1 โครินธ์ 15:34 - พระคริสตธรรมคัมภีร ภาคพันธสัญญาใหม

³⁴ จง​มี​สติ​ได้​แล้ว เลิก​เยียะ​บาป​เหีย ย้อน​มี​บาง​คน​ใน​หมู่​ต้าน​บ่ฮู้จัก​พระเจ้า​เลย ตี้​ข้าพเจ้า​อู้​จาอี้​ก็​เปื้อ​หื้อ​หมู่​ต้าน​ละอาย​ใจ๋

1 โครินธ์ 15:34 ပူးပေါင်းရင်းမြစ်များ

มัทธิว 22:29

พระเยซู​ตอบ​หมู่​เขา​ว่า “หมู่​ต้าน​เข้าใจ๋​ผิด​แล้ว ย้อน​ว่า​หมู่​ต้าน​บ่เข้าใจ๋​พระคัมภีร์​กับ​บ่ฮู้จัก​ฤทธิ์​อำนาจ​ของ​พระเจ้า

ยอห์น 5:14

หลังจาก​นั้น พระเยซู​ก็​ปะ​เขา​แหม​เตื้อ​ใน​พระวิหาร พระองค์​ก็​อู้​กับ​เขา​ว่า “ต๋อน​นี้​ต้าน​ก็​หาย​ดี​แล้ว หื้อ​ย้าง​เยียะ​บาป​เหีย เปื้อ​บ่หื้อ​ความ​ตุ๊ก​นัก​เหลือ​นี้​เกิด​ขึ้น​กับ​ต้าน​แหม”

ยอห์น 8:11

แม่ญิง​คน​นั้น​ก็​ตอบ​ว่า “บ่มี​เจ้า” แล้ว​พระเยซู​ก็​อู้​ว่า “เฮา​ก็​บ่ลงโต้ษ​เจ้า​เหมือน​กั๋น ไป​เต๊อะ แล้ว​ห้าม​เยียะ​บาป​แหม”

กิจก๋าน 26:8

เป๋น​จาใด​ต้าน​ตังหลาย​เจื้อ​ว่า พระเจ้า​เยียะ​หื้อ​คน​เป๋น​ขึ้น​จาก​ความ​ต๋าย​นั้น​เป๋น​ไป​ตึง​บ่ได้

โรม 1:28

ย้อน​เขา​หัน​ว่า​ก๋าน​ฮู้จัก​พระเจ้า​เป๋น​เรื่อง​บ่สำคัญ พระองค์​จึง​ป่อย​หื้อ​หมู่​เขา​มี​จิตใจ๋​เสื่อม​ทราม เขา​จึง​เยียะ​ใน​สิ่ง​ตี้​บ่ควร​เยียะ

โรม 13:11

หื้อ​ต้าน​เยียะ​จาอี้​ย้อน​ต้าน​ฮู้​ดี​ว่า บ่าเดี่ยว​นี้​เถิง​เวลา​ตี้​สมควร​จะ​ตื่น​จาก​หลับ​แล้ว เวลา​ตี้​เฮา​จะ​ได้ฮับ​ความ​รอด​นั้น​ก็​ใก้​เข้า​มา​เถิง​เหลือ​ต๋อน​ตี้​เฮา​ฮับ​เจื้อ​ใหม่ๆ

1 โครินธ์ 4:14

ข้าพเจ้า​บ่ได้​เขียน​ข้อความ​หมู่​นี้​เปื้อ​หื้อ​หมู่​ต้าน​ขาย​ขี้​หน้า แต่​เขียน​มา​เปื้อ​สอน​หมู่​ต้าน​ตี้​เป๋น​เหมือน​ลูก​ตี้​ข้าพเจ้า​ฮัก

1 โครินธ์ 6:5

ตี้​ข้าพเจ้า​เขียน​จาอี้ ก็​เปื้อ​หื้อ​หมู่​ต้าน​ละอาย​ใจ๋ ใน​หมู่​ต้าน​บ่มี​ใผ​ตี้​มี​ผญา​ปั๋ญญา​ปอ​ตี้​จะ​ตัดสิน​เรื่อง​ผิดเถียง​กั๋น​ใน​หมู่​ปี้น้อง​ผู้เจื้อ​ได้​เลย​กา

1 โครินธ์ 8:7

แต่​บ่ใจ้​กู้​คน​ตี้​มี​ความ​ฮู้​จาอี้ บาง​คน​ตี้​เกย​นับถือ​ฮูป​เคารพ เมื่อ​เขา​กิ๋น​ของกิ๋น​ตี้​เกย​เอา​ไป​ปู่จา​ฮูป​เคารพ เขา​ก็​ยัง​กึ๊ด​ว่า​เป๋น​ของกิ๋น​ตี้​ปู่จา​ฮูป​เคารพ​ตี้​มี​จีวิต​แต๊ๆ จิต​สำนึก​ของ​เขา​ยัง​อ่อนแอ​อยู่ เขา​เลย​ฮู้สึก​ว่า​เขา​เป๋น​มลทิน​ตี้​ไป​กิ๋น​ของกิ๋น​จาอั้น

เอเฟซัส 5:14

ย้อน​ว่า​กู้​สิ่ง​กู้​อย่าง​ตี้​แสง​ส่อง​หื้อ​หัน​นั้น ก็​เป่งแจ้ง​ไป​ตวย จาอั้น​เลย​มี​กำเขียน​ไว้​ว่า “คน​ตี้​หลับ​อยู่​ก็​หื้อ​ลุก​ขึ้น​เต๊อะ หื้อ​เป๋น​ขึ้น​จาก​ความ​ต๋าย แล้ว​พระคริสต์​จะ​ส่อง​แสง​ไป​ต้อง​ตั๋ว​ต้าน”

1 เธสะโลนิก๋า 4:5

บ่ใจ้​เยียะ​ต๋าม​กิเลส​ตั๋ณหา​เหมือน​อย่าง​คน​ต่างจ้าด​ตี้​บ่ฮู้จัก​พระเจ้า