กิจก๋าน 7:56 - พระคริสตธรรมคัมภีร ภาคพันธสัญญาใหม

⁵⁶ แล้ว​สเทเฟน​อู้​ว่า “ผ่อ​หั้น​ลอ ข้าพเจ้า​หัน​สวรรค์​เปิด​ออก กับ​หัน​บุตรมนุษย์​ยืน​อยู่​ตัง​เผิก​ขวา​ของ​พระเจ้า”

กิจก๋าน 7:56 ပူးပေါင်းရင်းမြစ်များ

มัทธิว 25:31

“เมื่อ​บุตรมนุษย์​จะ​ปิ๊ก​มา​โดย​รัศมี​อัน​ยิ่งใหญ่​ฮ่วม​กับ​หมู่​ทูตสวรรค์ พระองค์​จะ​นั่ง​บน​บัลลังก์​ตี้​เต๋ม​ไป​ด้วย​รัศมี​ตี้​มา​จาก​สวรรค์

มัทธิว 3:16

เมื่อ​พระเยซู​ฮับ​บัพติศมา​แล้ว ก็​ผด​ขึ้น​มา​จาก​น้ำ แล้ว​ฟ้า​สวรรค์​ก็​แหวก​ออก พระองค์​หัน​พระวิญญาณ​ของ​พระเจ้า​มี​ฮูปฮ่าง​เหมือน​นกก๋าแก๋​ลง​มา​อยู่​บน​พระองค์

มัทธิว 8:20

พระเยซู​บอก​เขา​ว่า “หมาไน​ยัง​มี​ฮู​อยู่ นก​ใน​อากาศ​ยัง​มี​ฮัง​นอน แต่​เฮา​ผู้​เป๋น​บุตรมนุษย์​ยัง​บ่มี​ตี้​จะ​ซุก​หัว​นอน”

มาระโก 1:10

ต๋อน​ตี้​พระเยซู​ผด​ขึ้น​มา​จาก​น้ำ พระองค์​ก็​หัน​ต๊องฟ้า​แหวก​ออก​เป๋น​ฮ่อม พระวิญญาณ​มี​ฮูปฮ่าง​เหมือน​นกก๋าแก๋​ลง​มา​หา​พระองค์

ลูก๋า 3:21

เมื่อ​คน​ตังหลาย​ฮับ​บัพติศมา พระเยซู​ก็​ฮับ​ตวย ต๋อน​ตี้​พระเยซู​ก่ำลัง​อธิษฐาน​อยู่ ฟ้า​สวรรค์​ก็​แหวก​ออก​เป๋น​ฮ่อม

ยอห์น 1:51

พระองค์​ก็​อู้​ต่อ​แหม​ว่า “เฮา​จะ​บอก​ความ​จริง​แก่​ต้าน​ตังหลาย​ว่า หมู่​ต้าน​จะ​ได้​หัน​ต๊องฟ้า​เปิด​ออก​เป๋น​ฮ่อม กับ​จะ​หัน​ทูตสวรรค์​ของ​พระเจ้า​ขึ้นๆ ลงๆ อยู่​บน​บุตรมนุษย์”

กิจก๋าน 10:11

เขา​หัน​ต๊องฟ้า​เปิด​ออก แล้ว​หัน​อย่าง​นึ่ง​เหมือน​ผ้า​สี่​แจ่ง​ผืน​ใหญ่​ลง​มา​เอง​เหมือน​ว่า​มี​คน​ก๋ำ​แจ่ง​ผ้า​ลง​มา​ปื๊น​โลก

กิจก๋าน 10:16

เปโตร​หัน​จาอี้​เถิง​สาม​เตื้อ​ตวย​กั๋น แล้ว​ของ​หมู่​นั้น​ก็​ลอย​ปิ๊ก​ขึ้น​ไป​บน​ต๊องฟ้า​ตันที

กิจก๋าน 7:57

หมู่​เขา​ก็​ปา​กั๋น​ฮ้อง​เสียง​ดัง​เอา​มือ​ตึด​หู แล้ว​ปา​กั๋น​งอม​เข้า​ใส่​สเทเฟน

วิวรณ์ 11:19

จาก​นั้น​พระวิหาร​ของ​พระเจ้า​ใน​สวรรค์​ก็​เปิด​ออก ข้าพเจ้า​หัน​หีบ​ใส่​พันธสัญญา​ของ​พระองค์​ใน​พระวิหาร​นั้น กับ​มี​ฟ้า​แมบ​กับ​ฟ้า​ฮ้อง​ดัง แผ่นดินไหว กับ​ลมหลวง​มี​บ่าเห็บ​ตก​หนัก​ขนาด

วิวรณ์ 19:11

แล้ว​ข้าพเจ้า​หัน​สวรรค์​เปิด​ออก มี​ม้า​สี​ขาว​ตั๋ว​นึ่ง ผู้​ตี้​ขี่​ม้า​นั้น​มี​จื้อ​ว่า ซื่อสัตย์​เตี้ยงแต๊ ย้อน​พระองค์​ได้​ตัดสิน​ลง​โต้ษ​กับ​เยียะ​สงคราม​ต๋าม​ความ​ยุติธรรม

วิวรณ์ 4:1

หลังจาก​นั้น​ข้าพเจ้า​หัน​ปะตู๋​สวรรค์​เปิด​อ้า​อยู่​ตั๊ด​หน้า แล้ว​ข้าพเจ้า​ได้ยิน​เสียง​ตี้​เกย​อู้​กับ​ข้าพเจ้า​เตื้อ​แรก​ดัง​เหมือน​เสียง​แก​ว่า “ขึ้น​มา​บน​เพ้​เต๊อะ แล้ว​เฮา​จะ​หื้อ​ต้าน​หัน​ว่า​ต่อ​จาก​นี้​ไป​จะ​เกิด​อะหยัง​ขึ้น”