เจื้อ​บาง​คน​จาก​เมือง​ยัฟฟา​ติดต๋าม​ไป​ตวย

กิจก๋าน 10:31

แล้ว​อู้​ว่า ‘โครเนลิอัส​เหย พระเจ้า​ฟัง​กำ​อธิษฐาน​ของ​เจ้า​แล้ว ก็​ฮู้​ก็​หัน​เถิง​ตาน​ตี้​จ้วยเหลือ​คน​ตุ๊ก​คน​จ๋น

กิจก๋าน 10:8

แล้ว​ก็​เล่า​เรื่อง​ตี้​เกิด​ขึ้น​ตึงหมด​ตึงเสี้ยง​หื้อ​หมู่​เขา​ฟัง จาก​นั้น​ก็​ส่ง​หมู่​เขา​ไป​เมือง​ยัฟฟา

กิจก๋าน 11:13

โครเนลิอัส​ก็​อู้​หื้อ​หมู่​เฮา​ฟัง​ว่า เขา​หัน​ทูตสวรรค์​ยืน​อยู่​ใน​บ้าน​ของ​เขา แล้ว​อู้​ว่า ‘หื้อ​ส่ง​คน​ไป​ตี้​เมือง​ยัฟฟา ไป​เจิญ​ซีโมน​ตี้​คน​ฮ้อง​กั๋น​ว่า​เปโตร​มา​หา

กิจก๋าน 11:5

“ต๋อน​ตี้​ข้าพเจ้า​ก่ำลัง​อธิษฐาน​ตี้​เมือง​ยัฟฟา​นั้น ข้าพเจ้า​อยู่​ใน​ภาวะ​เกิ่ง​หลับ​เกิ่ง​ตื่น แล้ว​หัน​นิมิต มี​อย่าง​นึ่ง​ผ่อ​เหมือน​ผ้า​สี่​แจ่ง​ผืน​ใหญ่​ลง​มา​เอง​เหมือน​ว่า​มี​คน​ก๋ำ​แจ่ง​ผ้า​ลง​มา​จาก​ฟ้า​มา​หา​ข้าพเจ้า

กิจก๋าน 9:38

เมือง​ลิดดา​กับ​เมือง​ยัฟฟา​อยู่​บ่ไก๋​กั๋น เมื่อ​หมู่​ผู้เจื้อ​ได้ยิน​ว่า​เปโตร​อยู่​ใน​เมือง​ลิดดา หมู่​เขา​ก็​ใจ๊​ป้อจาย​สอง​คน​ไป​อ้อนวอน​เจิญ​เปโตร​ว่า “ขอ​มา​เวยๆ เต๊อะ”

กิจก๋าน 9:42

เรื่อง​นี้​ฮู้​กั๋น​ไป​ใคว่​เมือง​ยัฟฟา เยียะ​หื้อ​มี​หลาย​คน​มา​ฮับเจื้อ​องค์​พระ​ผู้​เป๋น​เจ้า

เอเฟซัส 2:10

เฮา​เป๋น​ผล​งาน​ของ​พระเจ้า​ตี้​พระองค์​สร้าง​ขึ้น​ผ่าน​ตาง​พระเยซู​คริสต์ เปื้อ​หื้อ​เฮา​เยียะ​สิ่ง​ดีๆ ตี้​พระองค์​เกียม​ไว้​หื้อ​เฮา​เยียะ​ก่อน​แล้ว

ฟีลิปปี 1:11

พระเยซู​คริสต์​จะ​เยียะ​หื้อ​จีวิต​ของ​หมู่​ต้าน​เต๋ม​ไป​ด้วย​ความ​ดี​งาม เซิ่ง​จะ​เยียะ​หื้อ​พระเจ้า​ได้ฮับ​เกียรติ​กับ​ได้ฮับ​ก๋าน​สรรเสริญ

โคโลสี 1:10

เปื้อ​ต้าน​จะ​ใจ๊​จีวิต​ตี้​เปิง​เป๋น​คน​ของ​พระเจ้า กับ​เยียะ​หื้อ​พระองค์​ปอใจ๋​ใน​กู้​อย่าง คือ​หื้อ​ต้าน​เกิด​ผล​ใน​ก๋าน​ดี​กู้​เรื่อง กับ​ฮู้จัก​พระเจ้า​นัก​ขึ้น

1 เธสะโลนิก๋า 4:10

ความ​จริง​ต้าน​ตังหลาย​ก็​ฮัก​หมู่​ปี้น้อง​ผู้เจื้อ​ใคว่​แคว้น​มาซิโดเนีย​อยู่​แล้ว แต่​ปี้น้อง​ตังหลาย หมู่​เฮา​อ้อนวอน​ต้าน​หื้อ​ฮัก​หมู่​เขา​นัก​ขึ้น​แหม

1 ทิโมธี 5:10

เขา​จะ​ต้อง​มี​จื้อเสียง​ดี​ใน​ก๋าน​เยียะ​ความ​ดี เกย​เอาใจ๋​ใส่​ผ่อ​กอย​ลูก​เต้า มี​น้ำใจ๋​ฮับ​แขก ถ่อมตั๋ว​ฮับใจ๊​คน​ของ​พระเจ้า จ้วยเหลือ​คน​ตุ๊ก กับ​หมั่น​เยียะ​ความ​ดี​กู้​อย่าง

ทิตัส 2:14

พระองค์​ต๋าย​เปื้อ​เฮา เปื้อ​ไถ่​เฮา​หื้อ​ป๊น​อำนาจ​บาป​ตึงหมด​ตึงเสี้ยง กับ​เปื้อ​เยียะ​หื้อ​เฮา​บริสุทธิ์ แล้ว​จะ​ได้​เป๋น​คน​ของ​พระเจ้า​ตี้​เอา​แต๊​เอา​ว่า​ใน​ก๋าน​เยียะ​ความ​ดี

ทิตัส 2:7

ใน​กู้​สิ่ง​กู้​อย่าง​ต้าน​ต้อง​เยียะ​ดี​เป๋น​ตั๋ว​อย่าง​ต่อ​หมู่​เขา เมื่อ​ต้าน​สอน หื้อ​สอน​อย่าง​ซื่อสัตย์​กับ​เอา​แต๊​เอา​ว่า

ทิตัส 3:8

กำ​อู้​นี้​เจื้อถือ​ได้ ข้าพเจ้า​ใค่​หื้อ​ต้าน​เน้น​เรื่อง​นี้ เปื้อ​ว่า​คน​ตี้​เจื้อ​พระเจ้า​จะ​ได้​ทุ่มเท​เยียะ​ความ​ดี เซิ่ง​เป๋น​สิ่ง​ตี้​ดี​กับ​มี​ประโยชน์​สำหรับ​กู้​คน

ฮีบรู 13:21

โผด​หื้อ​กู้​สิ่ง​กู้​อย่าง​ตี้​ดี​กับ​ต้าน​ตังหลาย เปื้อ​หมู่​ต้าน​จะ​เยียะ​ตวย​ต๋าม​ความ​ต้องก๋าน​ของ​พระองค์ ขอ​หื้อ​พระองค์​เยียะ​ก๋าน​อยู่​ใน​หมู่​เฮา​ต๋าม​ตี้​พระองค์​เปิงใจ๋ โดย​ผ่าน​ตาง​พระเยซู​คริสต์ ขอ​หื้อ​พระองค์​ได้​ฮับ​เกียรติ​ตลอดไป อาเมน

ยากอบ 1:27

ศาสนา​ตี้​บริสุทธิ์​กับ​ตี้​แต๊​จริง​ใน​สายต๋า​ของ​พระเจ้า​พระบิดา ก็​คือ ก๋าน​จ้วยเหลือ​หละอ่อน​ก่ำพร้า​กับ​หมู่​แม่​หม้าย​ตี้​ได้ฮับ​ความ​ตุ๊กยาก และ​ฮักษา​ตั๋ว​หื้อ​ป๊น​จาก​บาป​ของ​โลก​นี้