1 โครินธ์ 3:5 - พระคริสตธรรมคัมภีร ภาคพันธสัญญาใหม

⁵ อปอลโล​เป๋น​ใผ เปาโล​เป๋น​ใผ ก็​เป๋น​ก้า​ผู้​ฮับใจ๊​ตี้​สอน​หมู่​ต้าน​หื้อ​เจื้อ ต่าง​คน​ก็​ต่าง​เยียะ​หน้าตี้​ของ​ตั๋ว​ต๋าม​ตี้​องค์​พระ​ผู้​เป๋น​เจ้า​มอบ​หื้อ

1 โครินธ์ 3:5 ပူးပေါင်းရင်းမြစ်များ

มัทธิว 25:15

ต้าน​หื้อ​สตางค์​ห้า​ตะลันต์​แก่​คน​ตี้​นึ่ง หื้อ​สอง​ตะลันต์​แก่​คน​ตี้​สอง แล้ว​ก็​หื้อ​คน​ตี้​สาม​ตะลันต์​เดียว โดย​แบ่ง​หื้อ​ต๋าม​ความ​สามารถ​ของ​แต่​ละ​คน แล้ว​ต้าน​ก็​ออก​เตียว​ตาง

ลูก๋า 1:2

ต๋าม​ตี้​หมู่​เขา​ได้​หัน​กับ​ต๋า​ตั้งแต่​เก๊า และ​ได้​เป๋น​ผู้​บอก​ถ้อยกำ​นั้น​หื้อ​เฮา​ฮู้

ยอห์น 3:27

ยอห์น​ก็​บอก​ว่า “บ่มี​ใผ​ได้​ฮับ​อะหยัง​นอก​จาก​พระเจ้า​จะ​หื้อ

กิจก๋าน 18:24

มี​ป้อจาย​จาว​ยิว​คน​นึ่ง​จื้อ​อปอลโล​มา​เมือง​เอเฟซัส เขา​เกิด​ตี้​เมือง​อเล็กซานเดรีย เป๋น​คน​ตี้​อู้​เก่ง​กับ​มี​ความ​ฮู้​พระคัมภีร์​เป๋น​อย่าง​ดี

กิจก๋าน 19:1

ใน​เวลา​ตี้​อปอลโล​อยู่​ใน​เมือง​โครินธ์​นั้น เปาโล​ก็​เตียวตาง​ต๋าม​เส้นตาง​ตัง​เหนือ​ใน​แคว้น​กาลาเทีย​กับ​แคว้น​ฟรีเจีย​จ๋น​มา​แผว​เมือง​เอเฟซัส ตี้​หั้น​ปะ​กับ​ผู้เจื้อ​บาง​คน

โรม 15:16

เปื้อ​หื้อ​ข้าพเจ้า​เป๋น​ผู้​ฮับใจ๊​พระเยซู​คริสต์​ไป​หา​คน​ต่างจ้าด มี​หน้าตี้​เหมือน​เป๋น​ปุโรหิต​บอก​ข่าวดี​ของ​พระเจ้า เปื้อ​คน​ต่างจ้าด​ตี้​เจื้อ​จะ​เป๋น​คน​ตี้​พระเจ้า​ยอมฮับ​เหมือน​เครื่องปู่จา​ตี้​พระวิญญาณ​เยียะ​หื้อ​บริสุทธิ์

1 โครินธ์ 12:28

พระเจ้า​ได้​แต่งตั้ง​คน​ของ​พระองค์​กู้​คน​ไว้​ต๋าม​หน้าตี้​คือ นึ่ง อัครทูต สอง ผู้​เป๋น​ปาก​เป๋น​เสียง​แตน​พระเจ้า สาม อาจ๋ารย์ ต่อ​จาก​นั้น​ก็​คือ คน​ตี้​เยียะ​ก๋าน​อัศจ๋รรย์​ได้ ต่อ​มา​ก็​คือ​คน​ตี้​ฮักษา​โรค​ได้ คน​ตี้​จ้วยเหลือ​คน​อื่น คน​ตี้​เป๋น​หมู่​ผู้​นำ กาว่า​หมู่​ตี้​อู้​ภาษา​อื่นๆ

1 โครินธ์ 16:12

ส่วน​อปอลโล ตี้​เป๋น​ปี้น้อง​ผู้เจื้อ​ของ​เฮา​นั้น ข้าพเจ้า​วิงวอน​เขา​ขนาด​หนัก​ว่า​หื้อ​ไป​แอ่ว​หา​หมู่​ต้าน​กับ​หมู่​ปี้น้อง​คน​อื่นๆ ตวย แต่​เขา​ยัง​บ่ใค่​ไป​ต๋อน​นี้​เตื้อ ถ้า​เขา​มี​โอกาส​เขา​ก็​จะ​ไป

1 โครินธ์ 3:10

ต๋าม​ตี้​พระเจ้า​ได้​หื้อ​พระคุณ​กับ​ข้าพเจ้า ข้าพเจ้า​เป๋น​เหมือน​สล่า​ตี้​มี​ประสบก๋ารณ์​นัก​ตี้​ได้​วาง​ฐาน​ไว้ แล้ว​ก็​มี​แหม​คน​มา​ก่อ​ขึ้น​ต่อ​จาก​ฐาน​นั้น แต่​ละ​คน​ก็​จะ​ต้อง​หละวัง​หื้อ​ดี​ว่า​จะ​ก่อ​ขึ้น​จาใด

1 โครินธ์ 3:22

บ่ว่า​จะ​เป๋น​เปาโล อปอลโล เคฟาส โลก​นี้ จีวิต​กาว่า​ความ​ต๋าย บ่าเดี่ยวนี้​กาว่า​ปายหน้า กู้​สิ่ง​ก็​เป๋น​ของ​หมู่​ต้าน​นั้น​นะ

1 โครินธ์ 3:7

ย้อน​จาอั้น ตึง​คน​ปูก ตึง​คน​หด​น้ำ ก็​บ่ได้​สำคัญ​อะหยัง แต่​ผู้​ตี้​สำคัญ​แต๊ๆ คือ​พระเจ้า​ผู้​ตี้​เยียะ​หื้อ​เติบใหญ่​เน่อ

1 โครินธ์ 9:17

ถ้า​ข้าพเจ้า​เต๋มใจ๋​ตี้​จะ​บอก​ข่าวดี ข้าพเจ้า​ก็​จะ​ได้ฮับ​รางวัล แต่​ถ้า​บ่เต๋มใจ๋ ข้าพเจ้า​ก็​เยียะ​ไป​ต๋าม​หน้าตี้​ตี้​ได้ฮับ​มอบหมาย​หื้อ​เต้าอั้น

2 โครินธ์ 11:23

หมู่​เขา​เป๋น​คน​ฮับใจ๊​ของ​พระคริสต์​กา ข้าพเจ้า​ก็​เป๋น​นัก​เหลือ​นั้น​แหม (​ข้าพเจ้า​อู้​อย่าง​คน​เป๋น​ผีบ้า​) ข้าพเจ้า​ฮำ​เยียะ​ก๋าน​นัก​เหลือ​หมู่​เขา ติด​คอก​นัก​เหลือ​หมู่​เขา ถูก​เฆี่ยน​นัก​เหลือ​หมู่​เขา หวิด​ต๋าย​หลาย​เตื้อ

2 โครินธ์ 3:3

หมู่​ต้าน​เยียะ​หื้อ​หัน​ว่า​หมู่​ต้าน​เป๋น​หนังสือ​ตี้​พระคริสต์​เขียน แล้ว​เฮา​เป๋น​ผู้​ส่ง กับ​บ่ได้​ใจ๊​หมึก​เขียน แต่​ใจ๊​พระวิญญาณ​ของ​พระเจ้า​ผู้​มี​จีวิต​อยู่​เขียน บ่ได้​เขียน​ลง​บน​แผ่น​หิน แต่​เขียน​ลง​บน​ใจ๋​ของ​คน

2 โครินธ์ 3:6

ผู้​ตี้​จ้วย​หื้อ​เฮา​สามารถ​ฮับใจ๊​ต๋าม​พันธสัญญา​ใหม่ ตี้​บ่ใจ้​เป๋น​ไป​ต๋าม​บท​บัญญัติ​ตี้​เขียน​ไว้ แต่​เป๋น​ไป​ต๋าม​พระวิญญาณ ย้อน​ว่า​บท​บัญญัติ​ตี้​เขียน​ไว้​นั้น​นำ​ไป​เถิง​ความ​ต๋าย​ฝ่าย​จิตวิญญาณ แต่​พระวิญญาณ​นำ​ไป​เถิง​จีวิต​ฝ่าย​จิตวิญญาณ

2 โครินธ์ 4:1

ย้อน​จาอี้​เฮา​จึง​บ่หมด​ก๋ำลังใจ๋ ย้อน​ว่า​พระเจ้า​เมตต๋า​มอบหมาย​หื้อ​เฮา​เยียะ​ก๋าน​นี้

2 โครินธ์ 4:5

เฮา​บ่ได้​บอก​เถิง​เรื่อง​ของ​ตั๋วเก่า แต่​เฮา​บอก​ว่า​พระเยซู​คริสต์​เป๋น​องค์​พระ​ผู้​เป๋น​เจ้า กับ​บอก​ว่า​ตั๋ว​เฮา​เป๋น​ขี้ข้า​ของ​หมู่​ต้าน ย้อน​หัน​แก่​พระคริสต์

2 โครินธ์ 4:7

แต่​เฮา​เป๋น​เหมือน​ไห​ตี้​มี​สมบัติ​อัน​ล้ำก้า​ขนาด​ใส่​ไว้ เปื้อ​แสดง​หื้อ​หัน​ว่า​ฤทธิ์​อำนาจ​ตี้​ล้ำเลิศ​นั้น​เป๋น​ของ​พระเจ้า บ่ได้​มา​จาก​ตั๋ว​ของ​เฮา

2 โครินธ์ 5:18

ตึงหมด​นี้​พระเจ้า​เป๋น​ผู้​เยียะ​หื้อ​เกิด​ขึ้น เป๋น​ผู้​ตี้​เยียะ​หื้อ​เฮา​ได้​คืนดี​กับ​พระองค์​โดย​ตาง​พระคริสต์ กับ​มอบ​หน้าตี้​หื้อ​เฮา​ปา​คน​ตังหลาย​มา​คืนดี​กับ​พระองค์​ตวย

2 โครินธ์ 6:1

ใน​ฐานะ​ตี้​เฮา​เยียะ​ก๋าน​ฮ่วม​กับ​พระเจ้า เฮา​จึง​ขอ​วิงวอน​หมู่​ต้าน บ่ดี​หื้อ​พระคุณ​ของ​พระเจ้า​ตี้​ได้ฮับ​มา​นั้น​เสีย​ประโยชน์​ไป​บ่ดายๆ

2 โครินธ์ 6:4

แต่​ใน​กู้​อย่าง​ตี้​เฮา​เยียะ เฮา​ฮิ​ตี้​จะ​เยียะ​หื้อ​คน​ตังหลาย​หัน​ว่า​เฮา​เป๋น​ผู้​ฮับใจ๊​พระเจ้า โดย​สู้​อดทน​ขนาด​หนัก​ใน​ความ​ตุ๊กยาก ความ​เดือดฮ้อน กับ​ความ​ยาก​ลำบาก

เอเฟซัส 3:7

ข้าพเจ้า​ได้ฮับ​หน้าตี้​หื้อ​มา​บอก​ข่าวดี​นั้น ก็​โดย​พระคุณ​ของ​พระเจ้า​ตี้​หื้อ​ข้าพเจ้า​ผ่าน​ตาง​ฤทธิ์​อำนาจ​ของ​พระองค์

โคโลสี 1:23

แต่​ต้าน​ต้อง​ยึดมั่น​ใน​ความ​เจื้อ​ต่อไป บ่ดี​เลิก​หวัง​ใน​ข่าวดี​ตี้​ต้าน​ได้ยิน​มา​แล้ว ตี้​คน​ได้​บอก​ไป​ใคว่​โลก ข้าพเจ้า​เปาโล​ก็​เป๋น​ผู้​ฮับใจ๊​บอก​ข่าวดี​นี้

โคโลสี 1:25

ข้าพเจ้า​มา​เป๋น​ผู้​ฮับใจ๊​ของ​คริสตจักร​ต๋าม​ตี้​พระเจ้า​มอบ​หน้าตี้​นี้​หื้อ เปื้อ​บอก​ข่าวดี​ของ​พระเจ้า​หื้อ​กับ​หมู่​ต้าน​อย่าง​เต๋มตี้

1 ทิโมธี 1:12

ข้าพเจ้า​ขอบพระคุณ​พระเยซู​คริสต์​องค์​พระผู้เป๋นเจ้า​ของ​หมู่​เฮา ตี้​หื้อ​ข้าพเจ้า​มี​แฮง​เยียะ​ก๋าน ตี้​หัน​ข้าพเจ้า​เป๋น​คน​ซื่อสัตย์ กับ​แต่งตั้ง​ข้าพเจ้า​เป๋น​ผู้​ฮับใจ๊​พระองค์

1 เปโตร 4:10

ต๋าม​ตี้​แต่​ละ​คน​ได้ฮับ​ของ​ประทาน​จาก​ของ​ประทาน​อัน​หลากหลาย​ของ​พระเจ้า ก็​หื้อ​ใจ๊​ของ​ประทาน​นั้น​ฮับใจ๊​กั๋น​อย่าง​สัตย์ซื่อ