Noo Mian 8:4 - Noo Mian 1748

⁴ As doort Yeesey rish, Jeagh nagh ninsh oo shoh da dooinney erbee, agh gow, as jeagh oo hene da’n taggyrt, as cheb yn gioot doardee Moses, dy ve son fenish daue.

Yn Vible Casherick 1775 1819

⁴ As dooyrt Yeesey rish, Jeeagh nagh n’insh oo shoh da dooinney erbee, agh immee royd, as jeeagh oo hene da’n taggyrt, as cheb yn oural doardee Moses son feanish daue.

Yn Conaant Noa 1810

⁴ As dooyrt Yeesey rish, Jeeagh nagh n’insh oo shoh da doinney erbee, agh immee royd, as jeeagh oo hene da’n taggyrt, as cheb yn oural doardee Moses son feanish daue.

Noo Mian 8:4 ပူးပေါင်းရင်းမြစ်များ

Noo Mian 10:18

As bee shiu er nyn goyrt fenish kianoortyn as reeaghyn er y choontey ayms, dy vod oyr y ve eu, fenish y ymmyrkey dauesyn as da ny Ashoonyn quaagh.

Noo Mian 16:20

Eishtagh hug e currym dauesyn va kinjagh geyrt er, gyn ad dy insh da dooinney erbee dy nee eshyn va Yeesey yn Creest.

Noo Mian 17:9

As myr va’d cheet neose jeh’n clieau, hug Yeesey currym daue, gra, Ny insh‐jee yn ashlish da annane erbee, derrey vees yn mac dooinney er nirree veih ny merriu.

Noo Mian 3:15

Dreggyr Yeesey, as doort e rish, Cur raad dou nish: son shoh myr te cooie dooin dy chooilley chairys y chooilleeney. Eishtagh lig e da.

Noo Mian 5:17

¶ Ny smooinee‐jee dy daink mish dy chur mow yn leigh as ny phaderyn: cha nee dy chur mow haink mee, agh dy lieeney.

Noo Mian 6:1

Cur‐jee twoai nagh der shiu da ny Boughtyn, kiongoyrt rish deney, er coontey dy ve er ny akin lioroo: er nonney cha vow shiu leagh veih’n Ayr eu t’ayns niau.

Noo Mian 9:30

As va ny sooyllyn oc er nyn vosley, as hug Yeesey currym geyr daue, gra, Jeagh‐jee nagh vow dooinney erbee fys er.