Noo Mian 6:16 - Noo Mian 1748

¹⁶ ¶ As tra vees shiu trostey, ny bee-jee jeaghyn trimshagh, myr ny crauee-foalsey, son tar adsyn sollagh nyn eddinyn er chee deney dy chur tastey da’n trostey oc. Dy firrinagh ta mee gra riu, dy vel nyn leagh oc.

Yn Vible Casherick 1775 1819

¹⁶ As tra vees shiu trostey, ny bee-jee groamagh myr ny crauee-oalsey, son t’adsyn caghlaa cummey nyn eddin, er-chee deiney dy chur tastey da’n trostey oc. Ta mee shickyrys diu, dy nee shoh [ooilley] nyn leagh.

Yn Conaant Noa 1810

¹⁶ As tra vees shiu trostey, ny bee‐jee groymagh myr ny crauee‐oalsey, son t’adsyn caghlaa cummey nyn eddin, er‐chee deiney dy chur tastey da’n trostey oc. Ta mee shickyrys diu, dy nee shoh [ooilley] nyn leagh.

Noo Mian 6:16 ပူးပေါင်းရင်းမြစ်များ

Noo Mian 6:1

Cur‐jee twoai nagh der shiu da ny Boughtyn, kiongoyrt rish deney, er coontey dy ve er ny akin lioroo: er nonney cha vow shiu leagh veih’n Ayr eu t’ayns niau.

Noo Mian 6:2

Shen-y-fa tra t’ow coyrt da ny Boughtyn, ny lig da cayrn ve’r ny heidey royd, lurg aght ny crauee‐foalsey, ayns ny kialteenyn, as ayns ny straadjyn, er coontey moylley gheddyn veih deney. Dy firrinagh ta mee gra riu, ta nyn Leagh oc.

Noo Mian 6:5

¶ As tra vees oo goall padjer, cha bee oo myr ny crauee‐foalsey: son shynney lieusyn shassoo seose ayns ny kialteenyn, as ayns corneilyn ny straadjyn dy ghoall padjer, er chee dy ve’r ny akin liorish deney. Dy firrinagh ta mee gra riu, dy vel ad er gheddyn nyn leagh.