2 เธสะโลนิก๋า 3:16 - พระคริสตธรรมคัมภีร ภาคพันธสัญญาใหม

¹⁶ ขอ​หื้อ​องค์​พระผู้เป๋นเจ้า​ผู้​ตี้​หื้อ​สันติสุข โผด​หื้อ​ต้าน​ตังหลาย​มี​สันติสุข​ใน​กู้​สิ่ง​กู้​อย่าง​และ​กู้​เวลา ขอ​หื้อ​องค์​พระผู้เป๋นเจ้า​อยู่​ตวย​ต้าน​กู้​คน​เต๊อะ

2 เธสะโลนิก๋า 3:16 ပူးပေါင်းရင်းမြစ်များ

มัทธิว 1:23

“จะ​มี​แม่ญิง​สาว​บริสุทธิ์​คน​นึ่ง​มาน แล้ว​ก็​เกิด​ลูก​ป้อจาย คน​ตังหลาย​จะ​ฮ้อง​ต้าน​ว่า​อิมมานูเอล” แป๋​ว่า “พระเจ้า​อยู่​กับ​เฮา”

มัทธิว 28:20

สอน​เขา​หื้อ​เจื้อฟัง​กู้​สิ่ง​ตี้​เฮา​ได้​สั่ง​ไว้​กับ​ต้าน ฮู้​ไว้​เต๊อะ​ว่า เฮา​จะ​อยู่​กับ​หมู่​ต้าน​ตลอด​ไป​จ๋น​แผว​วัน​สิ้น​โลก​แต๊ๆ”

ลูก๋า 2:14

“ขอ​หื้อ​พระเจ้า​ฮับ​เกียรติ​ใน​สวรรค์​สูงสุด ขอ​หื้อ​พระเจ้า​หื้อ​สันติสุข​แก่​คน​ตี้​พระองค์​เปิงใจ๋​ใน​โลก​นี้​เต๊อะ”

ยอห์น 14:27

“เฮา​หื้อ​สันติสุข​ของ​เฮา​ไว้​กับ​หมู่​ต้าน สันติสุข​ตี้​เฮา​หื้อ​บ่เหมือน​กับ​ตี้​โลก​หื้อ บ่ต้อง​ตุ๊ก​อก​ตุ๊ก​ใจ๋​กับ​บ่ต้อง​กั๋ว

ยอห์น 16:33

“เฮา​บอก​เรื่อง​หมู่​นี้​กับ​หมู่​ต้าน​ไว้​เปื้อ​สันติสุข​ของ​เฮา​จะ​อยู่​กับ​หมู่​ต้าน ใน​โลก​นี้​ต้าน​จะ​ปะ​ความ​ตุ๊กยาก​ลำบาก แต่​หื้อ​เข้มแข็ง​ไว้​เน่อ ย้อน​ว่า​เฮา​มี​ชัย​เหนือ​โลก​แล้ว”

โรม 1:7

เถิง ปี้น้อง​ตี้​อยู่​กรุง​โรม ผู้​ตี้​พระเจ้า​ฮัก​กับ​ฮ้อง​มา​เป๋น​คน​ของ​พระองค์ ขอ​หื้อ​ต้าน​ตังหลาย​ได้​ฮับ​พระคุณ​ตึง​สันติสุข​จาก​พระเจ้า​พระบิดา​ของ​เฮา​กับ​จาก​พระเยซู​คริสต์​องค์​พระผู้เป๋นเจ้า​เต๊อะ

โรม 15:33

ขอ​หื้อ​พระเจ้า​ผู้​หื้อ​สันติสุข​อยู่​ตวย​ต้าน​ตังหลาย​เต๊อะ อาเมน

โรม 16:20

แหม​บ่เมิน​พระเจ้า​ผู้​หื้อ​สันติสุข​จะ​ผาบ​มาร​ซาต๋าน​หื้อ​อยู่​ใต้​อำนาจ​ของ​หมู่​ต้าน ขอ​หื้อ​พระคุณ​ของ​พระเยซู​องค์​พระ​ผู้​เป๋น​เจ้า​ของ​เฮา จง​มี​แก่​ต้าน​ตังหลาย​เต๊อะ

1 โครินธ์ 14:33

ย้อน​ว่า​พระเจ้า​บ่ได้​เป๋น​พระเจ้า​แห่ง​ความ​วุ่นวาย แต่​เป๋น​พระเจ้า​แห่ง​สันติสุข อย่าง​ตี้​เป๋น​อยู่​ใน​คริสตจักร​กู้ๆ ตี้

2 โครินธ์ 13:11

สุดต๊าย​นี้ ข้าพเจ้า​ขอ​ลา​ปี้น้อง​ตังหลาย ขอ​หื้อ​ปิ๊ก​ไป​อยู่​ใน​สภาพ​ตี้​ดี​อย่าง​เก่า​เน่อ ขอ​หื้อ​เยียะ​ตวย​ต๋าม​สิ่ง​ตี้​ข้าพเจ้า​บอก​หื้อ​เยียะ ขอ​หื้อ​เป๋น​น้ำนึ่ง​ใจ๋เดียว​กั๋น กับ​ขอ​หื้อ​อยู่​ตวย​กั๋น​อย่าง​สงบสุข แล้ว​พระเจ้า​แห่ง​ความ​ฮัก​กับ​สันติสุข​ก็​จะ​อยู่​กับ​หมู่​ต้าน

เอเฟซัส 6:23

ขอ​พระเจ้า​พระบิดา​กับ​พระเยซู​คริสต์​องค์​พระผู้เป๋นเจ้า​โผด​หื้อ​สันติสุข ความ​ฮัก กับ​ความ​เจื้อ​แก่​ปี้น้อง​ผู้เจื้อ​กู้​คน​ตวย

1 เธสะโลนิก๋า 3:11

ขอ​หื้อ​พระเจ้า​พระบิดา​ของ​หมู่​เฮา​ตึง​พระเยซู​คริสต์​ของ​หมู่​เฮา นำ​ตาง​หมู่​เฮา​มา​แอ่ว​หา​ต้าน​ตังหลาย​แหม

1 เธสะโลนิก๋า 5:23

ขอ​พระเจ้า​ผู้​ตี้​หื้อ​สันติสุข เยียะ​หื้อ​ต้าน​ตังหลาย​เป๋น​คน​บริสุทธิ์​สะอาด​ตังมวล ขอ​พระองค์​ฮักษา​วิญญาณ​ตึง​จิตใจ๋​ตึง​ตั๋ว​ของ​ต้าน​ไว้​หื้อ​หมดใส​จาก​ก๋าน​ต๋ำหนิ​ติเตี๋ยน จ๋น​แผว​วัน​ตี้​พระเยซู​คริสต์​ปิ๊ก​มา

2 เธสะโลนิก๋า 3:18

ขอ​หื้อ​พระคุณ​ของ​พระเยซู​คริสต์​องค์​พระผู้เป๋นเจ้า​ของ​เฮา จง​มี​แก่​ต้าน​ตังหลาย​กู้​คน​เต๊อะ อาเมน

2 ทิโมธี 4:22

ขอ​องค์​พระผู้เป๋นเจ้า​อยู่​กับ​ต้าน ขอ​พระคุณ​ของ​พระเจ้า​อยู่​กับ​ต้าน​ตังหลาย​ตวย​เน่อ

ฟีเลโมน 1:25

ขอ​พระคุณ​ของ​พระเยซู​คริสต์​องค์​พระผู้เป๋นเจ้า อยู่​กับ​จิตวิญญาณ​ต้าน​ตังหลาย​เต๊อะ​เน่อ

ฮีบรู 13:20

ขอ​พระเจ้า​ผู้​หื้อ​สันติสุข ผู้​ตี้​เยียะ​หื้อ​ผู้​เลี้ยง​แกะ​ตี้​ยิ่งใหญ่ คือ​พระเยซู องค์​พระผู้เป๋นเจ้า​ของ​เฮา​เป๋น​ขึ้น​จาก​ความ​ต๋าย โดย​เลือด​แห่ง​พันธสัญญา​ตี้​เป๋น​นิรันดร์

ฮีบรู 7:2

อับราฮัม​ก็​ได้​ถวาย​ของ​ตี้​ยึด​มา​นึ่ง​ใน​สิบ​ส่วน​แก่​เมลคีเซเดค จื้อ​เมลคีเซเดค​มี​ความ​หมาย​ว่า “กษัตริย์​ตี้​เยียะ​ต๋าม​ความ​ถูกต้อง” กับ​ต้าน​เป๋น​กษัตริย์​แห่ง​เมือง​ซาเลม หมายเถิง “กษัตริย์​แห่ง​สันติสุข”