กิจก๋าน 17:28 - พระคริสตธรรมคัมภีร ภาคพันธสัญญาใหม

²⁸ อย่าง​มี​คน​เกย​อู้​ไว้​ว่า ‘ย้อน​พระองค์​เยียะ​หื้อ​หมู่​เฮา​มี​จีวิต ดิ้นต๊วง​ได้ กับ​เป๋น​อยู่’ แล้ว​ก็​มี​นัก​เขียน​ค่าว​ใน​หมู่​ต้าน​เกย​เขียน​ว่า ‘หมู่​เฮา​ตังหลาย​เป๋น​เจื๊อสาย​ของ​พระองค์’

กิจก๋าน 17:28 ပူးပေါင်းရင်းမြစ်များ

ลูก๋า 20:38

พระองค์​บ่เป๋น​พระเจ้า​ของ​คน​ต๋าย แต่​เป๋น​พระเจ้า​ของ​คน​ตี้​มี​จีวิต ย้อน​ว่า​สำหรับ​พระเจ้า​แล้ว กู้​คน​ยัง​มี​จีวิต​อยู่ แม้​ว่า​จะ​ต๋าย​ไป​แล้ว​ก็​ต๋าม”

ลูก๋า 3:38

ไคนาน​เป๋น​ลูก​ของ​เอโนช เอโนช​เป๋น​ลูก​ของ​เสท เสท​เป๋น​ลูก​ของ​อาดัม อาดัม​เป๋น​ลูก​ของ​พระเจ้า

ยอห์น 11:25

พระเยซู​อู้​กับ​มารธา​ว่า “เฮา​เป๋น​ผู้​ตี้​เยียะ​หื้อ​คน​เป๋น​ขึ้น​จาก​ความ​ต๋าย​และ​หื้อ​จีวิต​กับ​หมู่​เขา กู้​คน​ตี้​เจื้อ​วางใจ๋​เฮา เถิงแม้​ต๋าย​ไป​แล้ว​ก็​ยัง​มี​จีวิต​อยู่

ยอห์น 5:26

พระบิดา​เป๋น​บ่อเกิด​ของ​จีวิต​ตึงหมด กับ​ได้​หื้อ​พระบุตร​ของ​พระองค์​เป๋น​บ่อเกิด​ของ​จีวิต​เหมือน​กั๋น

โคโลสี 1:17

พระองค์​เป๋น​อยู่​ก่อน​สะป๊ะ​กู้​อย่าง กับ​ควบคุม​กู้​อย่าง​หื้อ​เป๋น​ระบบ​กับ​เป๋น​อยู่​ต่อ​ไป​ได้

ทิตัส 1:12

ตะก่อน​มี​ผู้​ตวายตั๊ก​จาว​เกาะ​ครีต​คน​นึ่ง เกย​อู้​ไว้​ว่า “จาว​ครีต​กู้​คน​เป๋น​คน​ขี้​จุ เป๋น​เหมือน​สัตว์​ฮ้าย เป๋น​คน​ขี้ค้าน กับ​เป๋น​คน​ขี้​กละ”

ฮีบรู 1:3

พระบุตร​สำแดง​หื้อ​หัน​รัศมี​ของ​พระเจ้า กับ​เป๋น​ปิม​เดียว​กั๋น​กับ​พระเจ้า พระบุตร​ก๊ำจู​กู้​อย่าง​โดย​กำ​อู้​ตี้​มี​ฤทธิ์​อำนาจ​ของ​พระองค์ เมื่อ​พระบุตร​ได้​ล้าง​บาป​หื้อ​คน​ตังหลาย​แล้ว พระองค์​ก็​ได้​นั่ง​ตัง​ขวา​มือ​ของ​พระเจ้า​ผู้​ตี้​ยิ่งใหญ่​ตี้​สุด​ใน​สวรรค์

ฮีบรู 12:9

แหม​อย่าง​นึ่ง​เฮา​ตังหลาย​มี​ป้อ​ตี้​เป๋น​คน​ตี้​กอย​ตี๋สอน​เฮา กับ​เฮา​ตังหลาย​ก็​ยัง​นับถือ​ป้อ​ของ​เฮา แล้ว​เฮา​ตังหลาย​บ่ดี​ตี้​จะ​เจื้อฟัง​พระบิดา​ใน​สวรรค์​ของ​เฮา​นัก​เหลือ​นั้น เปื้อ​จะ​มี​จีวิต​อยู่​กา

ฮีบรู 2:11

ตึง​พระเยซู​ผู้​ตี้​เยียะ​หื้อ​คน​ตังหลาย​บริสุทธิ์ กับ​คน​ตี้​พระองค์​เยียะ​หื้อ​บริสุทธิ์​แล้ว​นั้น ก็​มี​พระบิดา​องค์​เดียว​กั๋น จาอั้น​พระเยซู​ก็​บ่อาย​ตี้​จะ​ฮ้อง​คน​หมู่​นั้น​ว่า​เป๋น​ปี้น้อง​กั๋น