กิจก๋าน 14:17 - พระคริสตธรรมคัมภีร ภาคพันธสัญญาใหม

¹⁷ แต่​โดย​สิ่ง​ดีๆ ตี้​เยียะ​ต่อ​คน พระองค์​ก็​หื้อ​หลักฐาน​มา​บ่เกย​ขาด​ว่า​พระองค์​มี​อยู่ อย่าง​เจ้น พระองค์​โผด​หื้อ​มี​ฝน​ตก​จาก​ต๊องฟ้า มี​พืชผล​ต๋าม​หละดู พระองค์​เลี้ยงดู​หื้อ​ต้าน​ตังหลาย​กิ๋น​อิ่ม กับ​เยียะ​หื้อ​จื้นเจยบาน​ขนาด”

กิจก๋าน 14:17 ပူးပေါင်းရင်းမြစ်များ

มัทธิว 5:45

ถ้า​ต้าน​ตังหลาย​เยียะ​จาอี้​แล้ว ก็​แสดง​ว่า​ต้าน​เป๋น​ลูก​แต๊ๆ ของ​พระบิดา​ตี้​อยู่​ใน​สวรรค์ ย้อน​ว่า​พระองค์​ก็​เยียะ​หื้อ​ตะวัน​ส่อง​แจ้ง​หลึ​แจ้ง​หลึ้ง​ตึง​คน​บ่ดี​กับ​คน​ดี ก็​หื้อ​ฝน​ตก​ลง​มา​ใส่​ตึง​คน​ตี้​เยียะ​ดี​ตึง​คน​ตี้​เยียะ​ฮ้าย​เหมือน​กั๋น​หมด​กู้​คน

ลูก๋า 6:35

แต่​จง​ฮัก​ศัตรู๋​ของ​ต้าน​ตังหลาย กับ​เยียะ​ดี​กับ​เขา จง​หื้อ​เขา​ยืม​ไป​โดย​บ่ต้อง​ห่วง​ว่า​จะ​ได้​คืน แล้ว​ต้าน​จะ​ได้​ฮับ​รางวัล​ยิ่งใหญ่​ใน​สวรรค์ จะ​ได้​เป๋น​ลูก​ของ​พระเจ้า​ผู้​สูงสุด ย้อน​พระองค์​โผด​ตึง​คน​ตี้​อกตัญญู ตึง​คน​บ่ดี

กิจก๋าน 14:18

เถิงแม้​ว่า​อู้​จาอี้​แล้ว เปาโล​กับ​บารนาบัส​ยัง​ห้าม​บ่หื้อ​คน​ตังหลาย​เอา​งัว​ถวาย​เป๋น​เครื่อง​ปู่จา​แก่​หมู่​เขา​เกือบ​บ่ได้

กิจก๋าน 17:26

จาก​มนุษย์​คน​นึ่ง พระองค์​สร้าง​มนุษย์​กู้​จ้าด​สืบ​สายเลือด​เดียว​กั๋น​หื้อ​ไป​อยู่​ใคว่​โลก​ต๋าม​เขตแดน​กับ​เวลา​ตี้​พระองค์​ก๋ำหนด​ไว้​ล่วงหน้า​สำหรับ​หมู่​เขา

1 ทิโมธี 6:17

สำหรับ​คน​รวย​ใน​โลก​นี้ หื้อ​สั่ง​หมู่​เขา​ว่า​บ่ดี​หยิ่ง กาว่า​ฝาก​ความ​หวัง​ไว้​กับ​ทรัพย์​สมบัติ​ตี้​บ่แน่นอน แต่​หื้อ​ฝาก​ความ​หวัง​ไว้​กับ​พระเจ้า ผู้​แบ่งปั๋น​กู้​สิ่ง​กู้​อย่าง​หื้อ​กับ​เฮา​อย่าง​เหลือ​ล้น เปื้อ​หัน​แก่​ความ​สุข​สบาย​ของ​เฮา