1 โครินธ์ 14:26 - พระคริสตธรรมคัมภีร ภาคพันธสัญญาใหม

²⁶ จาอั้น ปี้น้อง​ตังหลาย​จะ​ว่า​จาใด ต๋อน​ต้าน​มา​จุมนุม​กั๋น​เปื้อ​นมัสก๋าน​พระเจ้า คน​นึ่ง​ก็​ฮ้อง​เพลง แหม​คน​ก็​สอน แหม​คน​ก็​เล่า​เรื่อง​ตี้​พระเจ้า​เปิดเผย​หื้อ​เขา แหม​คน​ก็​อู้​ภาษา​อื่นๆ กับ​แหม​คน​ก็​แป๋ หื้อ​เยียะ​กู้​อย่าง​นี้​เปื้อ​หื้อ​กู้​คน​ได้​จ๋ำเริญ​ขึ้น​ใน​ความ​เจื้อ

1 โครินธ์ 14:26 ပူးပေါင်းရင်းမြစ်များ

โรม 1:13

ปี้น้อง​ผู้เจื้อ​ตังหลาย​เหย ข้าพเจ้า​ใค่​หื้อ​ต้าน​ตังหลาย​ฮู้​ว่า​ข้าพเจ้า​ตั้งใจ๋​หลาย​เตื้อ​แล้ว​ว่า​จะ​มา​หา​หมู่​ต้าน เปื้อ​จะ​ได้​เก็บ​เกี่ยว​ผล​ใน​หมู่​ต้าน​เหมือน​กับ​ตี้​เกิด​ขึ้น​ใน​หมู่​คน​ต่างจ้าด​อื่นๆ มา​แล้ว แต่​ก็​มี​เหตุ​ขัดข้อง​หื้อ​มา​หา​บ่ได้​จ๋น​แผว​บ่าเดี่ยว​นี้

โรม 12:7

ถ้า​โผด​หื้อ​ฮับ​ใจ๊​ก็​หื้อ​ฮับ​ใจ๊ ถ้า​โผด​หื้อ​สอน​ก็​หื้อ​สอน

โรม 14:19

ย้อนจาอั้น​ขอ​หื้อ​เฮา​ตังหลาย​อุตส่าห์​เยียะ​ใน​สิ่ง​ตี้​เยียะ​หื้อ​มี​สันติสุข​กับ​จ้วย​กั๋น​หื้อ​มี​ความ​เจื้อ​ตี้​มั่นคง​ขึ้น

โรม 15:2

เฮา​กู้​คน​สมควร​เยียะ​หื้อ​ผู้เจื้อ​คน​อื่น​ปอใจ๋ เปื้อ​เป๋น​ประโยชน์​ต่อ​เขา​กับ​หื้อ​ความ​เจื้อ​ของ​เขา​จ๋ำเริญ​ขึ้น

1 โครินธ์ 14:15

ถ้า​จาอั้น ข้าพเจ้า​จะ​เยียะ​จาใด​ดี ข้าพเจ้า​ก็​จะ​ใจ๊​ตึง​จิตวิญญาณ​ตึง​กำกึ๊ด​ใน​ก๋าน​อธิษฐาน กับ​จะ​ฮ้อง​เพลง​สรรเสริญ​ด้วย​จิตวิญญาณ​กับ​กำกึ๊ด​ตวย

1 โครินธ์ 14:2

ย้อน​ว่า​คน​ตี้​อู้​ภาษา​อื่นๆ​นั้น บ่ได้​อู้​กับ​คน แต่​อู้​กับ​พระเจ้า ย้อน​ว่า​บ่มี​ใผ​เข้าใจ๋ สิ่ง​ตี้​เขา​อู้​เป๋น​ข้อ​ล้ำเลิ็ก​เซิ่ง​อู้​โดย​พระวิญญาณ

1 โครินธ์ 14:27

ถ้า​จะ​มี​คน​อู้​ภาษา​อื่นๆ​ก็​หื้อ​มี​สัก​สอง​สาม​คน​ก็​ปอ กับ​หื้อ​อู้​เตื้อ​คน แล้ว​หื้อ​มี​คน​นึ่ง​แป๋

1 โครินธ์ 14:40

แต่​หื้อ​เยียะ​กู้​สิ่ง​หื้อ​เหมาะสม​กับ​เป๋น​ระเบียบ

2 โครินธ์ 12:19

หมู่​ต้าน​ท่า​จะ​กึ๊ด​ว่า เฮา​แก้​ตั๋ว​กับ​หมู่​ต้าน แต่​แต๊ๆ แล้ว​เฮา​อู้​ใน​ฐานะ​คน​ของ​พระคริสต์​ตี้​อยู่​ต่อหน้า​พระเจ้า ปี้น้อง​ตังหลาย​ตี้​ข้าพเจ้า​ฮัก​เหย กู้​สิ่ง​กู้​อย่าง​ตี้​เฮา​เยียะ​นั้น​ก็​เปื้อ​จะ​จ้วย​หมู่​ต้าน​หื้อ​จ๋ำเริญ​ขึ้น

2 โครินธ์ 13:10

ย้อน​จาอี้ ข้าพเจ้า​จึง​เขียน​สิ่ง​หมู่​นี้​มา​ใน​หว่าง​ตี้​ข้าพเจ้า​บ่ได้​อยู่​ตวย เปื้อ​ว่า​เมื่อ​ข้าพเจ้า​ไป​เถิง ข้าพเจ้า​จะ​ได้​บ่ต้อง​เยียะ​แฮง​ต่อ​หมู่​ต้าน โดย​ก๋าน​ใจ๊​สิทธิ​อำนาจ​ตี้​พระเจ้า​มอบ​หื้อ​ข้าพเจ้า เปื้อ​เสริมสร้าง​หมู่​ต้าน บ่ใจ้​ทำลาย

เอเฟซัส 4:12

เปื้อ​เกียม​คน​ของ​พระเจ้า​ไว้​สำหรับ​งาน​ฮับใจ๊ กับ​เสริมสร้าง​ตั๋ว​ของ​พระคริสต์​หื้อ​แข็งแฮง​ขึ้น

เอเฟซัส 4:16

พระองค์​เยียะ​หื้อ​ตั๋ว​ตึงหมด​ยึด​ติด​กั๋น​โดย​ข้อต่อ​ตี้​พระองค์​หื้อ​มา เมื่อ​แต่​ละ​ส่วน​เยียะ​ก๋าน​ต๋าม​หน้าตี้​ของ​มัน ก็​เยียะ​หื้อ​ตั๋ว​เติบโต​กับ​แข็งแฮง​ขึ้น​เอง​โดย​ความ​ฮัก

เอเฟซัส 4:29

ห้าม​อู้​กำ​บ่ดี แต่​หื้อ​อู้​กำ​ตี้​ดี​ตี้​จ้วย​หื้อ​คน​ฟัง​มี​ก๋ำลังใจ๋ ต๋าม​ตี้​เขา​ต้องก๋าน เปื้อ​กำ​อู้​ของ​ต้าน​จะ​ได้​เป๋น​ประโยชน์​กับ​คน​ตี้​ได้ยิน

เอเฟซัส 5:19

หื้อ​ฮ้อง​เพลง​สดุดี เพลง​นมัสก๋าน กับ​เพลง​สรรเสริญ​จาก​จิตวิญญาณ​หื้อ​กั๋น กับ​หื้อ​ฮ้อง​กับ​สรรเสริญ​องค์​พระผู้เป๋นเจ้า​ออก​มา​จาก​ใจ๋​หมู่​ต้าน​แต๊ๆ

1 เธสะโลนิก๋า 5:11

ย้อนจาอั้น​จง​หื้อ​ก๋ำลัง​ใจ๋​กั๋น จ้วย​ก๊ำจู​เซิ่ง​กั๋น​และ​กั๋น เหมือน​อย่าง​ตี้​ต้าน​ตังหลาย​ก่ำลัง​เยียะ​อยู่​บ่าเดี่ยวนี้