กิจก๋าน 21:27 - พระคริสตธรรมคัมภีร ภาคพันธสัญญาใหม

²⁷ เมื่อ​เวลา​ก๋ำหนด​เจ็ด​วัน​ของ​พิธี​ใก้​จะ​แล้ว มี​จาว​ยิว​บาง​คน​จาก​แคว้น​เอเชีย​หัน​เปาโล​ใน​พระวิหาร ก็​สุ่ย​คน​ตังหลาย​หื้อ​โขด​แล้ว​ยับ​เปาโล

กิจก๋าน 21:27 ပူးပေါင်းရင်းမြစ်များ

ลูก๋า 21:12

ก่อน​เหตุก๋ารณ์​หมู่​นี้​จะ​เกิด​ขึ้น หมู่​ต้าน​จะ​ถูก​ยับ​และ​โดน​ข่มเหง จะ​ถูก​ปา​ไป​ใน​ธรรมศาลา​ของ​จาว​ยิว แล้ว​ถูก​ขัง​ไว้​ใน​คอก กับ​จะ​ถูก​ปา​ไป​ตัดสิน​ความ​ต่อหน้า​กษัตริย์​กับ​เจ้าเมือง ย้อน​ว่า​หมู่​ต้าน​ติดต๋าม​เฮา

กิจก๋าน 13:50

แต่​หมู่​จาว​ยิว​ไป​สุ่ย​หมู่​แม่ญิง​คน​ต่างจ้าด​ตี้​มี​ฐานะ​ดี​กับ​นับถือ​พระเจ้า ตึง​หมู่​ป้อจาย​ตี้​เป๋นใหญ่​เป๋นโต​ใน​เมือง หื้อ​ปา​กั๋น​ค่ำเข​แล้ว​ไล่เหิบ​เปาโล​กับ​บารนาบัส​ออก​ไป​จาก​ดินแดน​ของ​หมู่​เขา​เหีย

กิจก๋าน 14:19

แล้ว​มี​จาว​ยิว​บาง​คน​มา​จาก​เมือง​อันทิโอก​กับ​เมือง​อิโคนียูม​จั๊กจวน​คน​ตังหลาย​เข้า​ฮ่วม​กับ​หมู่​เขา แล้ว​ปา​กั๋น​เอา​บ่าหิน​ขว้าง​เปาโล เมื่อ​กึ๊ด​ว่า​เปาโล​ต๋าย​แล้ว ก็​ปา​กั๋น​ลาก​ออก​ไป​ไว้​นอก​เมือง

กิจก๋าน 14:2

แต่​หมู่​จาว​ยิว​ตี้​บ่ยอม​ฮับเจื้อ​ปา​กั๋น​สุ่ย​คน​ต่างจ้าด​หื้อ​โขด​หมู่​ปี้น้อง​ผู้เจื้อ

กิจก๋าน 14:5

คน​ต่างจ้าด​กับ​จาว​ยิว​บาง​คน​ฮ่วม​กับ​หมู่​ผู้​นำ​ของ​หมู่​เขา ปา​กั๋น​วาง​แผนก๋าน​จะ​เยียะ​ฮ้าย ตึง​จะ​เอา​บ่าหิน​ขว้าง​เปาโล​กับ​บารนาบัส​หื้อ​ต๋าย

กิจก๋าน 16:6

แล้ว​เปาโล​กับ​คน​ตี้​ไป​ตวย​กั๋น​ก็​เตียวตาง​ผ่าน​เขตแดน​แคว้น​ฟรีเจีย​กับ​แคว้น​กาลาเทีย ย้อน​ว่า​ใน​เวลา​นั้น​พระวิญญาณ​บริสุทธิ์​บ่หื้อ​หมู่​ต้าน​ไป​บอก​ถ้อยกำ​ของ​พระเจ้า​ตี้​แคว้น​เอเชีย

กิจก๋าน 17:13

แต่​เมื่อ​จาว​ยิว​ใน​เมือง​เธสะโลนิก๋า​ฮู้​ว่า​เปาโล​มา​สั่ง​สอน​ถ้อยกำ​ของ​พระเจ้า​ตี้​เมือง​เบโรอา ก็​ปา​กั๋น​มา​ตี้​หั้น แล้ว​สุ่ย​จาวบ้าน​จาว​เมือง​หื้อ​ต่อต้าน​เปาโล

กิจก๋าน 18:12

ต๋อน​ตี้​กัลลิโอ​เป๋น​เจ้าเมือง​แคว้น​อาคายา​นั้น จาว​ยิว​ปา​กั๋น​หลุ้ม​ใส่​เปาโล แล้ว​ก็​ปา​ไป​ตี้​ศาล

กิจก๋าน 2:9

ตี้​เป๋น​จาว​ปารเธีย จาว​มีเดีย ตึง​จาว​เอลาม ตึง​คน​ตี้​อยู่​ใน​เขตแดน​เมโสโปเตเมีย ตึง​คน​ตี้​อยู่​ใน​แคว้น​ยูเดีย แคว้น​คัปปาโดเซีย แคว้น​ปอนทัส แคว้น​เอเชีย​

กิจก๋าน 20:19

ข้าพเจ้า​ฮับใจ๊​องค์​พระ​ผู้​เป๋น​เจ้า​อย่าง​ถ่อมอก​ถ่อมใจ๋ กับ​ไห้​ย้อน​ความ​ตุ๊ก ข้าพเจ้า​อดทน​ความ​ตุ๊กยาก​ลำบาก​จาก​แผนก๋าน​ฮ้าย​ต่างๆ ของ​จาว​ยิว

กิจก๋าน 24:11

ถ้า​ต้าน​สอบถาม​ก็​จะ​ฮู้​ได้​เลย​ว่า ใน​เวลา​บ่เกิ๋น​สิบ​สอง​วัน​มา​นี้ ข้าพเจ้า​ไป​กรุง​เยรูซาเล็ม​เปื้อ​นมัสก๋าน​พระเจ้า​ตี้​พระวิหาร

กิจก๋าน 24:18

เวลา​นั้น​หมู่​เขา​ก็​หัน​ข้าพเจ้า​ใน​พระวิหาร หลังจาก​ข้าพเจ้า​เยียะ​พิธี​ล้าง​ตั๋ว​หื้อ​บริสุทธิ์​แล้ว หมู่​เขา​ก็​หัน​ว่า​ข้าพเจ้า​บ่ได้​อยู่​กับ​หมู่​คน กาว่า​ก่อ​ความ​วุ่นวาย

กิจก๋าน 26:21

ย้อนจาอี้​หมู่​จาว​ยิว​เข้า​มา​ยับ​ข้าพเจ้า​ต๋อน​ตี้​อยู่​ใน​พระวิหาร แล้ว​ฮิ​จะ​ฆ่า​ข้าพเจ้า​เหีย

กิจก๋าน 4:3

หมู่​เขา​จึง​ยับ​คน​ตึง​สอง​ไป​ขัง​คอก​ไว้​จ๋น​แผว​วันพูก​เมื่อเจ๊า​ย้อน​ว่า​ค่ำ​แล้ว (​กฎหมาย​ของ​จาว​ยิว​บ่หื้อ​คน​ขึ้น​ศาล​ต๋อน​มืด​ค่ำ​)

กิจก๋าน 5:18

จึง​ยับ​หมู่​อัครทูต​ไป​ขัง​คอก​ไว้

กิจก๋าน 6:12

เขา​หมู่​นั้น​เยียะ​จาอี้ ก็​สุ่ย​หื้อ​คน​ตังหลาย​ตึง​หมู่​คน​เฒ่า​คน​แก่​ของ​จาว​ยิว​กับ​ธรรมาจ๋ารย์​ยับ​สเทเฟน แล้ว​เอา​ไป​ตี้​สภา

กิจก๋าน 6:9

แต่​มี​บาง​คน​มา​จาก​ธรรมศาลา​ของ​จาว​ยิว จื้อ​ธรรมศาลา​ขี้ข้า​มี​อิสระ มา​เถียง​กับ​สเทเฟน หมู่​เขา​เป๋น​จาว​ยิว​มา​จาก​เมือง​ไซรีน เมือง​อเล็กซานเดรีย แคว้น​ซิลีเซีย และ​แคว้น​เอเชีย

2 โครินธ์ 11:26

ข้าพเจ้า​เตียวตาง​เจื่อๆ ปะ​กับ​อันตราย​ใน​แม่​น้ำ อันตราย​จาก​โจ๋ร อันตราย​จาก​ตึง​หมู่​ปี้น้อง​จาว​ยิว​ของ​ข้าพเจ้า กับ​คน​ต่างจ้าด อันตราย​จาก​ใน​เมือง​ตึง​ใน​ป่า อันตราย​ใน​ทะเล​กับ​อันตราย​จาก​ปี้น้อง​ผู้เจื้อ​ตี้​บ่แต๊

1 เธสะโลนิก๋า 2:16

หมู่​เขา​ขัดขวาง​บ่หื้อ​เฮา​บอก​ข่าวดี​หื้อ​หมู่​คน​ต่างจ้าด เซิ่ง​เป๋น​ตาง​ตี้​หมู่​นั้น​จะ​ฮับ​ความ​รอด​ป๊น​บาป​โต้ษ หมู่​เขา​เยียะ​จาอี้​ก็​เตื่อม​ความ​บาป​นัก​ขึ้น​ติกๆ แล้ว​ใน​ตี้​สุด​พระเจ้า​จะ​ลงโต้ษ​หมู่​เขา​อย่าง​แน่นอน