กิจก๋าน 9:20 - พระคริสตธรรมคัมภีร ภาคพันธสัญญาใหม

²⁰ แล้ว​เซาโล​ก็​บ่รอ​จ๊า​ตี้​จะ​ไป​ธรรมศาลา​ของ​จาว​ยิว แล้ว​ตั้งเก๊า​บอก​เรื่อง​ของ​พระเยซู​ว่า “พระองค์​เป๋น​พระบุตร​ของ​พระเจ้า”

กิจก๋าน 9:20 ပူးပေါင်းရင်းမြစ်များ

มัทธิว 27:43

เขา​ไว้​ใจ๋​พระเจ้า ถ้า​พระเจ้า​ต้องก๋าน​จ้วย​จีวิต​เขา ก็​หื้อ​พระเจ้า​จ้วย​เขา​บ่าเดี่ยว​นี้ ย้อน​เขา​อู้​ว่า ‘เฮา​เป๋น​พระบุตร​ของ​พระเจ้า’ ”

มัทธิว 27:54

เมื่อ​นายร้อย​กับ​หมู่​ทหาร​ตี้​เฝ้า​พระเยซู​อยู่​หัน​แผ่นดิน​ไหว​กับ​เหตุก๋ารณ์​ตึงหมด​ตี้​เกิด​ขึ้น ก็​กั๋ว​กั๋น​ขนาด อู้​ว่า “แต๊ๆ แล้ว​ต้าน​คน​นี้​เป๋น​พระบุตร​ของ​พระเจ้า”

มัทธิว 4:3

มาร​ก็​มา​อู้​กับ​พระองค์​ว่า “ถ้า​ต้าน​เป๋น​พระบุตร​ของ​พระเจ้า หื้อ​สั่ง​บ่าหิน​หมู่​นี้​เป๋น​เข้าหนมปัง​แล่”

ยอห์น 1:49

นาธานาเอล​ก็​บอก​ว่า “อาจ๋ารย์ ต้าน​เป๋น​พระบุตร​ของ​พระเจ้า กับ​เป๋น​กษัตริย์​ของ​จาว​อิสราเอล​แต๊ๆ”

ยอห์น 19:7

หมู่​จาว​ยิว​ก็​อู้​กับ​ปีลาต​ว่า “หมู่​เฮา​มี​กฎหมาย ต๋าม​กฎ​นั้น​เขา​สมควร​ต๋าย ย้อน​เขา​ยก​ตั๋ว​เป๋น​พระบุตร​ของ​พระเจ้า”

ยอห์น 20:28

แล้ว​โธมัส​ก็​ฮ้อง​ขึ้น​มา​ว่า “องค์​พระผู้เป๋นเจ้า พระเจ้า​ของ​ข้า​พระองค์”

ยอห์น 20:31

แต่​ตี้​ได้​เขียน​สิ่ง​หมู่​นี้​ลง​ไป​ก็​เปื้อ​หมู่​ต้าน​จะ​เจื้อ​ว่า พระเยซู​เป๋น​พระคริสต์ คือ​พระบุตร​ของ​พระเจ้า และ​ถ้า​ใผ​วางใจ๋​พระองค์ ก็​จะ​มี​จีวิต​นิรันดร์

กิจก๋าน 13:14

จาก​เมือง​เปอร์กา​ต้าน​หมู่​นั้น​ก็​ยัง​เตียวตาง​ต่อ​ไป​จ๋น​แผว​เมือง​อันทิโอก​ใน​แคว้น​ปิสิเดีย เมื่อ​เถิง​วัน​สะบาโต เปาโล​กับ​บารนาบัส​เข้า​ไป​นั่ง​ฮ่วม​ใน​ธรรมศาลา​ของ​จาว​ยิว

กิจก๋าน 13:33

โดย​เยียะ​หื้อ​พระเยซู​เป๋น​ขึ้น​จาก​ความ​ต๋าย อย่าง​ตี้​เขียน​ไว้​ใน​หนังสือ​สดุดี​บท​ตี้​สอง​ว่า ‘เจ้า​เป๋น​ลูก​ของ​เฮา วัน​นี้​เฮา​ได้​เป๋น​ป้อ​ของ​เจ้า’

กิจก๋าน 13:46

แต่​เปาโล​กับ​บารนาบัส​อู้​อย่าง​บ่กั๋ว​ใผ​ว่า “จ๋ำเป๋น​ตี้​จะ​ต้อง​อู้​เถิง​ถ้อยกำ​ของ​พระเจ้า​หื้อ​ต้าน​ตังหลาย​ฟัง​ก่อน แต่​เมื่อ​ต้าน​ตังหลาย​บ่เอา กับ​หัน​ว่า​ตั๋ว​เอง​นี้​บ่เหมาะ​บ่เปิง​ตี้​จะ​ฮับ​จีวิต​นิรันดร์​แล้ว จาอั้น​หมู่​เฮา​จะ​ปา​กั๋น​ไป​หา​คน​ต่างจ้าด

กิจก๋าน 13:5

เมื่อ​มา​แผว​เมือง​ซาลามิส​ใน​เกาะ​นั้น หมู่​เขา​บอก​เรื่อง​ถ้อยกำ​ของ​พระเจ้า​ใน​ธรรมศาลา​ของ​จาว​ยิว ยอห์น​ตี้​มี​แหม​จื้อ​ว่า​มาระโก​ก็​อยู่​ตวย​ใน​ฐานะ​ผู้จ้วย

กิจก๋าน 14:1

ตี้​เมือง​อิโคนียูม​หั้น​ก็​เหมือน​กั๋น คือ​เปาโล​กับ​บารนาบัส​เข้า​ไป​ใน​ธรรมศาลา​ของ​จาว​ยิว หมู่​ต้าน​บอก​ข่าวดี​เก่ง​ขนาด​จ๋น​จาว​ยิว​กับ​คน​ต่างจ้าด​จ๋ำนวน​นัก​ฮับเจื้อ

กิจก๋าน 16:13

เมื่อ​เถิง​วัน​สะบาโต หมู่​เฮา​ออก​จาก​ปะตู๋​เมือง​ไป​ตี้​แม่น้ำ เฮา​กึ๊ด​กั๋น​ว่า​จะ​มี​จาว​ยิว​จุมนุม​กั๋น​อธิษฐาน​ใน​ตี้​นึ่ง​ตั๊ด​หั้น เมื่อ​ปะ​แล้ว​ก็​นั่ง​อู้​กับ​หมู่​แม่ญิง​ตี้​มา​จุมนุม​กั๋น​อยู่​ตี้​หั้น

กิจก๋าน 17:10

เมื่อ​ค่ำ​แล้ว หมู่​ปี้น้อง​ผู้เจื้อ​ก็​ส่ง​เปาโล​กับ​สิลาส​ไป​เมือง​เบโรอา เมื่อ​ต้าน​ตึง​สอง​คน​ไป​เถิง​ตี้​หั้น​แล้ว ก็​เข้า​ไป​ใน​ธรรมศาลา​ของ​จาว​ยิว

กิจก๋าน 17:17

ย้อนจาอั้น​ต้าน​จึง​ยก​เหตุผล​มา​ถกเถียง​กับ​จาว​ยิว​กับ​จาว​กรีก​ตี้​ยำเก๋ง​พระเจ้า​ใน​ธรรมศาลา​ของ​จาว​ยิว ตึง​คน​ตี้​อยู่​ใน​ข่วง​ก๋าง​เมือง​ตึง​วัน

กิจก๋าน 17:2

ต๋าม​ปกติ​เปาโล​ก็​ไป​ธรรมศาลา​ใน​วัน​สะบาโต แล้ว​อ้าง​พระคัมภีร์​มา​โต้ตอบ​กับ​หมู่​เขา​รวม​เป๋น​เวลา​สาม​วัน​สะบาโต

กิจก๋าน 18:19

เมื่อ​ปา​กั๋น​มา​แผว​เมือง​เอเฟซัส เปาโล​ก็​ปล่อย​ปริสคา​กับ​อาควิลลา​ไว้​ตี้​หั้น แล้ว​เข้า​ไป​ใน​ธรรมศาลา​ของ​จาว​ยิว​ยก​เหตุผล​มา​โต้เถียง​กับ​หมู่​จาว​ยิว​ใน​หั้น

กิจก๋าน 18:4

กู้​วัน​สะบาโต​เปาโล​จะ​ไป​ยก​เหตุ​ผล​โต้เถียง​ใน​ธรรมศาลา​ของ​จาว​ยิว เปื้อ​จั๊กจวน​จาว​ยิว​กับ​จาว​กรีก​หื้อ​มา​เจื้อ​ใน​สิ่ง​ตี้​อู้​เกี่ยวกับ​พระเยซู

กิจก๋าน 19:8

เปาโล​ไป​อู้​ใน​ธรรมศาลา​ของ​จาว​ยิว​อย่าง​บ่กั๋ว​ใผ​เป๋น​เวลา​สาม​เดือน เขา​ยก​เหตุ​ผล​โต้เถียง​จั๊กจวน​จาว​ยิว​หื้อ​เจื้อ​เรื่อง​แผ่นดิน​ของ​พระเจ้า

กิจก๋าน 8:36

ใน​หละหว่าง​ตี้​นั่ง​รถ​ไป​ต๋าม​ตาง​นั้น ก็​ก๋าย​ตี้​มี​น้ำ​แห่ง​นึ่ง ขันที​จึง​อู้​ว่า “ผ่อ​น้ำ​หั้น​ลอ มี​อะหยัง​ขัดข้อง​ก่อ ถ้า​เฮา​จะ​ฮับ​บัพติศมา”

กิจก๋าน 8:37

แล้ว​ฟีลิป​ก็​ตอบ​ว่า “ถ้า​ต้าน​เจื้อ​อย่าง​เต๋มใจ๋​ก็​ฮับ​บัพติศมา​ได้” ขันที​ตอบ​ว่า “เฮา​เจื้อ​ว่า​พระเยซู​คริสต์​เป๋น​บุตร​ของ​พระเจ้า”

กิจก๋าน 9:22

แต่​กำ​เตสนา​ของ​เซาโล​ก็​มี​อำนาจ​นัก​ขึ้น​ติกๆ กับ​พิสูจน์​หื้อ​จาว​ยิว​ใน​เมือง​ดามัสกัส​หัน​ว่า พระเยซู​เป๋น​พระคริสต์ เยียะ​หื้อ​หมู่​เขา​ปาก​บ่ออก​เถียง​บ่ได้

โรม 1:4

เซิ่ง​ใน​เรื่อง​ความ​เป๋น​พระเจ้า​ผู้​บริสุทธิ์ พระเจ้า​เยียะ​หื้อ​พระองค์​เป๋น​ขึ้น​จาก​ความ​ต๋าย​โดย​ฤทธิ์​อำนาจ​ของ​พระเจ้า เปื้อ​หื้อ​ฮู้​แจ้ง​กั๋น​ว่า​พระองค์​เป๋น​พระบุตร​ของ​พระเจ้า

กาลาเทีย 1:16

พระองค์​เปิงใจ๋​ตี้​จะ​เปิดเผย​เรื่อง​พระเยซู​คริสต์​พระบุตร​ของ​พระองค์​หื้อ​ข้าพเจ้า​ฮู้จัก เปื้อ​ข้าพเจ้า​จะ​ได้​บอก​ข่าวดี​เรื่อง​พระบุตร​แก่​คน​ต่างจ้าด เวลา​นั้น​ข้าพเจ้า​บ่ได้​เปิ็กษา​ใผ​คน​ใด​เลย

กาลาเทีย 2:20

ตั๋ว​ข้าพเจ้า​นี้​ได้​ถูก​เขิง​อยู่​บน​ไม้​ก๋าง​เขน​​ตวย​พระคริสต์ กับ​ได้​ต๋าย​ไป​แล้ว บ่าเดี่ยว​นี้​พระเยซู​ก็​อยู่​ใน​ตั๋ว​ของ​ข้าพเจ้า ข้าพเจ้า​ใจ๊​จีวิต​ต่อ​ไป​โดย​ก๋าน​เจื้อ​วางใจ๋​ใน​พระคริสต์ ผู้​เซิ่ง​เป๋น​พระบุตร​ของ​พระเจ้า พระองค์​ฮัก​ข้าพเจ้า​กับ​ได้​สละ​จีวิต​เปื้อ​ข้าพเจ้า

วิวรณ์ 2:18

“หื้อ​เขียน​เถิง​ทูตสวรรค์​ของ​คริสตจักร​ใน​เมือง​ธิยาทิรา​ว่า พระองค์​ผู้​ตี้​เป๋น​พระบุตร​ของ​พระเจ้า เซิ่ง​มี​ต๋า​เหมือน​เปล๋วไฟ​กับ มี​ตี๋น​เหมือน​ตองแดง​ตี้​เหลื้อม​มาบๆ อู้​ว่า