1 ยอห์น 4:7 - พระคริสตธรรมคัมภีร ภาคพันธสัญญาใหม

⁷ ต้าน​ตี้​ฮัก​ตังหลาย ขอ​หื้อ​เฮา​ฮัก​กั๋น​ไว้​เน่อ ย้อน​ว่า​ความ​ฮัก​นั้น​มา​จาก​พระเจ้า คน​ตี้​ฮัก​เซิ่ง​กั๋น​และ​กั๋น ก็​เป๋น​ลูก​ของ​พระเจ้า​กับ​ฮู้จัก​พระเจ้า

1 ยอห์น 4:7 ပူးပေါင်းရင်းမြစ်များ

ยอห์น 13:34

“เฮา​หื้อ​กำสั่ง​ใหม่​กับ​หมู่​ต้าน ก็​คือ หื้อ​ฮัก​กั๋น หมู่​ต้าน​ต้อง​ฮัก​กั๋น​เหมือน​กับ​ตี้​เฮา​ฮัก​หมู่​ต้าน

ยอห์น 17:3

จีวิต​นิรันดร์​ก็​คือ ก๋าน​ฮู้จัก​พระองค์​ผู้​เป๋น​พระเจ้า​ผู้​เตี้ยงแต๊​องค์​เดียว และ​ฮู้จัก​พระเยซู​คริสต์​ผู้​ตี้​พระองค์​ใจ๊​มา

1 โครินธ์ 8:3

แต่​ถ้า​ใผ​ฮัก​พระเจ้า พระเจ้า​ก็​ฮู้จัก​คน​นั้น

2 โครินธ์ 4:6

ย้อน​ว่า​พระเจ้า​ผู้​ตี้​บอก​ว่า “หื้อ​มี​แสง​เป่งแจ้ง​ออก​มา​จาก​ความ​มืด” ก็​เป๋น​องค์​เดียว​กั๋น​กับ​ตี้​ได้​ส่อง​แสง​เป่งแจ้ง​เข้า​มา​ใน​จิตใจ๋​ของ​เฮา เยียะ​หื้อ​เฮา​ฮู้​เถิง​รัศมี​ของ​พระองค์​ตี้​อยู่​บน​หน้า​ของ​พระเยซู​คริสต์

กาลาเทีย 4:9

บ่าเดี่ยว​นี้ ต้าน​ตังหลาย​ได้​ฮู้จัก​พระเจ้า​แล้ว กาว่า​อู้​หื้อ​ถูกต้อง​ก็​คือ​พระเจ้า​ได้​ฮู้จัก​ต้าน​แล้ว เป๋น​จาใด​หมู่​ต้าน​ใค่​ปิ๊ก​ไป​เป๋น​ขี้ข้า​ของ​วิญญาณ​ตี้​บ่มี​อำนาจ​กับ​บ่มี​ก้า ตี้​บ่ใจ้​พระเจ้า

กาลาเทีย 5:22

แต่​ถ้า​ต้าน​ตังหลาย​หื้อ​พระวิญญาณ​เป๋น​ผู้​นำ​จีวิต ผล​ของ​พระวิญญาณ​นั้น​คือ​ความ​ฮัก ความ​จื้น​จม​ยิน​ดี สันติสุข ความ​อด​ทน ความ​เมตต๋า ความ​ดี ความ​ซื่อสัตย์

2 ทิโมธี 1:7

ย้อน​ว่า​พระเจ้า​บ่ได้​หื้อ​เฮา​มี​จิตใจ๋​ตี้​ขี้กั๋ว แต่​หื้อ​มี​จิตใจ๋​ตี้​เข้มแข็ง มี​ความ​ฮัก​กับ​ก๋าน​บังคับ​ต๋น​เอง

1 เปโตร 1:22

เมื่อ​หมู่​ต้าน​ได้​เจื้อ​ฟัง​ความ​จริง​นั้น หมู่​ต้าน​ก็​ได้​ซ่วย​ล้าง​ตั๋ว​เก่า​หื้อ​บริสุทธิ์​แล้ว ก็​เลย​มี​ความ​ฮัก​หื้อ​กับ​ปี้น้อง​ผู้เจื้อ​อย่าง​จริงใจ๋ ย้อน​จาอั้น​หื้อ​ฮัก​กั๋น​จาก​ใจ๋​แต๊ๆ เน่อ

1 ยอห์น 2:10

คน​ตี้​ฮัก​ปี้น้อง​ผู้เจื้อ​ของ​เขา​ก็​อยู่​ใน​ความ​เป่งแจ้ง เขา​จะ​บ่มี​อะหยัง​เลย​ตี้​จะ​เป๋น​เหตุ​หื้อ​เขา​เยียะ​บาป

1 ยอห์น 2:29

ต้าน​ตังหลาย​ฮู้​แล้ว​ว่า​พระคริสต์​เยียะ​ใน​สิ่ง​ตี้​ถูกต้อง​ตลอด จาอั้น ต้าน​ก็​ต้อง​ฮู้​ว่า​คน​ตี้​เยียะ​ใน​สิ่ง​ตี้​ถูกต้อง​ก็​เป๋น​ลูก​ของ​พระเจ้า

1 ยอห์น 2:3

ถ้า​เฮา​ฮักษา​กำสั่ง​ของ​พระเจ้า เฮา​ก็​จะ​มั่นใจ๋​ได้​ว่า เฮา​ฮู้จัก​พระองค์​แต๊ๆ

1 ยอห์น 2:4

คน​ตี้​อู้​ว่า​เฮา​ฮู้จัก​พระเจ้า แต่​บ่ได้​เยียะ​ต๋าม​กำสั่ง​ของ​พระองค์ ก็​เป๋น​คน​ขี้​จุ เขา​บ่ได้​ฮู้จัก​ความ​จริง

1 ยอห์น 2:7

ต้าน​ตังหลาย​ตี้​ข้าพเจ้า​ฮัก​เหย ข้าพเจ้า​บ่ได้​เขียน​กำ​สั่ง​ใหม่​ขึ้น​เน่อ แต่​เขียน​กำ​สั่ง​เก่า​ตี้​ต้าน​ตังหลาย​มี​อยู่​แล้ว​ตั้งแต่​เก๊า​เหง้า กำ​สั่ง​เก่า​อัน​นั้น​ต้าน​ตังหลาย​เกย​ได้ยิน​มา​แล้ว

1 ยอห์น 3:9

คน​ใด​ตี้​เกิด​จาก​พระเจ้า คน​นั้น​จะ​บ่เยียะ​บาป​แหม​ต่อไป ย้อน​ว่า​ตั๋ว​เขา​มี​เจื๊อ​ของ​พระเจ้า​อยู่ เขา​เป๋น​ลูก​ของ​พระเจ้า​แล้ว จึง​เยียะ​บาป​แหม​บ่ได้

1 ยอห์น 4:11

ต้าน​ตี้​ฮัก​ตังหลาย ถ้า​พระเจ้า​ฮัก​เฮา​ขนาด​นี้ เฮา​ก็​ควร​จะ​ฮัก​กั๋น​ตวย

1 ยอห์น 4:12

บ่มี​ใผ​เกย​หัน​พระเจ้า แต่​ถ้า​เฮา​ฮัก​กั๋น พระเจ้า​ก็​เป๋น​น้ำ​นึ่ง​ใจ๋​เดียว​กั๋น​กับ​เฮา ความ​ฮัก​ของ​พระองค์​ก็​สมบูรณ์​ใน​จีวิต​ของ​เฮา

1 ยอห์น 4:16

ย้อน​จาอั้น​เฮา​ตังหลาย​เถิง​ฮู้​ตึง​ไว้วางใจ๋​ใน​ความ​ฮัก​ตี้​พระเจ้า​มี​ต่อ​เฮา พระเจ้า​เป๋น​ความ​ฮัก คน​ตี้​ฮัก​พระเจ้า​กับ​ฮัก​คน​อื่น ก็​เป๋น​น้ำ​นึ่ง​ใจ๋​เดียว​กั๋น​กับ​พระเจ้า พระองค์​ก็​เป๋น​น้ำ​นึ่ง​ใจ๋​เดียว​กั๋น​กับ​คน​นั้น

1 ยอห์น 4:20

ถ้า​คน​ใด​อู้​ว่า “เฮา​ฮัก​พระเจ้า” แต่​ยัง​จัง​ปี้น้อง​ผู้เจื้อ​ของ​ตั๋ว​อยู่ คน​นั้น​ก็​ขี้​จุ ย้อน​คน​ตี้​บ่ฮัก​ปี้น้อง​ผู้เจื้อ​ของ​ตั๋ว​ตี้​ผ่อ​หัน​ได้ แล้ว​จะ​ฮัก​พระเจ้า​ตี้​ผ่อ​บ่หัน​ได้​จาใด

1 ยอห์น 4:8

ส่วน​คน​ตี้​บ่ได้​ฮัก​เซิ่ง​กั๋น​และ​กั๋น ก็​บ่ฮู้จัก​พระเจ้า ย้อน​ว่า​พระเจ้า​เป๋น​ความ​ฮัก

1 ยอห์น 5:1

คน​ตี้​เจื้อ​ว่า​พระเยซู​เป๋น​พระคริสต์ ก็​ได้​จื้อ​ว่า​เป๋น​ลูก​ของ​พระเจ้า กับ​คน​ตี้​ฮัก​ป้อ​ก็​จะ​ฮัก​ลูกๆ ของ​เขา​ตวย

2 ยอห์น 1:5

แล้ว​ต๋อน​นี้ ต้าน​แม่ญิง​เหย ข้าพเจ้า​บ่ได้​เขียน​กำสั่ง​ใหม่​หื้อ​กับ​ต้าน แต่​นี่​เป๋น​กำสั่ง​ตี้​หมู่​เฮา​มี​มา​ตั้งแต่​เก๊า​แล้ว คือ​ขอ​หื้อ​ฮัก​กั๋น