1 โครินธ์ 14:37 - พระคริสตธรรมคัมภีร ภาคพันธสัญญาใหม

³⁷ ถ้า​ใผ​กึ๊ด​ว่า​ตั๋ว​เป๋น​ผู้​เป๋น​ปาก​เป๋น​เสียง​แตน​พระเจ้า กาว่า​เป๋น​คน​ตี้​มี​ของ​ประทาน​ฝ่าย​จิตวิญญาณ เขา​ต้อง​ยอมฮับ​ว่า​สิ่ง​ตี้​ข้าพเจ้า​เขียน​มา​นี้​เป๋น​กำสั่ง​จาก​องค์​พระผู้เป๋นเจ้า

1 โครินธ์ 14:37 ပူးပေါင်းရင်းမြစ်များ

ลูก๋า 10:16

พระเยซู​บอก​หมู่​สาวก​ว่า “คน​ตี้​ฟัง​ต้าน​ตังหลาย​ก็​ได้​ฟัง​เฮา คน​ตี้​บ่ยอมฮับ​ต้าน​ตังหลาย ก็​บ่ยอมฮับ​เฮา คน​ตี้​บ่ยอมฮับ​เฮา​ก็​บ่ยอมฮับ​ผู้​ตี้​ใจ๊​เฮา​มา”

โรม 12:3

ใน​ฐานะ​ตี้​พระเจ้า​โผด​หื้อ​ข้าพเจ้า​เป๋น​คน​บอก​ข่าวดี​ของ​พระองค์ ข้าพเจ้า​ขอ​บอก​ต้าน​ตังหลาย​ว่า ห้าม​กึ๊ด​ว่า​ตั๋ว​เก่า​ดี​เลิศ​นัก​เหลือ​ตี้​สมควร​จะ​กึ๊ด แต่​กึ๊ด​หื้อ​สม​เหตุ​สม​ผล​ต๋าม​ขนาด​ความ​เจื้อ​ตี้​พระเจ้า​โผด​หื้อ​หมู่​ต้าน​นั้น

1 โครินธ์ 14:29

หื้อ​มี​ผู้​เป๋น​ปาก​เป๋น​เสียง​แตน​พระเจ้า​อู้​สอง​สาม​คน​ก็​ปอ กับ​หื้อ​คน​อื่น​ตัดสิน​สิ่ง​ตี้​เขา​อู้​นั้น​ว่า​มา​จาก​พระเจ้า​แต๊​ก่อ

1 โครินธ์ 14:36

ถ้อยกำ​ของ​พระเจ้า​เกิด​มา​จาก​หมู่​ต้าน​กา กาว่า​หมู่​ต้าน​เป๋น​หมู่​เดียว​ตี้​พระเจ้า​หื้อ​ถ้อยกำ​กา

1 โครินธ์ 14:38

กับ​ถ้า​ใผ​บ่สนใจ๋​กำสั่ง​นี้ หมู่​ต้าน​ก็​บ่ต้อง​ไป​สนใจ๋​เขา

1 โครินธ์ 2:15

แต่​คน​ตี้​มี​พระวิญญาณ​อยู่​ตวย​ก็​จะ​ตัดสิน​ได้​กู้​เรื่อง แต่​บ่มี​ใผ​ตัดสิน​เขา​ได้​ย้อน​ใน​พระคัมภีร์​มี​เขียน​ไว้​ว่า

1 โครินธ์ 3:1

ปี้น้อง​ผู้เจื้อ​ตังหลาย ข้าพเจ้า​ได้​อู้​กับ​หมู่​ต้าน​อย่าง​อู้​กับ​คน​ตี้​มี​พระวิญญาณ​บ่ได้ แต่​ต้อง​อู้​เหมือน​อย่าง​อู้​กับ​คน​ตี้​ใจ๊​จีวิต​ต๋าม​โลก​นี้ หมู่​ต้าน​เป๋น​เหมือน​หละอ่อน​หน้อย​ใน​พระคริสต์

1 โครินธ์ 7:25

สำหรับ​คน​ตี้​ยัง​บ่ได้​แต่งงาน​นั้น กำ​ต่อ​ไป​นี้​บ่ได้​มา​จาก​องค์​พระ​ผู้​เป๋น​เจ้า แต่​ข้าพเจ้า​ขอ​ออก​กำกึ๊ด​หน้อย​เต๊อะ​ใน​ฐานะ​ตี้​ข้าพเจ้า​เป๋น​คน​ตี้​ไว้​ใจ๋​ได้​โดย​ความ​เมตต๋า​จาก​องค์​พระ​ผู้​เป๋น​เจ้า

1 โครินธ์ 7:40

แต่​ข้าพเจ้า​กึ๊ด​ว่า​ถ้า​นาง​อยู่​คน​เดียว​เหีย ก็​จะ​เป๋น​สุข​เหลือ กับ​ข้าพเจ้า​กึ๊ด​ว่า​ตี้​ข้าพเจ้า​แนะนำ​จาอี้ ก็​มา​จาก​พระวิญญาณ​ของ​พระเจ้า

1 โครินธ์ 8:2

ถ้า​ใผ​กึ๊ด​ว่า​ตั๋ว​เขา​นั้น​ฮู้​อะหยัง​แล้ว แต๊ๆ คน​นั้น​ยัง​บ่ฮู้​ใน​สิ่ง​ตี้​เขา​สมควร​จะ​ฮู้

2 โครินธ์ 10:12

เฮา​บ่ก้า​ตี้​จะ​เทียบ​จั๊น​กาว่า​เอา​ตั๋ว​ไป​เผียบ​กับ​บาง​คน​ตี้​ยกย่อง​ตั๋ว​เก่า​เน่อ คน​หมู่​นี้​ก็​บ่หลวก​แต๊ๆ ตี้​เอา​ตั๋ว​ไป​เผียบ​กับ​หมู่​เดียว​กั๋น กับ​เอา​ตั๋ว​เก่า​เป๋น​มาตรฐาน​ใน​ก๋าน​วัด​กั๋น

2 โครินธ์ 10:7

ผ่อ​สิ่ง​ตี้​มี​หื้อ​หัน​หั้น​เต๊อะ ถ้า​ใผ​มั่นใจ๋​ว่า​ตั๋ว​เป๋น​ของ​พระคริสต์ ก็​หื้อ​เขา​กึ๊ด​ผ่อ​แหม​เตื้อ​ว่า ถ้า​เขา​เป๋น​ของ​พระคริสต์ เฮา​ก็​เป๋น​ของ​พระคริสต์​เหมือน​กั๋น

2 โครินธ์ 11:4

ย้อน​เมื่อ​มี​คน​มา​สอน​เถิง​เรื่อง​พระเยซู​ตี้​แตกต่าง​จาก​ตี้​เฮา​เกย​สอน​ไป​นั้น กาว่า​เขา​หื้อ​หมู่​ต้าน​ฮับ​พระวิญญาณ​อื่น กาว่า ข่าวดี​อัน​อื่น​ตี้​แตกต่าง​จาก​ตี้​หมู่​ต้าน​เกย​ฮับ​มา​แล้ว หมู่​ต้าน​ก็​ยอมฮับ​เขา​ไว้​โดย​ง่าย

กาลาเทีย 6:8

คน​ใด​ตี้​หว่าน​เปื้อ​ตั๋ณหา​ของ​สันดาน​บาป ก็​จะ​เก็บ​เกี่ยว​ความ​ฉิบหาย คน​ใด​ตี้​หว่าน​เปื้อ​ความ​ต้องก๋าน​ของ​พระวิญญาณ ก็​จะ​เก็บ​เกี่ยว​จีวิต​นิรันดร์

2 เปโตร 3:2

เปื้อ​ว่า​หมู่​ต้าน​จะ​ได้​กึ๊ด​เถิง​กำ​ของ​หมู่​ผู้​เป๋น​ปาก​เป๋น​เสียง​แตน​พระเจ้า​ตี้​บริสุทธิ์​นั้น​ตี้​ได้​อู้​ไว้​ตะก่อน กับ​กึ๊ด​เถิง​กำ​สั่ง​สอน​ของ​องค์​พระ​ผู้​เป๋น​เจ้า​ผู้​จ้วย​หื้อ​รอด​ป๊น​บาป​โต้ษ​ของ​เฮา เซิ่ง​หมู่​อัครทูต​ของ​หมู่​ต้าน​ได้​บอก​ไว้

1 ยอห์น 4:6

แต่​หมู่​เฮา​เป๋น​ของ​พระเจ้า คน​ตี้​ฮู้จัก​พระเจ้า​ก็​ฟัง​เฮา แต่​คน​ตี้​บ่เป๋น​ของ​พระเจ้า​ก็​บ่ฟัง​เฮา จาอั้น​เฮา​จึง​สามารถ​ฮู้​ได้​ว่า​คน​ไหน​มี​วิญญาณ​ของ​ความ​จริง กาว่า​มี​วิญญาณ​ตี้​จุล่าย

ยูดา 1:17

เปื้อน​ตี้​ฮัก​เหย หื้อ​จ๋ำ​กำ​ตี้​หมู่​อัครทูต​ของ​พระเยซู​คริสต์​องค์​พระ​ผู้​เป๋น​เจ้า​ของ​เฮา​เกย​อู้​ไว้​เต๊อะ​ว่า